ايــة اللى بيحصل ده000 !
والله حــاااجة غريبة خااالص 00
الريس بتاعنا هايضرب رقم قياسى ياجماعه فى حكم مصر
وشكلو مصمم انه يعزز الرقم كمان ويخبط كمان تلاتين يمين بالطــــلاق ماهو سايب حكم البلد الا بعد كمان تلاتين سنه 000 هى دى الديمقراطية فى ابهى صورها 00 نسميها ديمقراطية النفس الطويــــل 00 والضغط المتين 00
القـــرد عمال يضحك 00 هايفطس من الضحك 000 خلاص بقه ياقـــرد 00 بطل ضحك شوية 000 هو يعنى مفيش اســـد مابيسمعش حكمكو ا تلاتين سنه؟! 00 القرد فطسان ضحك 00
بس بقى ياقرد بطل ضحك 0000
خلينى اعرف اتكلم واكمل الحكايه 0 للناس الحلوة دى 00
الناس اللى عمرها ضاع فى مصر ياعينى وماشفتش غير رئيس واحد 00 محرومين حتى من تعدد الرؤساءالحرمان ياعينى مش بس من اللحمة والحياه الكريمة 00 !!
الناس الغلابه اللى بتضيع عمرها علشان بس تعرف تلبس كويس وتاكل ياعينى وتموت قدام افران العيش ابو رملة فى زمن صاحب الرقم القياسى 00 العتيق الريس الرشيق المحنك اه والله محنك خالص00 حنكه حلو وبينقط حلاوة وسكر وحجات بترفع الضغط لفوق خالص 00
بلاش نطول فى الكلام 00 احنا بقينا مش محصلين موريتانيا 00 ولا الصومال حتى 00
خلينا فى قصة الارقام القياسية 00
يا اخواننا من ايام ثورة يوليو 1952 مر علينا تلات رؤساء 00
محمد نجيب00 الراجل كان زى النسمة وحتى التاريخ نفسة ظلمه ياعينى مطولش كان مستعجل ترك الجمل بما حمل لناصر او ناصر قاله بقولك ايه يانجيب سيب لى الجمل بما حمل دورك خلص واركن شوية نجيب مكدبش خبر
مطولش عليكو فى الكلام نجيب كمان مطولش
ومسكها ناصر 00 وحصل اللى حصل 00 بس كان زعيم وترك لنا تاريخ
كفايا انه كان بيقود ثورات فى افريقيا وبيخلص مشاكل فى اليمن
مش الوكسة السودة اللى احنا فيها
طلعوا لنا مقرر اسمه عمر سليمان ومالهوش شغلانه غير فلسطين رايح جاى ولا بيحل ولا بيربط ده حتى قطر جايه تشو ف الوضع فى دارفورد فى السودان بالمناسبة قطر دى اصغر من شبرا بس بقى لها دور اقليمى فى عهد صاحب الرقم القياسى فى حكم مصر وكمان السعودية بقت بتحل وتربط فى لبنان وفلسطين واتفاق مكة واتفاق الطائف واتفاق ضغط وسكر المواطن المصرى واتفاقات كلها بتصب فى اننا بقينا بلد مالهوش قيمة ولا لازمة فى زمن الريس المتين وش السعد 000
خلينا فى صلب الحكايه الرقم القياسى
راح جمال الله يرحمة خلى لنا التعليم ببلاش وصاحبنا خلاه مولع
متعرفش النهاردة تعلم ابنك تطلع روحك مصاريف و اصلا هو فين التعليم ده الوزاره بقت صرف صحى تقريبا تعليم ايه بس ده خريج الجامعه بيكتب اسمه بالشقلوب ويافضايح تسريب الامتحانات اصل كبار المسئولين شايفين القدوة متين واديلو ادى ياتلحق تهبر يامتلحقش احنا فى عصر اسرق ياتنسرق روحك المهم خلينا فى الحدوته بتاعة الرقم القياسى
راح جمال ومسك السادات كان راجل طيب وربنا ظلمناه وعمل اللى محدش يعرف يعمله كفايا انه ضحك على اليهود ورجع لنا باقى ارضنا
سينا وطابا وشرم وااااه من شرم دى يالهوى من شرم ومصايب شرم مفيش مصيبة حلت بالعرب الا وكان قبلها مؤتمر بشرم دى عصر اسود بعيد عنكم
وراح السادات فى المنصة فى عمليه سودة لا والشطار كان قدامهم المراد وسابوه شوف الخيبة بقى معلش معذورين مكانوش يعرفو انه هايبقى كده كان طيب كان حنين كان بيقولى كلام كتير
وراح السادات فى 1981 ونبدا بقى اصل الحدوته الرقم القياسى
تولى السيد الرئيس الحكم لفترة رئاسية خامسه من(2005الى2011) سيجعله يقترب بقوة من حكام مصر الأكثر بقاء في الحكم على مر تاريخها الذي يمتد لسبعة آلاف عام؛ بدءا من الفرعون "بيبي"، ووصولا إلى الوالي "محمد علي" مؤسس مصر الحديثة قبل قرنين
بس محمد على طول فى الحكم بانجازات وهو صاحب نهضة مصر ومؤسس مصر الحديثة
