جمّع اللي ودك تقوله وبعثرني عتب
الملامه شي عادي دامها منك وجاااي ..

انت تامر وانا البي ما تبي بليّا سبب
بس كان لجيتي خاطر تلبي لي رجاي..

رجوتي لاتلحق اعيونك مشاريه الهدب!!
لا تضايقه بدموعك..والتفاتتك..وخطاااى؟!


كل شي الا دموعك واعرف انك من شطب
صفحه الطيش بحياتي وابتدى صفحه شقاي..


سق فديتك.. كل ما تملك من جنون وغضب
وابشر بصدر(ن) يضمك حيييل دامنك هواي..

ولارويت عتاب؟ ناظرني وقل ( طاح الحطب)
واسئل شراايك؟؟ وابنسجلك من الاعماق رااي !!

باتناثرلك رضا واحساس صادق ماكذب
وانت رتبني على كيفك وشكلني برضاي!!

وان تلعثم بي حضورك.. ثم نطقني لك تعب
حاول انك تسمع اشواقي وسط (( تنهيد ناااي ))

اسمع دموعه وقربلي وقرب واقترب
واسئل عيوني عن طيوفك؟ وقصتها معاي..


كيف كانت في غيابك فجأه تطري واغترب
اركض لمنفى خيالي وارمي الواقع وراي!!


اوجدك مابيني وبيني واسولفلك واشب
ليله حضورك قصايد تشتكيلك من عناي..


آآآه لا منه بزغ فجر الحقيقه وانسحب
طيفك اللي ساكن عيوني وضاقت بي سماي؟!


وقتها ليتك تحس شعور من (حظه ضرب
اخر اماله بعرض الهم ) والوحده مداي..


اكتشف وشلون يموت الصوت برماح الطرب؟؟
لحظة(ن) جيت اتغنابك وعاندي غناي!!


واكتشف كيف السهل فجاه يتحول لي صعب؟؟
لا نويت ابكيك ثم ازريت القابي بكاي!!


(اقسم بربي وربك ) فيني احساس(ن) غصب
كل كلي في غياابك ينجذب لك يا هناي..


مانسيتك لو نسى التاريخ امجاد العرب
وماتركتك الا بين ضلوع صدري وبحشاي



لانك اكبر من غلا الشاعر لاخر ما كتب
ولانك اقرب لي من سكوتي اذا عانق شفاي


ولانك اول من تمكن بي وعلمني احب
ولانك الشخص الوحيد اللي يجي في مستواااي ..


صاحبي جمّع كلامك ثم بعثرني عتب
والله ان كل شي عادي لا غدى منك وجاااااي


/
/




ودي

لانك اكبر من غلا الشاعر لاخر ما كتب
ولانك اقرب لي من سكوتي اذا عانق شفاي


قصيده رااااائعه شكرا لك

هواجيس

اشكركـ على مروركـ


تحياتي

بنت الملا


نورت الصفحه بتواجدكـ العطر


تحياتي

مانسيتك لو نسى التاريخ امجاد العرب
وماتركتك الا بين ضلوع صدري وبحشاي

،،،،،،،،،،،،،،،،،،،،،،،


$شوشو$ ...... صح لسااانكــ


قصيده في غااية الجمال .





على الابيات اللي اكثر من رااائــعــه ..

الله لايحرمنا من جديدك القادم .

الـــصــقــر


اشكركـ على تواجدك الــعــطــر


نورت صفحتي بمرورك


ودي

يســـلمووو....
صــح لســانك