وعدتكم فيه ..... المفاجاءة الاحلى ( يناسب الاطفال من عمر سنة فما فوق ...... بس بشرط نخفف نسبة الليمون ونزيد بدلها موية الورد .... كذا يصير الطف على بشراتهم الحساسة )..........


فوائد السائل :
1- يصفي بشرة الجسم ويخفف من الكلف والاختلافات اللونية ( لاحظوا النتيجة مزبوط بعد اسبوعين استعمال )
2- يعطي نعومة رهيبة للجسم والمناطق اللي عهدتوها خشنة ومحرجة ويطلع فيها قشور راح تشوفينها تلق نضارة ولون مورد .
3- ينفع للاطفال لانه طبيعي ... اللي راح يستفيدوا منه مزبوط هم اللي عيالهم واخوانهم الصغار (بنات-اولاد) يحبون اللعب بالشمس او بعد رحلة بحر (شرط ماتكون بشرتهم ملتهبة ومعهم حروق شمس) وبرونزاج و تبين ترجعين لهم لون بشرتهم الطبيعي وتحافظين عليه ومع الزمن يكبروا ببشرة نظيفة خالية من الكلف وصافية باذن الله ..... بناتكم بالذات اذا كبروا بيدعون لكم ( باذن الله لا سواد ركب ولا جسم مبقع او خطوط وتشققات جلدية )
4- روووووووعة روووووعة للرجول والسيقان .... يخلي رجولك قطنة موردة من النعومة والبياض . ( عن تجربة .... النتيجة تبان بالذات للسيقان والرجول بوقت اسرع واقصر ..... والسبب ؟؟؟ جايتكم بالكلام ... انتم بس اصبروا .....)
5- يناسب الرجال بعد ( ازواجكم .... اخوانكم .... أي عريس بعايلتكم) >>>> ايه لا تستغربون .... والله صرت اشوف واسمع عن شباب اذا الواحد خطب تلاقونه خلاص ... هو الثاني مسوي زحمة زي العروسة وبدا يتجهز ويتنظف وينتظم بالروحات لصالون الحلاقة ... ماسكات .... حمامات بخار ... مساج بشرة .... تنظيف ...... مدري ايش عاد بقو لنا ؟؟؟ .... بس زين يحبون النظافة >>>هههههههه ( ماعدا اللي مزودينها مرررره ... الله يهديهم )
6- يناسب الكسولات واللي ما ينتظمون على تدهين اجسامهم بعد الشاور اليومي وكمان اللي يكرهون دسامة وتدبيق الكريمات وملمسها الثقيل عل الجلد.
7- منعش جدا وريحته حلووووة.
8- هالسائل ممتاز لما تستعملوه بعد خلطة كريم كاب للفساتين لانه يساعد على تسريع نتايج الخلطة وتفتحين بوقت اسرع .


المقادير :

عصير4 ليمونات ابو زهرة او بنزهير
>>>> زي ماتسمونه بس هو الليمون الصغير اللي جاي لونه على اخضر ( المعروف عند الفلبينيين والآسيويين بشكل عام انه يبيض اكثر من الليمون الاصفر الكبير .... اسمع يسمون ابوزهرة ( كلامنسي )

1ملعقة /ك زيت لوز مر
1م/ك زيت لوز حلو
1 م/ك زيت خروع
1م/ك جلسرين سايل ( سائل شفاف مثل الزيت وليس الكريم ابوعلبة حمرا )
1 م/ك زيت جنين القمح
4 م/ك زيت اطفال بيبي اويل .... افضل جونسون باي ريحة تحبونها
2 م/ك موية ورد
علبة فاضية ( علبة موية بلاستيك – علبة اسكينول – علبة زيت جونسون وذي الافضل واللي استعملتها شخصيا)

* جميع الزيوت اصلية من شركة وادي النحل اخدتها من صيدليه ماعدا الجلسرين ..اي نوع سائل منه ينفع.


الطريقة :
اعصري الليمون وصفيه من أي لب او بذور... راح يطلع معك العصير مقدار ثلاثة ارباع بياله شاي عادية .... ثم ضعية بعلبة بلاستيكيه نظيفة ومغسولة ...... اضيفي عليه بعد ذلك باقي المقادير ..... ثم غطي العلبة بغطاءها الخاص ..... ورجيها جيدا لحد ما يطلع معنا خليط متجانس لونه اصفر على بيج . ويحفظ بالثلاجة بعد الاستعمال .... انا تعمدت ان الكمية تكون كافية لثلاثة ايام بالكثير .... ليه ؟؟.....لانه حتى لو حفظناه بالثلاجة فلا يطول ..فقط من 5 – 4 ايام بالكثير. كذا احلى ... عشان كل مرة تسوين جديد فريش وتكون النتايج افضل ....

