نواف وصل حده قرب منه واعطاه بكس نزل الدم من خشمه : جد تربيه زباله هذي زوجتي ياكلب ..
جود حطت يدها على فمها وهيا تشوفهم خافت لا تصير مشكله وهيا مو ناقصه ..
الشاب عصب وكان حيردله البكس بس نواف اعطاه واحد ثاني اقوى من الي قبله : باقي في تفكيركم المنحط خويات ومادري وش .. جد خرفااان وين الرجوله في الي تسوونه .. ولا على بالك يوم تخاوي وحده ولا تطير شرفها يعني ابرزت رجولتك لا يالتيس اذا انك رجال كون قد المرجله ..
الشاب عصب مسح الدم بطرف كمه : اوريك شلون المرجله الحين ... لكمه بكس على عيونه ..
نواف حس انه مايشوف شي الدنيا سودت فجأه حاول يفتح عيونه بس الضربه كانت قوويه ..
فتحها بشويش وهوا يتألم .. وسحب الشاب من قميصه وصار يضرب فيه بقووه : خل امك تفرح فيك وفي تربيتك يارجال ..
وبسرعه اتجمعوا الشباب والناس كلها حولهم وحاولوا يفكوهم من بعض ..
جود راحت تجري لعندهم ودموعها متحجره بعينها تكره تشوف مشاهد العنف الي زي كذا هيا تتأثر فيها بالأفلام اجل كيف الحين قدامها وهي السبب ..
جود تسحب نواف وتصرخ : نواف خلااااص نواف بسسس فكه ..
نواف دفعها على ورى : مالك شغل خلك بعيد ..
جود عصبت وراحت وقفت بينهم عشان مايكملو ضرب : بسس خلاص عيب عليكم رجال كل واحد طول بعرض وكذا تسوون ..
الشاب مسح الدم الي صب من فمه وقال باستهزاء : ههههه علمي زوجك القوي ههههههههههه مادري هو يستقوي يبي يوريكي عضلاته ..
نواف جاه بيضربه بس مسكت يده بقوه وطالعت في عيونه بترجي : نوااف الله يخليك خلاص ..
نواف طالع في الشاب بحقد ومشى من عنده بعد ماسحب جود من يدها بقوه .. وهيا تمشي وراه مو عارفه وين بيوديها ..
ومالقيت نفسها الا بسيارة نواف وهو شاخط فيها ويسوق بعصبيه ..
جود لسه مو مستوعبه فين بياخذها وليه كل هالتعصيب عشان شباب تافهين سووا حركه بايخه زي كذا ..
قالت بتردد : نـ..ـواف ..
نواف معصب وعيونه تألمه يحس انه مو شايف الطريق كويس: وش تبين ..؟
جود انصدمت مو من حقه يكلمها كذا وهو الغلطان بس انتبهت بعيونه المنفخه لونها صاير قريب للازرق شكلها من جد تألم ..
قالت بخوف : وين موديني ؟؟
نواف حس فيها بس هوا كان منفعل الي اكله مو شوي .. قال بهدوء : برجعك البيت وين يعني ؟
جود سكتت وقعدت تلعب في اظافيرها مو عارفه ليه يكلمها كذا ........
نواف لف وجهه لعندها بعد ماوقف بالاشاره .. حس فيها متضايقه .. : جوود
جود ماطالعت فيه : نعم ..
نواف ابتسم ومسك دقنها الرقيق بيده ولف وجهها لعنده : وش فيك ؟
جود نزلت راسها بسرعه : مافيني شي ..
نواف ابتسم والدم ينزل من خشمه ..
جود لاحظت انه مرتبش ومو عارف يسوق يمسح الدم بطرف كمه وكل شويه يغمض عيونه الي تألمه ..
جود بقلق : نواف خلاص وقف ..
نواف باستغراب : اوقف ليييش ؟؟
جود : خلاص انا ادق عالسواق واوصلك معايا لبيتك شكلك تعبان وماتقدر تسوق ..
نواف : لا عادي ماعليك ..
جود : لا بليييز نواف وقف عشااااني ..
نواف وقف بسرعه وبدون مقدمات وطالع فيها : يعني خايفه علي
جود بطنها مغصتها لانه وقف فجاه : ااااااه ..
نواف : اسف يالغلا ..
جود ماسكه بطنها على خفيف : لا عادي ..
نواف : أكمـــل ولا .........
جود قاطعته : لا لا بليز خلاص انا بدق على السواق يجي ..
نواف سند ظهره عالكرسي وتنهد بتعب : اووكي ..
جود اتجرأت وقربت شويه من عنده وحطت يدها على عيونه الي تألمه .. استغربت لمن حستها حـآآآآره مره من قووة الضربه وهيا يدها متجمده من البرد او نقدر نقول من الربكه ..
نواف كان مغمض عيونه فتحها بسرعه لمن حس شي بارد جاه عليها .. ابتسم من قلبه لمن شافها تتحسس اسفل عيونه برقه .. هي علاجه مايبي دواء يكفيه قربها ..
ابتسم بخبث : هاا كيف يادكتوره جود ..
جود انحرجت وابتسمت بخجل :يعورك ؟
نواف مسك يدها وضمها ليده : لاء لمسه ايدك دواها ..
جود مره ماتوقعته جريء كذا .. حست بنبضات قلبها ملخبطه ومالها مسار معين من شدة الربكه صنمت ماعرفت ايش تسوي حتى يدها انشلت عن الحركه ..
نواف سحبها زياده وقرب لعندها .. ماصار بينهم الا مساافه بسيطه مرره ..
جود مره ازعجها الوضع وسحبت يدها بقوه ورجعت ظهرها لورى .. قالت بجديه : بكلم السواق ..
نواف ابتسم ورجع راسه لورى ..

