قصة شاب في الزواج من نانسي عجرم (مضحكة)



* * الزواج من نانسي عجرم * *

السلام عليكم

هذه السالفه كانت اول ماطلعت نانسي عجرم على ساحه الغناء
تذكرونها في اغيه اخاصمك آه اسيبك لااااااااااا

هذه القصه :

في ليلة من الليالي وانا اقلب في المجلات العربية واتفرج على الصور الي كل وحدة احلي من الثانية
(من زود الثقافه يعني تلقاك قاعد تتفرج على صور البنات)
شفت صورة ( نانسـي عجــرم ) سحبت بريك وقعدت اناظر فيها مدة
من الزمن ثم اتخذت قرار صارم بمناداة امي بصوت عالي ........
لم تسمعني فقررت ان اناديها بصوت اعلي ..................
ولم اري الا شئ وهو يخبط في راسي بعدها نعم وش تبي ؟

انا : خلاص نسيت وش بقيت اقول من الضربة
فلما همت امي بالذهاب اطلقت صرخة ..............
التفتت على امي وقالت ردينا يعني تبي ؟؟؟؟؟؟؟؟؟

فقلت لالالالالالالالالالالا ابيك في موضوع مهم وخطير انا اتخذت قرار ولن اتراجع عنة او اتزحزح عن قراري (والله كبرت وصرت تتخذ قرارات)


امي : وش قررت اخلص
انا:ابي اتزوووووووووووووووووووووووووووووووووج

ردت امي سريع : وقالت عاد من زين طبايعك على شأن تتزوج خلك لين تكبر شوي
وتخلص الثانوي وبعدين يصير خير
انا يماااااااااااااة حرام عليكم انا مسكين قاعد اتعذب لية انا ماني ولدكم
وقعدت ابكي واعصر دموعي وما نزل الا دمعة وحدة 00دموع التماسيح

امي: خلاص انا قررت اتهور وازوجك بس بنت مين اللي تبيها

انا :بنت عجــرم ....
امي منهو عجـــرم .....

انا: قصدي ابيك تشوفين لي وحدة تشبة نـانسي لحظة خليني اقص لك
صورتها من المجلة والله واقص صورة نانسي واعطيها لامي وقلت
ابي نفس المواصفات هذة بالضبط

امي: خلاص بكرة فية عرس لولد فلانة 00بشوف لك فية بنت حلوة
اذا ما خلصت الكمية
جاء بكرة وصلت امي للعرس 00000
وانا اول مره انتظر رجعتها بفارغ الصبر بعد ساعات طويلو من الانتظار جاءت امي
وقالت : مبرووووووووووك لقيت طلبك واخذت رقم امها 00000

دقت عليهم امي في اليوم الثاني 00000ردت البنت وانا ملصق اذني في
السماعة ابي اسمع صوتها فما كان من امي الا تمسك سلك التلفون وتضربني على
ظهري لكي اغدوا في حال سبيلي 00رحت الي الصالة وانا كلي تخيلات واحلام
جاءت امي لتزف الي بشرى قبول اهل البنت مبدئيا 00فرحت بالخبر وانتظرت اليوم
الموعود وانا انشد ( نحمد الله جت على ماتمني )


ذهبت للحلاق وقلت لة توظيب كامل الله لا يهينك وثم جاءت امي بالطيب والبخور وقرأت
على المعوذات 0000ثم ذهبت الي ابو نسب علشان اشوف وانشاف

دقيت الجرس وفتح اخوها الاصغر وكان دبببببببببببب تبدو علية علامات البراءة
فلما رأني قال الولد من انت ... ؟؟؟؟
فقلت لة عيب يا بابا انا بصير زوج اختك
وما ان قلت هذه الكلمات حتي نزلت علية مثل الصواعق حتي ذهب داخل المنزل
واسمعة يصرخ ويقول والله ما ياخذ اختي هو وجهه ذا
فكرت في الولد اللي فضحنا لا بارك الله فية
فقلت بروح البيت وارجع بكرة على اساس اني انشغلت وما قدرت امرهم
وبالتالي مهو انا اللي فضحني الولد وصارخ في 00

وما ان اعطيت الباب ظهري وادخلت مفتاح سيارتي لكي افتح الباب الا والاب
يمسك يدي ويقول مين الاخ وش عندك
فقلت لة بصوت عالي يملأة الحزن انا الخطيب
استقبلني خير استقبال وادخلني المجلس
واخذ يسألني يمنة ويسري عن مؤهلاتي ووظيفتي ووووووووووو
وانا اتصبب عرق

ونحن في المجلس يدخل الدب اخوها ويمد لسانة ويقول والله ما تآخذ اختي
التفت الي الا ب وقلت ركد ولدكم والا بتصير علوم
فقال لة الا ب والضحكة تملأ فاة اذهب يابني اصلحك الله
فقلت تبا وسحقا لهذا الغلام ( ....... ) (احلى ياللغه الفصحى)

