حبيت أكتبها كلم لنها أعجبتني وتمني تعجبكم ......





:!: المشــهـــد الأول :!:

وحــدة مــزيونــة بالحــيل ،.،
و حـبـيـبة
بـــس تخــــون !!
وش اســوي بجــمالــها ؟؟
بــيـاخذها الــزمان و تــبــقى عجــوز ،.،
عادي ،.،

طاح الحطب و حلوة الحياة




:!: المشــهـــد الثـآنــي :!:

ملتـــزم ،.،
يصــلي كل الفــروض ،.،
و اذا تعب فوت صلاة الفجر
واذا شبع راحت صلاة العصر ،.،
و عنده دش ،.،
و يكذب كثير
و اذا صحى الصبح ،.، مشط اللحية
عادي

طاح الحطب و حلوة الحياة







:!: المشــهـــد الثـآلــث :!:

غني و ظالم .
يطرد المساكين
و يستغل الضعوف
مغرور و فاسق
و مجلسه عامر
كلٍ يبهر له
و مع ذلك يجمع حسنات
من كثر اللي يسبونه
عادي

طاح الحطب و حلوة الحياة




:!: المشــهـــد الــرآبــع :!:

يكد يدرس و يشتغل
لاجل يبني مستقبله
تزوج و جاب عيال
ثم تقاعد
صار يسكن في مكان.
و أم عياله في مكان
والسبب العيال
صار دار المسنين بيتهم
عادي

طاح الحطب و حلوة الحياة



:!: المشــهـــد الـخـآآمــس :!:


تغازل و تاخذ ارقام
و تطلع مع هذا و تواعد هذاك
و يوم طاح الفاس في الراس
بكت
و راحت تشكي لامها غدر الزمان
طبطبت عليها امها وقالت:
ولا يهمك، سفرة لمصر،وشوية سيولة
و ترجعين بنت
عادي.

طاح الحطب و حلوة الحياة




:!: المشــهـــد الــســآدس :!:

مرفوع الكفن أبيض
وصاحبه وسط البياض
بعضهم يبكي و بعضهم عادي
دفنوه و تبكبكوا شوي
و اخر الليل سكارى
عادي

طاح الحطب و حلوة الحياة




:!: المشــهـــد الـســآآبع :!:

سيارة مسرعة
و تدعس لها واحد
مسكين هندي
و العسكري صديق الطايش
والخطا نصه على الهندي
والباقي على أبو الطايش
و في الليل ،.، الطايش يلعب بلوت
عادي

طاح الحطب و حلوة الحياة



:!: المشــهـــد الـثـآآمــن :!:

قارورة مويه
ما تضره طايحة في السيارة
يناظرها بغضب
زعلان منها
و يفتح الشباك
و رماها وسط الطريق
واذا اجتمع مع الشباب قال:

متى بنتحضر ؟؟
عادي

طاح الحطب و حلوة الحياة




:!: المشــهـــد الـتــاســع :!:

اهم شي الثوب نظيف
و الشماغ مكوي
و القلم ماركة
والساعة تضوي
و الجزمة جلد
والسيارة عجب
و تلفونه ما يسكت
إما بنات
أو البنوك تبي فلوسها
عادي

طاح الحطب و حلوة الحياة




:!: المشــهـــد الــعـآشــر :!:

سطحية و مغرورة
غبيةو متكبرة و يا ريتها حلوة
تبي زوج مواصفات
ما يقول لا
ويكره الاستراحات
لازم وسيم
و انيق
و متعلم
و دخله ممتاز
و يحب السفر
و بعد سنين
تلاقي نفسها في الانترنت
تدور واحد يقبل بها
عادي

طاح الحطب و حلوة الحياة


:!: المشــهـــد الحادي عشر :!:

فتح الكمبيوتر
و دخل للمنتدى
و كلامه ما يتعدى ان الموضوع روعة و رهيب
و هو ما قراه و لا يعرف كاتبه
بس يبي يزيد المواضيع موضوع
ويزيد همومنا هم
علشان يصير صاحب الألف موضوع
و يتميز
والمشكلة انه يتميز
عادي.

طاح الحطب و حلوة الحياة





:!: المشــهـــد الأخيـــر :!:


الكذب اثم ومع ذلك نستخدمه
و ندري ان هذا حرام و مع ذلك نجربه
نتذكر السهرة و الفرح و السفر
و ننسى الجالسين على كتوفنا
و نتناسى ان معهم كتاب يسجل افعالنا و نياتنا
كل شي محسوب
حتى النظر
نسينا ان ورانا يوم علاماته قربت
ومع ذلك كلنا ناسين
أن بقيت على حالك تتناسى
لازم تعرف
إن ذاك اليوم مهوب عادي

وانت الحطب و ما به حياة








ولللآمـانه منقول من الآميل

مكررر

إعتذاري