كلمت السواق ووصفتله مكانهم ... وقعدت ساكته تطالع قدامها ..

حست بطفش مدت يدها تشغل كاسيت بس انتبهت انه نواف راكز راسه بهدووء وتعب شكله يبي يناام ماحبت تزعجه ..

نواف يشوفها حتى وهو مغمض يسمع افكارها يحس بحركاتها بكل شي .. قال وهوا مغمض عيونه بهدوء : عادي تبين تشغلين شي خذي راحتك ..
جود استغربت كيف عرف ؟؟؟!!؟ .... سكتت وماردت عليه ..

تيييت تيييييييييييييييييت << صوت بوري ..
طالعت ورراهم شافت سيارتها مع السواق يدقلها بوري عشان تنتبه ..
نواف ابتسم وطفى السياره .. ونزلوا ..
راحت ركبت من جهة اليسار .. وهوا بلعانه ركب ورى جنبها ..
جود انصدمت منه ؟؟؟ سكتت ماتبغه تزيد الوضع احراج ..
السواق : فين رووه ماما ..
جود بارتباك .. : روح بيـ..ـت صاحبتي .. حـ..ـلا ..
نواف قرأ افكارها وقال بخبث : ظهري يعورني ماقدر اركب قدام ..<< صح انه عذر غبي زي وجهه بس كذا خبااثه ..
جود باستغراب : سبحان الله الحين صار يعورك ..؟؟
نواف :هههههه (( قال بهمس ساحر )) ماتبيني جنبك يعني ..
جود لفت وجهها عالشباك عشان لا ياخذ وجه زياده ويتمادى .. وتعرف سواقها الملعون كل كلمه توصل لأمها ولو انه امها عادي بس مو لدرجة انها تركب واحد غريب معها بالسياره ..
نواف ابتسم بحزن وقرب شويه جنبها ومسك يدها بحنان .. هو عارف انه زودها بس غصب عنه ..
جود اتنرفزت جات بتسحب يدها منه : خييييييييييييير ..
نواف زاد قبضته على يدها وقال بهدوء : اسمعيني ..
جود بققت عيونها بدهشه : نوااف ..
نواف بعد عنها شويه وظل ماسك يدها : لا تزعلين يالغلا بس وربي لمن اشوفك ماقدر أتحكم بنفسي أحس إني مجنـون
جود زادت دقات قلبها وسرع تنفسها وقررت تسكت الين يخلص كلامه ....................
نواف ابتسم وركز نظراته على عيونها : انتي ماتدرين وش سويتي فيني .. جننتيني وربي ماخليتي فيني لاعقل ولا مخ يفكر ..
جود كانت حتتكلم بس قاطعه بتصرفه .. حط يدها على قلبه الي يدق بجنوون : ساااامعه هذا .. هذا ماينبض الا بإسم واااحد بهالكوون ((ابتسم بخبث )) اسمك انتي ياجوود..والله مادخله غيرك ..
جود تنفسها بدا يبطئ من كلامه وحركاته واعترافاته الخطيره عرقها صب تحس انها مخنوقه تبغه تفصخ عبايتها او حتى تفك الشبابيك أي شي ..
نواف ابتسم وترك يدها ورجع لمكانه بهدووء وهوا متأكد انه أثر عليها بكل كلمه قالها وهذا الي يبغاه ..

