** بين الغـــــــــــــــــلا والشـــــــــــــوق **
بين الغلا والشوق وسنين ماضيـك
قعدت أعزي كـل دمـع ٍ يجينـي
أبكيك والله يـا بعـد كلـي أبكيـك
وشلون ما بكي لا طفا نور عينـي
عزيت نفسي وجيت أنا اليوم أعزيك
على الوفا اللي كان بينـك وبينـي
والله مدري ويـن راحـت لياليـك
مـدري تبـي فرقـاي ولا تبينـي
أن قلت غالي .. آيـه والله مغليـك
أذكرك حتـى لـو مـا تذكرينـي
أقول ناسي بـس مانـي بناسيـك
ما أنساك حتى لو زمانـي نسينـي
لك في خفوقي كل جـرح ٍ يناديـك
وإحساس عاشق ما يملـه حنينـي
أول تعاتبنـي وجيلـك أراضـيـك
لبـا عتابـك ليـتـك تعاتبيـنـي
من كثر ما أحبك أهوجس وأناديـك
أجيك هايـم وأحسبـك تحترينـي
أعيش في ذكراك وأحـب طاريـك
وأموت وحيا بك أمل يرتـو ينـي
يا لوعة أشواقي عسـى الله يهنيـك
وأنا عسى الله يجبر الشـوق فينـي
تدري وش اللي باقي ٍ لك يناجيـك
قلب ِ تولع بـك وجـرح ٍ دفينـي
****************************
تحيتي باحساسي وقلمي
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
** بين الغلا والشـــوق ** 
