السلام عليكم ورحمة الله وبركاته ..
من روائع الشاعر المبدع / سعد بن علوش ..
أنت بتسافر حبيبي .. نعم سافر وغيب=بس تكفى سم بالله على عقلي .. لا ماع
لأن ماني قادر آوادعك وأنته قريب=كيف وأنت بعيد تبغاني آقول ( الوداع )
بس لحظه قبل لا أنسى لاتنسى يا اللبيب=قل لما تملكه من مغريات ومن متاع
أنّي آحبّك .. وأحبّك .. وأحبّك .. لين أشيب=يعني لين آموت وآنا أحبّك للنّخاع
أحشمك بالحيل وأغليك.. والشي الغريب=أنّي أكره كل فكره تقودك .. لانصياع
كان ما لمشكلة وصلنا الاّ حل ( عيب )=كب حبّي لك وسمّه متاهات وخداع
لانّي أطهر من بيخسر على الدنيا حبيب=ولأّنك أنقى من وطت بطن رجله ظهر قاع
كثر مايدعوني أهل الهوى ولا أستجيب=كثر ما صفّط على بعدك ذراع .. وذراع
آه لا وقّفت من بين بتصيب وتخيب=بين يدّين المواليف وأفواه السباع
وآه لامنّي ذكرت أن كلّن له نصيب=وآه لامنّي ذكرت أن على وجهك قناع
أشعر أنّه منخلق من عسل ورد وحليب=وأشعر أنّي كل ما أذكره .. مجموعة جياع
ليت مالك في حياتك خويّ .. ولا طليب=كان بااخشّك وسط خافقي وآآقول .. ضاع
إن شاءالله تعجبكم ..
دمتم ورعاية المولى تحفكم
..
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
العرض العادي
