يامراااااااااااحب والله يالله انك تحييهم
اقلطوا يا هلا وغلا والله القهوهـ يا وررررررررررررررررررررع يالله انك تحييهم
تو مانور الموضوع فديتكم والله فديت انا هالخشش مااحلاها ..
اسمعوا مالكم بطويله انا اليوم رااح اعلمكم بسالفه صارت لي انا واثنين من اخوياي وهم
شيبوووب و عكرمه
رااح اعطيكم موجز عن الاثنين وعن شخصياتهم
شيبوووب فاغر مفهي 24 ساعه ودلخ ووجه نكبه شي اكيد من اسمه ودايم نايم
عكرمه دايم يحط نفسه انه فاهم وانه شجاع وهو من جنبها انا وين الله بلاني فيهم
طبعاً انا واعوذ من كلمة انا فارس ولا كل الفرسان واذكر شاعره البنانيه جذوورها من افريقيا تتكلم الرووسيه وتسكن اليونان تقوول في قصيدتها رااح اجيب لكم
الشاهد مداح نفسه يبيله رفسه هع هع هع وهذا ينطبق علي بتماااااااااااااااااااام ..
كنا في بيت المفهي شيبوووب متسدحسن نتابع فلم على البلستيشن ومن سجمين مررررررررره
وهو ينقز عكرمه ويقول وايش رايكم نجربع يا شباب وحنا نطالع في بعض يالله قدام
متى نرووح اتفقنا بكره بعد صلاة العشاء ..
جاء بكره اجتمعنا ربطنا اغراضنا ركبنا موترنا ام عزيز وهو في غيرها فديتها الددسن
وحنا نشب عليها نمشي مافي بطن المكينه وسوواق شيبوووب المفهي
وحنا في الطريق ومشغلين خلف بن هذال ونرقص وكانت الاغنيه اه يالليل ونص توووحفه
وفجأه مالقيت الا راس عكرمه عند القير ناقز من السيت الي وراء ويصيح الجربووع الجربوووع
وهو يخووف خوينا المفهي شيبووب وهو ياخذ بنا جلد من الخووف شيبووب وهو يلف الموتر
وهي تقووم تحووص فينا وتفتر وتفتر ماردها الا الجبل واحلى صدمه الا جبهتي لازقه في القزازه
وانواع الاصابات وشيبووب من الصدمه رقد المسكين اشهد انه فاغر وانا امسك عكرمه وانا ادبه ادبه نعنبوا غير ماتعرف شيبووب الخريشه وايش هاصووت رووعتنا
عكرمه ابي اعلمكم عن الجربووع
فتووووو طيب علمنا بصووت خفيف نعنبووا انا خف ياربي يا حبيبي انا قلت جاءنا جني الحين >>>
>>> امحق بدينا في الخوف يا فتووووو
وانا امسك شيبووب وانا انزله وامسك الطاره وين الجربووع يا عكرمه قال هناك
وانا ارووح للاتجاه الي يقول عنه عكرمه الا الجربووع يتعشى وانا اكبس العالي عليه الا ابو شباب ما تحرك ولا دق لنا خبر
وانا اصيح على شباب عكرمه وسبيوووب الحقووه وجيبووه
وهم يتطامروون وهم يلحقووونه وهو يحط رجله الجربووع ووراءه والله مانخليك لو ايش
وهو يزبن الجحر ويرجعوون علي الشباب وانا انزل من السياره واهوشهم يالي فيكم وماادري ليش مامسكتوه
ماسمعنا الا صووت ورانا يقوول البخ ولا كلمه انت ووجهك
كلنا التفتنا الا الجربوع معه شله جامع القبيله علينا ويقول ميدنا ولا كلمه انت وياه اسكتوا
حنا سكتنا ولا واحد فينا تكلم بكلمه
ويطلع من بينهم جربووع كبير في السن ويتعكز على عصا ويلبس نظاره >>> اخص هع هع
قال لنا ارموا اسلحتكم وحنا نرمي الي معنا من سكين وعصا وغيرها من امور الصيد
وقال لنا طف السياره
الا صاح شيبووب لا تطفوونها اذا طفت ماراح تشتغل الطاريه خربانه
قال الجربوع الشايب انا قلت طفوا السياره
تكلم عكرمه الشجاعه قال اقوول بطفيها والا بطفيها انا وانا اناظر فيه ماااااااالت عليك
شاطر بس تهايط علينا انت وجهك قال الكثره تغلب الشجاعه >>> حفظ هالمثل وازعجنا
طفينا السياره وقال لنا الجربوع كبيرهم ولا حركه اجتمع مع اخوياه
وانا اطفش وتندبل كبدي منهم وانا اجي واقوول ياشايب حنا حسبت عيالك تكفى اتركنا >>>
>>>> ايه والله ان تعرف ان الله حق يا فتووووو
وهو يناظرني بذيك النظره ويقوول البخ وارجع مكانك لا ادوس في بطنك قال حسبت اعيالك
اذلف .
