.
.
.



منال عمرها 45 متزوجة ومستقره بحياتها ولديها ابناء حسنين التربية

ليست جميله بالمره (بمقاييس الجمال المعروفة ) او تكاد تقول عنها قبيحه في

بعض الاحيان .. لكن روحها ونفسها الحلوة تطغي عليها .. ذات اخلاقيات عالية

ليست مثالية ولكن تتصف بانها خلوقة .. مثقفة جدا جدا .. حواراتها من ارقى

الحوارات .. مرحة جدا جدا تستطيع بتعليق عادي بسيط جاء عفو الخاطر ان

تضج الجلسة بالضحك من تعليقها ينحصر الكون لديها ببيتها وزوجها

(رغم نجاحها في عملها ) .. لما نرى تعاملها مع زوجها نتذكر المسلسلات

السوريه (ابن عمي :)) , فهي دائما تنصح البنات المقبلات على الزواج ..

* ديري بالج يكون وجود زوجج بالنسبة لج مثل عدمه .. حسسيه ان تواجده

غير .. ولو بالتمثيل بالبدايات !!..

مع بالوقت بتعوّدين على هالشعور واهو بعد .

عوديه على هالشي . تلاقينه لي انشغلتي باي سبب يفقدج ويحن لقعدتج .

* تتنرفز لما تسمع انه في وحده من بناتنا سافرت مع اهلها وزوجها بالديرة

مو مسافر لارتباطه بالشغل .. وتعصب ودايما تقول الشرهه مو عليكم على اهلكم

اللي ماخذينكم ومخلييين ازواجكم ..

* هذا غير اشياء كثيره شفتها على ارض الواقع .. فهي فعلا تحبب زوجها

تفرح لي احد سمَّااا عليه .. ويطير قلبها لي تكلمواا عنه بالاخبار والا الجرايد

وبالمقابل زوجها يحبها .. فهو لا يجلس بجلساتنا العائليه الا اذا امه والا اهي

موجوده واذا مالقى احد منهم طلع .، نقاشاتهم مع بعض رهيبة هو يتكلم معاها

في كل شي من السياسه لي الخضراوات ومدى اهميتها هههه .. ويهتم برايها

ابدا مو هامشي رايها ، وحتى لي علقت تعليقات خفيفة طينه اهو يفهمها ..

.

.




مها عمرها 37 متزوجه ومستقره بحياتها وكذلك لديها من الابناء والبنات

جميلة، سنعة ، طباخة درجة اولى ، نظيفة بشكل وسواسي .. زوجها ملتزم

دينيا ، اصغر منها بسنوات .. ورغم الفارق بينهم بالسن فهي

تظهر انها اصغر من زوجها بعدة سنوات .. ترى زوجها كركن اساسي في حياتها ..

ولكن ليس كل حياتها ,مع انها معطيته حقه بالتمام .. فبيته نظيف .. ابنائها

مربيين تربية عاليه وهم شطار .. وشكلها رغم كبرها بالسن الا انها دائما تظهر

اصغر من البنات ،مهتمة بنفسها ،وبشخصيتها ،كملت دراستها عنده رغم عدم

حاجتها للعمل لان زوجها يعتبر صاحب راتب عالي .. وما ارتاحت لين اشتغلت

تؤمن بانا _ لي مساحتي ولزوجي مساحته مادامت ماتضر بالآخر _ ..

فهي تسمح لزوجها بالسفر مع اصحابه ..فلزوجها دائما سفرييتن في تاريخ معين

كل سنة .. سفره القنص والعمرة برمضان .. ودائما تقول ان مدام ان زوجي

يسفرني انا وعيالي بالصيف .. ومتى ماتوافرنا لنا فرصة سفرني عمره

جزاه الله خير .. ليش اضغط على زوجي واقيد حريته .. صاحبة نظام عسكري

في البيت والتربية فبعد الثمان مافي احد قاعد الكل ينام ، ولها نظامها

فمافي دورات ماتدخلها هذا بالاضافة الى اشياء كثيره تعملها ..

جدولها اليومي محسوب بالقلم والمسطره

نصايحها للمقبلين عالزواج تنحصر دايما في هالشي ..

* اهتمي بنفسج ولاتخلين على نفسج قاصر .. تعلمي كل شي من وضع

المكياج لي الطبخ لي طريقة التعامل مع الزوج ، بس مو عشان زوجج

عشانج انتي .. عشان نفسج .. لانج اذا سويتيه لريلج بتملين مع الوقت

لكن اذا عملتي هالاشياء من واقع حبج لها راح تمَّين عليها وتبدعين فيها .

* لا ينحصر كل اهتمامتج باهتمامات زوجج فتذوب شخصيتج في شخصيته

وتفقدين تميزج عنه ..

* خلي لج عالمج الخاص فيج (لاياخذج ريلج واعيالج من نفسج ) ...

.