||
أخترت لكم راائـعه من رواائع الغالي:
محمد بن عبدالله العسـكر,,
؛؛
صعبه اعيش ايام عمري بلياك
وانت الحياة بدون شوفك كآبه
تعال خذني لاخر حدود دنياك
مليت اقاسي من زماني عذابه
حاولت لكن ماتحملت فرقااك
بعدك عذاب وفي حضورك مهابه
للشوق فيني شيء لا مااعتقد جاك
حول حياتي للملل والرتابه
اوقات اشوف ان الغلا ما تعدااك
واحيان احس ان الهوى للغلابه!!
بين المحال وبين خافي نواياك
حار السؤال ولا لقيت الاجابه
كانك تقول هموم وقتك تقفاك
وش حيلة اللي صار همه زهاابه
يطرد سرابك في متاهات رجواك
نفس الطريق اللي مشيته مشابه
قلب يحبك كيف يسلى وينساك
ما للفضاء لو شفت دونك رحابه
خليتني عايش على حد الادراك
مثل الجريح اللي تمادى صوابه
ماحد ملى عيني من الناس لولاك
في غيبتك كل الاوادم تشابه.!!
هذا الشعور اللي من اقصاي ينخاك
يبي القليل وماعطيته رضابه
كل القصايد داخلي همها ارضاك
حبك مدادي لا بغيت الكتابه
اجيك كلي يوم كلي فدايااك
كلش يهون الا الحبيب وغيابه
رد الوفاء والحب للي تمناك
قفى العمر واحلى ليالي شبابه
جتك المشاعر مالها غير شرواك
دامك ملكت الروح وين الغرابه!!
||
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