كيفية الاستعمال :

بعد الشاور اليومي المعتاد .... استحمي بشاور جل او صابونة ( افضل دوف أي لون او صابونة بابايا اصليه من عند العطارين........ او صابونة بابايا من بودي شوب وهي الافضل والاضمن بالذات للحوامل والمرضعات ) وزي ما اوصيكم كالعادة .... مافي صنفرة او ليفة مغربية اكثر من 3 مرات بالاسبوع ( السائل فيه ليمون .... يعني لو فركتي وقشرتي بخشونة .... راح تحسي بالليمون يلسع ويقرص الجلد ويسبب حكة ).... المهم ... بعد ما تشطفي الجسم من الصابون .... وانتي لسة بالحمام .. لك مطلق الحرية ... تبين تنشفين الجسم من الموية بتربيت خفيف او تتركيه مبلول .... مو مشكلة ... زي ماتحبي واللي يريحك ....اهم شي جيبي علبة السائل وارجعي رجيها من جديد ( لانه راح يرد ينفصل الزيت عن الليمون) وابداي وزعيه وادهنية على الجسم بالكامل ماعدا المناطق الحساسة حاولي تتلافيها بالذات عند الاطفال .... واللي تبي تفتح المناطق الحساسة عندها مو مشكلة امسحي من برا على الشكل الظاهري ولا تدخلينها كانك تتشطفي فيها ... لا .... بس مسح من برا . ..... وبس.... خليها على الجسم لا تغسليها وجففي جسمك كالمعتاد باي منشفة او روب استحمام .... والبسي ملابسك عادي ... لا راح توسخ ولا تدبق وما تحتاج أي ترطيب بعدها .......وشوفي النظافة والريحة والنعومة كيف ... جوووناااان .... ومن اول استعمال )

كم مرة نستعملها باليوم ؟؟؟؟
1- للجسم : مرة او مرتين يوميا كفايه .
2- للرجول والسيقان : بعد كل وضوء للصلاة وهي لسه مبلولة موية ادهنيها على السريع من السائل ......الحين عرفتو ليش باول الموضوع قلتلكم انه يحسن ويحلي الاقدام وتبان النتايج عليهم اسرع ( من ثالث يوم نتايج حلوة ومشجعة )...... ..... خلي الحركة ذي روتين مع كل وضوء وشوفي كيف راح تبيض رجولك وتورد.
3- لليدين : زي ماتحبي ... كل ما شفتيها جافة وتحتاج ترطيب دهنيها منه .
4- للاطفال : يكفي مرة باليوم .... وممكن حتى بالاسبوع 3 مرات.


ملاحظات مهمة : ( اشياء اتوقع يسالني البعض عنها بالخاص)

1- ماينفع نستعملها ونطلع في الشمس بعدها .... راح يقلب البياض سماااااار .... وطوال فترة استعمالها اللي يبون بياض ... يستعملو بهالفترة واقي قبل التعرض للشمس .
2- الاطفال : لا تستعمل لاقل من عمر سنة ....... وكمية الليمون تكون لهم اخف .... عوضي باقي الكمية بموية ورد بدل الليمون .... لان بشراتهم حساسة .
3- ماجربتها على وجهي ... ولا اظن انها تنفع للوجه ..... اللي تبي تجازف بكيفها ....(يعني لا يجيني سؤال على الخاص ...هل تنفع للوجه ؟؟؟.... ماراح ارد .... مالا علم لي به لا افتي فيه )
4- اللي عندها خطوط بيضاء او بنية بجسمها (علامات تمدد استريتش مارك) اعملو كميتين من السائل ..... وحده زيدي عليها زيت زيتون اصلي مقدار فنجان قهوة ...واستعمليها بس على مناطق الخطوط ......( الصراحة .. لسة.ماجربتها ...لكن من خلال بحثي بالنت عن علاج علامات التمدد لقيتهم ينصحون باستعمال زيت الزيتون مع مساج معتدل بعد الحمام .... فحبيت افيدكم وراح اجربها باذن الله معكم ..... ونشوف اذا في نتيجة )
5- للمرضعات : امسحي الصدر بمنديل او قطنه مبلولة موية قبل تعطي الصدر للرضيع عشان ما يزعجه طعم لذعة الليمون على الثدي .
6- للمتزوجات : امممممم .... ماراح افسر كثير ... طعم الليمون على الجلد يبين ... فقبل تنامي ارجعي رشي الجسم موية عادية او موية ورد تخفف وتشيل حموضة الليمون. (فهمكم كفاية)
7- افضل الموظفات والطالبات يستعملوها بعد ما يردون من الدوام .....(تعرفون ..فصل صيف حرارة وعرق ..... ومافي زي تكييف البيت )
8- اللي تعرف ان بشرتها حساسة وما تتقبل الليمون او أي نوع من الزيوت فوق ....فلا تستعملها.... وعشان خاطرها ما ينكسر ..... ولا تعتب علينا .... اقولها اخلطي الزيت اللي يناسبك منهم فوق مع موية ورد وزيت اطفال واستعمليها ..... عسى نكون ارضينا كل الاطراف .
9- لاحظت ان كثيرات يحبون استعمال بودرة الاطفال بعد الحمام ..... مو مشكلة لو حابين تستعملوها بعد السائل والتجفيف ...عادي وما تاثر .


