حبيبـي طـال مـوالٍ يجيـب الهـم والتنكيـد
عسى الله ما يخلي لي خليل إن كـان خليتـك
يا بو عذرٍ يشابه ضحكة الأطفـال يـوم العيـد
أنا أبكيتك حشا واللي فتني فيـك مـا ابكيتـك
حرام بعينك الدمعـة حـرام بصـدرك التنهيـد
حرام البرد يمضـغ راحتينـك مـا ترضيتـك
تعال وكل جرحٍ فدوتك يا اقرب مـن التضميـد
اشوفك من زمـان وقـدر المولـى وحبيتـك
من اول مرةٍ شفتـك تمنيتـك وكنـت السيـد
وتمنيت أني أصلا يـوم شفتـك مـا تمنيتـك
تخيل كيـف سكّنتـك وخليـت القريـب بعيـد
وروّح كل عاشق يحلـم ببيـت ٍ مثـل بيتـك
فداه من البيوت اللي يمـل ويعشـق التجديـد
يا عمري شف وهو قلبي متاني فيـه وصيتـك
أسج وتنقلب ضوضا الشوارع في عيوني بيـد
واجيك ويرتعش في خافقي عصفور لا جيتـك
دخيل الطلة اللي كل ما جت فـوق ذاك الجيـد
دريت أنك طموحي يـا طمـوح مـا تعديتـك
حشا ما مرني يومٍ صبوح .. إلا أنت بالتحديـد
تراك الصبح في عيني مـن أول مـا تهجيتـك
نسيت أن الرسايل من يدي كانت تسفـر ليـد
تكحل لك مسـاك وعطرهـا يحييـك ويميتـك
نسيت أنك ظفـرت بزفـرةٍ تستاهـل التمجيـد
ولا تلحق جزاهـا لـو تجمّـع لـي تناهيتـك
نسيت اني وضعت الشمس في كفك وعفت الغيد
وحطيت القمر فـي كفـك الثانـي وخاويتـك
أنا لي ذنبك .. وللذنب عذر .. وللعذر تمهيـد
ولك خيل الرضا تصهل بصوتي يـوم ناديتـك
تمتع بالغـلا ياللـي يسمونـك عنـود الصيـد
والا يا كثر مـا غرتنـي حروفـي وسميتـك
حبيبي .. لا سقا الله عرفي اول قبل أجيب العيد
سقا الله يوم طشت .. الا سقا الله يوم حبيتـك
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