الناس اللى شغلتهم التاريخ سجلوا حقايق ونتايج بتكشف عن ارقام واحصائيات وخلافه
بتوع التاريخ فى خلاصة كلامهم قالوا 000 أن تداول السلطة أصبح ضرورة عصرية مسلمًا بها مهما كانت كفاءة الحاكم، مؤكدين في المقابل على أن البقاء في الحكم لمدة طويلة له سلبياته التي لا يمكن تجاهلها -خاصة أن ذلك لا يحدث إلا في الدول التي تفتقر للديمقراطية ويحظى فيها الحاكم بصلاحيات واسعة- وفي مقدمتها ترهل المؤسسة الحاكمة التي تتحول عبر السنين إلى "شلة من المنتفعين" تحيط بالحاكم وتعطيه الإحساس بأنها تؤمّن بقاءه.
يعنى لازم التغيير 00
لكن احنا بقه ياجماعه شوفوا "محمد علي" باشا يعتبر أكثر الحكام في العصر الحديث الذين تمسكوا بالبقاء في الحكم لفترة طويلة امتدت من 1805 حتى 1848، ثم يأتي بعده بلا منازع الرئيس مبارك الذي حكم مصر من 1981 حتى عام 2008 حتى لو قرر عدم الترشح لانتخابات الرئاسة المقررة في سبتمبر2011 لفترة رئاسيه سادسه !!!!!!!!!!!!!
هو كده هايعدى محمد على ويكون كتب تاريخا جديدا ستنفرد به مصر بين مصاف الدول في العصر الحديث، وستكون سابقة جديرة بالدراسة في جامعات العالم مستقبلا 000 تعيش ياريس وترفع راسنا كمان وكمان وتحق لنا دايما يارب ارقام قياسية ايه الجمال ده ياعينى ياعينى الله اكبر تحيا مصر ايوا كده عايزين نفرج العالم عندنا رؤساء نفسهم طويل ربنا يديك طولة العمر ياريسنا ياجميل تحيا جمهورية مصر العربيه 00 يحيا الفووول والطعميةةةة ياحلو انتا ياحلووو000 نكمل الكلام الحلو 000
يا اخواننا كل الخبراء فى كل العالم قالواا من زمان ان مع بقاء الرئيس لسنين طويـــــــــلة تتشكل حوله شلة من أصحاب المصالح والمنافقين والمنتفعين؛ لأن الحاكم في الدول غير الديمقراطية يختار من يتعاونون معه على طريقة أهل الثقة، وهؤلاء يتحولون تدريجيا إلى مراكز قوة تدير البلاد وفقا لمصالحها". ياعينى عليكى يامصر اه وانا اقول اسأ لة الامتحانات بتتسرب ليه ؟ والبيوت بتقع فى رؤوس الناس ليه ؟ والناس بتجيب رغيف العيش بالموت ليه 00 بقينا نشوف شهداء جداد سموهم شهداء العيش كنا زمان بنسمع عن شهداء الجيش دلوقتى بقوا شهداء العيش00 هههههههااى000 والرشاوى بقت مصالح 0-- نكمل الكلام الحلو 000
هذا المناخ 00 اللى هو بقاء الحاكم فترة طويله بالحكم 00يحول أي حاكم تدريجيا -شاء أم أبى- إلى مؤسسة ترعى الفساد، وهذا ينطبق حتى على كبار المسئولين وأصحاب المناصب العليا في أي دولة من دول العالم الثالث، وبالطبع مصر من بين هذه الدول".. يافضيحتنا بين الدول المحترمه اللى بتصون مواطنيها ياحسرة 00 علينا وعلى سنينا السودة 00نكمل نكمل
يا اخوانن كل الخبراء اكدوا ان 000 السياسة والحكم ليست مهنة مثل الطب والهندسة وغيرها؛ بحيث تسمح لصاحبها أن يزداد خبرة كلما مارسها"؛ بل على العكس هناك أفكار جديدة وأساليب حديثة للتعامل مع الأزمات وغيرها يجب أن يكتسبها الإنسان ويتجدد معها وبها ليصبح مؤهلا لتولي المناصب العليا".
أن "الإنسان بطبعه يحتاج إلى تجديد فكره بصفة مستمرة؛ لذلك فالنظم الحديثة في الدول الديمقراطية حددت مدة معينة لرئيس الدولة أو رئيس الحزب، بعدها لا يحق له الاستمرار في منصبه السياسي مهما كانت كفاءته".
ولكن محمد علي الذي بقي في الحكم مدة 43 عاما هناك بعض السلاطين في القرون الوسطى، في مقدمتهم السلطان الناصر محمد بن قلاوون الذي حكم مصر لمدة 41 عاما، ولكنه يشدد على أن "الفارق بين حكم السلطان الناصر والرئيس مبارك ربما يكمن في أن الأول كان يترك للشعب حرية إدارة شئونه عبر طبقة العلماء والمفكرين وأهل الاختصاص، بينما يتفرغ هو لمهمة الدفاع عن أمن البلاد خارجيا وداخليا".