وبعد دقايق قليله مرت عليهم كأنها ساعات .. وصلوا للبيت ..
نواف ابتسم : توصيني شي ؟
جود تطالع من الشباك ومالفت عليه : سلامتك ..
نواف ابتسم بخبث ونزل بدون أي كلمه قفل الباب بهدوء واختفى ..
جود تطالع من الشباك بملل ومستغربه هذا ايش فيه ماحرك السياره كانت حتهزأه بسسسسس ..
نقزت لمن شافته قدامها ياشرلها تفتح الشباك ..
وهوا ضحك على شكلها لمن نطت من الفجعه ...
جود نزلت الشبا ك: خرعتني ..
نواف : سلامتك من الخرعه ..
جود : هلا أمــر ..
نواف بحركه سريعه وجرأه باسها على خدها اليمين حتى قبل لا تعترض لأنه صار بلمح البصر .. ابتسم بخبث : تصبحين على خير ..
جود لسه متنحه وتطالع فيه مو مستوعبه هو ايش سوى دوبو اختفى وهيا باقي تستوعب الي صار .. عقدت حواجبها ورجعت ظهرها لورى وسكرت الشباك .. وبعد ثواني استوعبت وابتسمت بخجل .. حطت يدها على مكان البوسه وقلبها طاير طيرااان ..

نواف دخل رااايق ومبسوط من كل شي سواه بس اهم شي عنده الحين انه ياخذله شاور طوووويل ويغير الملابس المبهدله الي عليه والدم الي ملطخ وجهه ..

ام محمد لمن شافته شهقت : نواااااف ..
نواف : هلا يمه ..
ام محمد تمسك وجهه بين يدينها : وش فيك يمه مين مسوي فيك كذا الله لا يحلله ولا يبيحه حسبي الله عليهم عيال الحرام ربي ينتقم منهم ..
نواف : هههههههه اعصابك يمه عادي مهاوشه بسيطه وعدت على خير ..
ام محمد : كل هذا وبسيطه تعال تعال ....((تنادي الممرضه )) تتتتاليااااا تتتتتتاااااااليا وصمخ ..
تاليا جات بسرعه : يس مدام ......(( شهقت لمن شافت نواف )) ايس فيه بابا نواف تئال تئال بسرئه غرفه انا ..
نواف : اففففف يمه ماله داعي خلاص مايألم (( ابتسم بهدووء )) تكفيني لمسة يدينها يممه ..
ام محمد استغربت ماعرفت ايش يقول .. قالت باصرار : لا بتجي معي غصصصب بسررعه شوف شكلك كيف ..

راح لغرفة الممرضه مسلم امره لله يعرف امه عنيده ..

@@@@@@@@@@@@@@@@@@@@@@@@@@@

فدوه رجعت للبيت تعباانه وهلكاانه من الرقص والدجه .. رمت شنطتها عالكنبه ورفعت شعرها على فوق بتعب وجلست بعبايتها مالها خلق تسوي ولا شي ..

