ماضي .. وعدى ..وانقفل.. للزمن باب
وش جايبك.. والحب .. بيدك.. قتلته
ان قلت..ناسي!!.. بقول.. انت كذاب
اسال ..حنيني ..يوم رحت.. وجهلته
رحت.. ونبت .. زرع القصايد ..على كتاب
والجرح .. مدري.. كيف.. منك.. احتملته!!..
ماكني .. الا.. ضيف.. والدمع.. ترحاب
ليتك.. وصلت ..بــ حالتي .. ماوصلته
وش.. رجعك ..لاتقول هالشوق غلاب
عذرك..اذا..هذا..تــــرا.. مقبلته!!..
لن السهر..عشعش..علىروس..الاهــداب
وثقل..الالم..من فوق الامتان..شلتــــــــه
تركتني ..مطعون.. ملتـــــاع..منصـــــاب
شف صورة الذكرى.. وشف ماعلمتــــه
أكرمتني..بالصد..وانواع ..الاتعــــــــاب
طيب..انا..هو..فيه..شــى.. بخلتـــــــــه!!
كانت..سوالفنا..بضلعي..لها.. اطناب
وليل..الغلا..لاجيت..قمـــت.. وشعلته
لبستك ايام الولـه..عطر..و..ثيـــاب
وبالي على ..أحضان..اللقا..كــم شغلته
تدري وش أصعب شئ مابين الاحبــاب؟؟!!
انه..يهون..بناظرك..من جعلتــــــــــــــــه:
واحد..ويسوى..كل ربعك.. والاقــــــراب
والمستحيل..الصعب..لاجله..فعلــــــــــــه
لاتقول ..لي حنيت.. والحب ..ماغاب
الحب ..قبل..تروح..قتلته ..بيــــــديك
منقوول لعيوونكم
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