انتهاء الاجتماع وجونا ربطوونا وكتفوونا وعطونا دواء خلونا نشربه بالقوه وصارت احجامنا
صغيره مثلهم بضبط
وهو ياخذونا معهم للجحر ويسجنووننا ويجعلووون علينا حارس
مررت الايام وحنا في السجن وكل ماسأنا الحارس مايجاوبنا قال شيبووب مالنا الا ننحاش
قال عكرمه وانت صاز يا شيبووب وانا اناظر فيهم ودي اذبحهم كيف ننحاش قال شيبوب نطق الحارس
قلت كيف نطقه قال نمسكه ونطقه قلت كيف وهو يسطرني كف وانا امسكه وادوس في بطنه يالمفهي
حنا محبووسين يعني مانقدر نجي الحارس يا ذكي وهو يحك راسه ويقوول اي والله كيف غابت عن بالي قلت من الذكاء الخارق الي عندك الله لا يضرك
شووي وحنا ساكتي نتظر مصيرنا المجهول الا الشايب جاء وحنا نجي عند الباب ونجلس نترجاه
تكفى والله اخر مره نجربع تكفى طلعنا ورجعنا مثل اول
قال بكره تروحون للقاضي وهو يحكم عليكم
قلت انا طيب وايش تهمتنا حنا الى الان ماسوينا شي
قال تروعون الامنين وماسوويت شي هذي عقوبتها عندنا الاعدام
هو بس قال اعدام وهو يغشى على عكرمه
وهو يرووح وحنا نجلس مع بعض وساكتين وانا اقوول لا احد يسكت تكفون شوفوا لنا دبره
فكروا نعنبوا ابليسكم شغلوا مخكم شوووي
قال شيبووب والله انا فيني نوم برووح انام . وانا امسكه مع كشته واجلسه ابي اعرف كيف يجيك نوم
وبكره يمكن يحكمون علينا اعدام
قال ويمكن افرااااااااااج او براءه
قلت يا ذكي افرااااااااج وبراءه كلمه وحده
المهم طلع الصبح علي وعلى عكرمه ولم ننام اما شيبووب ما تسمع الا شخيره
وهو يجوونا ويكتفونا مع بعض ويودونا للمحكمه
جينا المحكمه ووقفنا قدام القاضي وهو يصيح عكرمه باعلى صوووته نبي محامي
قال القاضي ماعندنا محامين يحامون مع البشر
قلت انا طيب هذا ظلم
قال القاضي ادري انه ظلم وهذا هو احسن شي
قلت يعني ماتخاف من الله
قال يعني انت تخااااااااف
قلت ايه شايفني مثلك يهودي
قال لا تغلط
قلت هي خرباه خرباه الا بغلط وبلعن جدفك ولو فيك خير ابيك تطلعني وجه لوجه انا وانت
ونشووف منهو الرجال
قال مايحتاج
طرخ طرخ طفق بيده المطرقه
ويجوونك جرابيع عضلات بوديقار وهم يدخلون علينا ويلعنوا الطيب فينا
وماسمعنا الا صووت القاضي يحكم علينا بالعدام بمثل هذا اليوم من الاسبوع القادم
وحنا نصيح ونصرخ ظلم ظلم بس ولا احد يسمعك
رجعنا لسجن
جلسنا وهو يطمر علينا شيبووب ويقول يا عرب حنا ميتين ميتين يعني ماراح نخسر شي
قلت اخلص وايش عندك
قال نمسك الحارس وندبه
قالت مره ثانيه يا اخي افهم حنا محبوسين
قال نخدعه وندبجه وننحاش جلسنا نفكر ونفكر
الا يوم قال عكرمه لقيتها
قلت وشووووو
قال :