فقال الاب هل تريد رؤية البنت
قلت اجل وقلت في خاطري (جاي اشوفك انت والا ولدك الدب)

راح الاب داخل البيت وجاء الدب وهو يصارخ ويمد لسانة ناديتة وقلت تعال يا شاطر
بعطيك ريال وتخرج بسرعة قال خلاص 0000اخيرا صرفتة وافتكيت منة
فلما ذهب الولد دخلت علي البنت وكلها استحياء وانا انظر الي الا رض وارسم
دوائر باصبع رجلي الكبير كعلامة اني خجول

فجلست في جواري وقالت : السلام عليكم
فلما رفعت راسي لكي ارد السلام توقفت الكلمة و لم استطيع اكمالها

كيف وانا اري ابشع واقبح وامتن المخلوقات على وجة الارض لا وكانت تضع
من المساحيق ما يكفي لصنع كعكة كبيرة الحجم 0000فقلت في نفسي فركش الزواج
لاابوها ولا ابو ووووووو من يتزوجها 00000هذي الدبة يبغالها اثنين يقطون
ويتزوجونها 000000وقد كنت فكرت مسبقا ان افركش الزواج واضع
شروطا تعجيزية كي تفر البنت مني وتصيح على امها ماابية ما ابية

فقلت للوحش ( البنت ) انا عندي شروط
فقالت لي أمرك : قلت انا صاحب مخمخة خاصة تالي الليل
فلا تستغربي اذا خبطتك على بطنك تالي الليل وانتي نائمة وقلت لك قومي صلحي لي
معسل والراس ابية يكون ثلاث جمرات من الصغار والماء ما تتعدا النص ومعها ثلج

فقالت لي والابتسامة تعلو خشتها :ابشر بس عليك بالمعسل التونسي والبحريني
فأنة انقي واصفي (طلعت خبيرة وراعية معسل كمان )
قلت لا واحيانا تكون شيشة 00قالت تبي اولع لك الرأس والا انت تحب تولعه قلت في خاطري (ولعك الله في نار جهنم)
دخل ابوها واول كلمه قلت لة انت اسكت لا اسمع صوتك00 بيتكلم فصخت عقالي
وبدأت اضربة كتشوية سمعتي ويطردني من بيتة شرد ولحقتة داخل البيت
وانبرشت علية مثل انبراشة الخليوي في كاس العالم في فرنسا وانطرد على اثرها
( لا ويرادد الحكم ويقول ما سويت شئ )

ويوم طلعت لقيت الولد الدب فوق سيارتي وانبرش علية مثل الاولي
وتوطيت في بطنة ( عاد انا حاقد علية من اول ) واخذت منة الريال حقي

ويوم شغلت السيارة اسمعة يقول انقلع انت وجهك
نزلت لة وتوطيت فية واذا بابو البنت يصرخ ويقول سو اللي تبي
بس خذها موافقين ركبت سيارتي وجيت شارد للبيت
استقبلتني امي وقالت هاااااة بشر كيف البنت
قلت امي هذي تشبة نانسي وش مسوي لك تبي تذبحيني والا تبي
تتخلصين مني اكيد ما تحبيني

قالت هذا طلبك

نفس اللي في الصورة اللهم اختلاف بسيط 00وهذي الصورة شفها

فلما اخذت الصور اكتشفت السبب

اثاري قاص صورة نانسي عجـرم من الجهه الاولي

والجهه الثانية صورة وحدة من افريقيا لرفع الاثقال
او مصارعة وزنها 340كغ او اكثر

تحسبها امي هي المطلوب
بغيت اروح فيها بس الله ستر



فخلو ا بالكم ياشباب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



مع تحيات
تناهيد
mooomooo_11@hotmail.com

يا اخ تناهيد..........
عاد تصدق اعجبتني انك بتروح تعرس وانت ماكملت ثانوي.......
هههههههههههههههههههههههههههههههههه
والله انك جريه ياولد...........:)
وبعدين على فكره حلو خيالك في ضرب وبكسات على ابو البنت واخوها قوطي الصلصه.......

بس لو جيت للصحيح هذا اللي تشوفه على التلفزيون وبالمجلات ماهو اخوي الا مظاهر..

يعني برا هالله هالله ومن جوا يعلم الله......
صدقني البنت الصالحه والخلوقة صارت عمله نادره في زمن هيفاء وهبي وروبي....

اشكرك على روعة موضوعك ......
وها لاتنسا تعزمني على عرسك اذا تزوجت ان شا الله :)


عازف الاهات

مشكور اخوي على الرد عازف الاهات
وانت صادق مظاهر بس
ويعطيك العافيه ومشكور