حركة حلوة من افكاري (بنوتات ومتزوجات) :

اللي تبي تزيد عليها مسك ابيض سائل(من عبد الصمد القرشي ) لا مانع بس قلييييل ولا تكثرون منه ..... نقطتين او نقطة كفاية . ( احلى شي على الانثى تكون ريحة عطرها خفيفة يادوب تبين لدرجة تحس كان الريحة الحلوة الناعمة هي ريحة جسمها بالاساس ....... مو حلو تغرقي جسمك عطورات وروايح ثقيلة مركزة ......خليكي نااااااااااااعمة زي الوردة ...ربنا خلقها ناعمة بكل شي ...شكل وملمس وريحة ..... ورغم كدا عبيرها آآآآآآآسر )




لاحظي ..... انا طولت بالشرح والتفصيل .... ورغم ان الشي دا ما يعجب ناس كثيرين الا اني تعمدت اسويها لان بعض البنات هداها الله ترسل على الخاص تستفسر عن شي موجود ومكتوب وموضح بالموضوع ..... والله تحرجوني بجد ياللي تسوون كدا .... رغم اني احبكم واعزكم .....بس تكفون اقراي الموضوع زييييين زيييييين زييييين قبل ترسلين على الخاص ...

والصراااااااحة ..... افضل استفساراتكم تكون على العام بنفس الموضوع ...... بلييييييز يا اخواتي عشان نفيد ونستفيد ...... في عدة بنات تسال عن نفس الشيء ..... خلوها بالعام ارد مرة وحدة على نفس الاستفسار بدل ما احط نفس الرد لكل وحدة وارسله خاص ....في حين الكلام واحد .

كمان : ناس ارسلها بردود وما وصلتها ..... السبب ... يا اخواتي صندوق الرسائل عندكم يصلني اشعار بانه ممتلئ بالرسائل وعشان كذا ما تستقبلو ردودي ..... فترا اللي ما وصلها رد .... والله مو تطنيش ....


واخيرا اخواتي اتمنى اكون افدتكم ووضحت كل استفساراتكم

الله يوفقكم وييسر اموركم .... واشوفكم دوم مبسوطين ومن مواضيعي القليلة مستفيدين

اعذرو تقصيري .... ان اصبت خيرا فمن الله .... وان اخطات فمن نفسي والشيطان .....

تكفون مثل ما دعيتلكم .... ادعو لي ربي يحقق مرادي ..... الله يعلم قد ايش انبسط لما اشوف دعواتكم لي بالردود .... وياريت كمان لو كم دعوة بظهر الغيب لي ولكم بخير ( تذكري الملائكة تقول ولك بالمثل )

اصير كمان اتشجع انزل مواضيع زيادة بافكار وتجارب جديدة وحلوة

وعند النقل لاي منتدى اخر .... رجاااءا اذكري منقووول عن الاخت (سولو) مو منقوووول وخلاص

وجدت لي موضوعين (رغم تواضع مواضيعي وقلتها) بمنتديات اخرى تم نقلها واغفال ذكر المصدر رغم اني طلبت ذلك وهو من حقي لان ما اكتبه اجتهادات شخصية وليست نقلا ...... لا عيب في النقل ولكن باحترام رغبة الكاتب ) من فعلن ذلك والله لا احمل لهن أي ضغينة او حقد .... ولن اعاتب ..... فهن اخوات وما اردن الا عموم الفائدة بالنقل .... لكن .......... الحمد لله على كل حال.

دمتم بود ....... اختكم (سولو)

* عذرا على الاطالة .