وثانيا محمد على ترك بصمات جميله ويعتبر صاحب مصر الحديثة 00
حاليا احنا فين وماشين ازاى ورايحين لفين؟
اصبحنا دولة هامشية مهمشة 00 حتى على المستوى الاقليمى لم يعد لنا اى دور ريادى 00
واقتصرت انتصاراتنا على لعب الكورة والاولمبيات اللى حتى مبنعرفش نعمل فيها حاجة وبناخد اصفار كمان
ياريت كفايا ياريت بس مش كفاية ايمن نور 00 كفاية بجد 000
حرام كفاية 000000000 حرااااااااام 000كفااااااااااااااااااااااااااااااااية 000 زى اللى بيقولوها فى مدرجات الكورة 000 والى لقاء جديد 00 فى هم مصرى جديد 00 من هموم مصريه 0000000000

بجد كلام جميل جدا جدا جدا وموضوعك في منتهي الروعة بس مين يسمع ومين يقول
لو فيه منك اتنين كمان يمكن حال البلد اتعدل وانا سعيده جدا بموضوعك الهايل ده

موضوعك بجد جميل جدا جدا جدا بس ياريت الناس تصحي وتفوق وتبقا شجاعة زيك ومتخفش كانت البلد انصلح حالها لكن هنقول ايه مين يقول ومين يسمع وهنفضل لحد امتي خرس لو فيه منك اتنين كانت البلد انصلح حالها بجد بحييك علي كلامك ده وجراتك دي وبقولك برافوووووووووو

روح طيبة 0000 الجميل حضورك هنا يا طيبة 00
شكرا جزيلا جيهان 00 نورتى صفحتى 00 بس خلى بالك بقى احسن اللى يعلق على موضوع زى ده ممكن يروح ابو زعبل 000000000
شرفنى مرورك والله
شكرا لك

والله انا ماااعرف الوضع عندكم فمصر ...!!

انتوا اعرف مني..

الله يعينكم ويعطيك العافيهـ..

بنوته كيوت اهلا بك اختى شرفنى مرورك الكريم
الوضع بمصر لايطاق
شكرا لمرورك
ودمتى بخير

على فكرة كلام رئع وبجد فكر جديد بس ياريت كل واحد يقف بجد

ونشوف الفرق بين دلوقتى وبعدين

والله موضوع جميل وياريت كل واحد تحدة الجرئة

ويعمل زيك مشكور اخى

تقبل مرورى

الاخ الحبيب 00 انور
بنقول دايما مهما طال الليل لازم فى صباح
ولكل شىء بدايه ونهايه
مهماا تطول الاحداث 00 اكيد فى نهايه 00
شكرا كل الشكر لك اخى الحبيب
شرفنى مرورك