شيبوووب يصرخ وماسك بطنه وحنا عنده يا حارس الحق علينا خوينا بيموت قال عادي
قلت كيف قال انتم بتموتون الاسبوع الجاي
قال عكرمه على طوول بس مارااح حد يصدكم خصووصاً الشايب
قال الحارس ليييييييييييييش
قال يحسبكم طلعتوه وهو يبي حقه وراح يصجكم بعدين
قال عادي نخليه في الثلاجه يجي ويشووفه
قلت انا طيب شفه من هنا يمكن يحتاج دواء عندك وتعطيناه وحنا هنا من دون مانطلع
وهويقرب وانا اقرب يوم جاء عند الباب وانا امسكه واسكر فمه
وعكرمه طلع المفتااااااااااح وفتح الباب على طووول
وانا ادبجه على راسه واخذ لبسه الا اثنين جايننا يركضون وحنا نمسكهم وندوس في بطوونهم
ولبسنا لبسهم وحط رجلك السلامه تكفوووون يا عرب
هذاري الحارس قام ودق صفاره الانذار
الا يوم اعتفس المكان كله بالجرابيع وحنا ننخش الا ذاك الجربوع الي واقف ورانا
حنا شفناه قلنا خلاص ماعاد لنا امل
يشر لنا الحقوووني قال عكرمه لا احد يلحقه بيرجعنا السجن قال شيبوب لو يبي نداهم ورجعونا الا الحقووووه لا نضيعه
وحنا وراءه ووراءه ووراء
شوووي وقف
وقال انا ماارضى بالظلم مثل مافي عندكم يابني البشر ناس ما يرضون بالظلم حنا بعد عندنا ناس متعاطفين معكم وانا اولهم
قلتله كثر الله من امثالك يا عم لكن مثل ماانت شايف حنا صغار نبي الدواء الي يرجعنا مثل اول
قال ابشرووووبه وهذا هو
الحين انا ماعاد اقدر اكمل اخاف احد يشووفني ثم ارووح فيها انتم انحاشوا على هذا الاتجاه
وسيده لا تلف لا يمين ولا يسار ورااح تطلعون وهو درب مختصر لسيارتكم
قلت بيض الله وجهك
وهو يرجع مع دربه وحنا نكمل دربنا
ونشوووف الفتح من بعيييييييييييييييييييييييد وفرحنا قرب الفرج وصرنا نركض بسرعه بسرعه
وحنا نطلع من الجحر ونشرب الدواء بسرعه ونجلس عند صيرتنا الا ورجعنا لوضعنا الطبيعي
ونشغل ونشغل لكن السياره عيت تشتغل دفيناها كل هذا من الخووف نخاف يجونا
وحنا ننتعها وتشتغل وادعس ابو الجرابيع وابو الي يفكر في يوم يجيهم توووووبه
ورجعنا للبيت وجلسنا نناظر في بعض ونضحك واتفقنا اننا ماعاد نظلم اي حيوان مره ثانيه
وجلسنا على تلفزيووننا والبليستيشن ونتابع الافلام ....
انتهت الروايه ..
مايستفاد من القصه
لا للظلم لان الله لا يحب الظلم
ساعد المظلم يفتح الله في وجهك الرزق
لا تيأس من رحمة الله
الصبر
ارجوا ان تنال على اعجابكم ورضاءكم
جميع الحقووق محفووظه لفتى الخليج هذي الروايه من تأليفي وارجوا لمن يريد ان ينقلها
ان يجعل اسمي عليها وشكراً >>>> اغسل يدك
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
فتووو واخوياه في جحر الجرابيع ..... من تأليفي .... 
العرض العادي
