قصيدة
المملكه عندنا غير
وهي بمناسبة شفاء صاحب السمو الملكي الامير سلطان بن عبد العزيز من الوعكه الصحيه اللتي المت بسموه
وتتحدث عن علاقة الشعبين السعودي والكويتي والموقف الموحد ضد العمليات الارهابيه بالمملكه العربيه السعوديه الشقيقه
والقيت هذه القصيده في امسيه ابها الاخيره واللتي كان فيها مع الشاعر حامد زيد الشاعر السعودي مساعد الرشيدي
يا طير غرد وازهـري يـا نواويـر يا شمس طلي وانزحي يـا غمامـه
ويا نفس زفـي للوجيـه التباشيـر ويا جفن كف من البكـى والندامـه
من هالدقيقه مـا للأحـزان تبريـر برجوع ابـو خالـد لنـا بالسلامـه
مادام سلطان الكـرم حـي وبخيـر معـاد ننشـد لـو تقـوم القيامـه
بشت يذري عن عجـاج المعاصيـر ووجـه يـرد ارواحنـا بإبتسامـه
وكف يجـود بـلا حـدود ومعاييـر وشهامة ما بعدهـا مـن شهامـه
اكرم من اللي ماخـذ الجـود تبذيـر واصدق من عتاب الخوي في خصامه
واشد من ظرب السيوف الشواطيـر واجل مـن وصـف يحـدد مقامـه
سلطـان ياقـرم يقـود الطوابـيـر ياسيد الجيـش السعـودي وإمامـه
ياشـوق تلعـات الرقـاب الغناديـر يا منبر الديـن الحنيـف وحسامـه
جيتك وفي صدري وطن من تعابيـر وبخافقـي حـب الكويـت وغرامـه
لان الرفيق يحـن ويحـس ويغيـر والصف الاوحد مستحيـل انقسامـه
شعب الكويت يكن لـك كـل تقديـر ويبلغ الشعـب السعـودي سلامـه
ويعاهـدك مهمـا تـدور المقديـر نبقى لكم مثل الفشـق فـي حزامـه
لأن قـدر المملكـه عندنـا غـيـر المحترم يفـرض عليـك احترامـه
واللي يوفي بألتزامـه مـع الغيـر عيـب علينـا مـا نحفـظ التزامـه
ياجارنا اللي ما حصل منـه تقصيـر يا كبر دروع اهل الجزيـره ظخامـه
ارض الحرم .مهد الكرم.منبع الخيـر طهر الظبا.ستـر العبـي واللثامـه
يا قصة الكوثر ويـا زمـزم البيـر ويا موقع اقـدام الخليـل ومقامـه
اغلى ثرى تاطابـه الرجـل وتسيـر واكثـر عبـاد الله ورع واستقامـه
ان كبروا هز الفضا صـوت تكبيـر ولسجودهم فـي ناصيتهـم علامـه
طول اللحـا لوقارهـم زود توقيـر وقصر الثياب ابهم جمـال ووسامـه
اصحاب نهج ودينهـم ديـن تذكيـر وآمالهم تبني وطـن مـن عدامـه
لأن العمل يجمع شعـوب وجماهيـر عمر الجهل ما عـز للديـن قامـه
ومن يدعي الاصلاح لأغراض تدمير ماظـن للرحمـه صلـه بأهتمامـه
الموعضه تيسيـر ماهيـب تعزيـر وحنـا نميـز بالحـلال وحـرامـه
ما للهدف من قتل الاطفـال تفسيـر وصبر على فعل الجرايـم غشامـه
اكثر من اللي صار وشعـاد بيصيـر المسألـه وصلـت حـدود الكرامـه
مالله خلقنا فـي سمانـا عصافيـر والحـمـد لله مالـنـا بالرخـامـه
جهالنـا عنـد المواجـه مغـاويـر وافعالنـا صبـر وثبـات وجزامـه
يـوم الظعيـف ببالشديـده معيثيـ رحنا ليـا ضاقـت نطـش العمامـه
نفزع بوجه المدفع بسيـف وبعيـر ولا عاش فينـا مـن يـرد بكلامـه
يامير مـا يلحقكـم الشـك ياميـر ولا غيركم يا اهل الزعامه زعامـه
الله مدبـر فيكـم الـعـدل تدبـيـر ومعكم يسود امـن البـلاد ونظامـه
وإن كان للفتنه على الشعـب تأثيـر يمكـن تـزود وحدتـه والتحـامـه
الحكـم حكـم الله ولا فيـه تغييـر ودوامكـم ياسيـدي مـن دوامــه
والله لا عنتـر ولا سالـم الـزيـر يقدر يزعزع بأرض الاسلام هامـه
دام الفهد طيب وابـو متعـب بخيـر والنايـب الثانـي رجـع بالسلامـه
هلت على الشعب السعودي تباشيـر وقامت على حزب الضـلال القيامـه
اتمنى تنال اعجابكم
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
العرض العادي