نص ساعه وفرح داخله عليها .. : سلااااموو متى جيتي ؟
فدوه تقلب التلفزيون بطفش : وعليكم .. ماليا نص ساعه ..
فرح جلست جنبها : واشبك ماغيرتي ؟
فدوه : مااافيا..
فرح : هههه شكلك فليتيها
فدوه : هههه ايوا والله مره بسطه اشتهيتك معايا ..
فرح : ههههههه المهم انبسطتي ..
فدوه : ايوا الحمد الله ..
فرح : اممم وكيف الجو كاان ايش سويتو حكيني ..
فدوه : فرروحه والله مرره مافيا اسوي شي بكرا احكيكي ..
فرح وقفت : والله حتى انا ابغه انام (( تتثاوب )) تصبحي على خير
فدوه : وانتي من اهلو ..

مرت من غرفة امها واستغربت تكلم مين بهالوقت وصوتها عالي مبين انها منفعله ..؟؟؟!!؟ قربت اذنها للباب عشان تسمع كويس ..
متىىىىىىىىىى ..؟؟ كيف طيب ؟؟؟؟؟؟؟ وحالتو مستقره ..؟!؟! ايششش ؟؟ شلللللللل .... طيب ومين سوى كدا ....... كيف يعني مالحقتوو عليهم .....؟؟؟ امك لو تدري بتمووت ؟؟؟؟؟ لحد يدري ياولدي امك لا تجيبلها سيره نفسيتها بتنعدم ؟؟؟؟؟!!!؟!؟ خلاص خلاص حبيبي مابغه اطول عليك ........... طمني عليه بأسرع وقت ...... الله يعينك ... مع السلامه ..

فرح مصدومه برى مين هذا الي بينشل دخلت على امها بدون ماتدق الباب ولا يهمها اذا تعرف انها كانت تتسمع عليها او لاء حست قلبها نغزها خافت لا يكون احد تعزه وتخاف عليه ..

فرح بخوف : ماما ايش سار مين انشل ماما قوليلي فهد فيه شي مشعل سارله شي مين يامامي قولي مييييين ؟؟
ام فايز استغربت كيف سمعتها حاولت تهدي عليها : مافيه شي حبيبتي ليه تزعقي ..
فرح : ماما قوليلي مشعل ايش فيه ؟
ام فايز بهدوء : مو مشعل ..
فرح : اجل مييين اتكلمي ماما قولي ميييييين ؟؟
ام فايز حطت رجل على رجل واخذت رشفه من كوب النسكافيه : ابو مشعل ..
فرح بققت عيونها : ماااجد ..؟؟
ام فايز استغربت تقول ماجد كأنه اصغر عيالها : ايوا عمك ماجد ؟
فرح طالعت في امها وكأنها قرفانه ومشمئزه من شي : يخسى الا دا يكون عمي .. احسسسن يارب يموووت ..
ام فايز مستغربه : ايش دا الكلام يافرح استغفري الله مايسير ..
فرح من كل قلبها : يارب ينحرق يااارب مايذوق طعم الراحه طول حياته ..
طلعت بسرعه وقفلت الباب ..
ام فايز هزت كتوفها : الله يشفيكي يامجنونه ..
فرح حست بضيقه لمن افتكرت الي سواه فيها او الي كان حيسويه .. راحت تجري بتكلم فراس تقله عـ الي
.. راحت تجري بتكلم فراس تقله عـ الي صار ..

دقت عليه ومن اول رنه رد وكأنه كان ينتظر اتصال ..
فراس : هلا فرووحه
فرح : اهلين كيفك ؟
فراس : تماام ..
فرح : امم فيرو عرفت بلي صار ؟
فراس يتصنع الاستغراب : ايش خير ان شاء الله ..
فرح بخبث : كلللللل خيـــــر ..
فراس ابتسم : بشـــري ..
وحكته كل الي سمعته ..
فراس يضحك باستهزاء : ههههه ههههههههههه ههه هههههه هههههههه ..
فرح استغربت : ليه تضحك ؟
فراس بخبث : انا وعدتك يافرح وكانت كلمة رجال ..
فرح بدهشه وتفاجأ : يعني انتا الي .............
..

@@@@@@@@@@@@@@@@@@@@@@