قصائد حب..
شلال من نور.
.سحائب تتكاثف من كل زمان ومكان..
لتكون ديم يهطل هنا وهناك..
روائع تغطي لنا مساحات الجفاف..
من هنا تبدأ وتنطلق رحلتنا..
مع اروع شاعر عرفته الانسانيه..
الشاعر الذي لا يختلف على شاعريته اثنان..
ولايعجب به الا كل
متذوق للشعر العذب .. والكلمه الراقيه..
شاعرنا اليوم هو مطر زائر مر من هنا..
وهطلت سحابته بقصائد رائعه
تمخضت من معاناته والامه..
شاعرنا هو الذي يخط قصائده على اطهر ثرى..
الشاعر الكبير / سعود بن بندر
من اجمل قصائده قصيدة : ليتني بينك وبين المضرة
والتي كتبها قبل وفاته بفترة وجيزة .. وكانت في والدته .. وهي من اجمل وأروع قصائده
ياليتنـي بينـك وبيـن المضـره=من غزة الشوكه الى سكرة الموت
اوليت شاورني القدر بـس مـره=ولبى مطالب رغبتي قبل مافـوت
او ليتي لجـرة مواطيـك جـره=احمي قدم رجلك مثل جزمة البوت
او ليت بيديني السعـد والمسـره=واحكم عليها عنك مالحظة تفوت
يفداك عمر منك يشعـر بعمـره=انتي الحياة لنفسي وردة الصـوت
.,/،’’آ’,,’آ’,//,,.آآ’,..:.؟؟.’آ,,’آ,,،/,آ’
(قالو تحبه)
قالوا تحبـه قلـت ماهـوب بالحيـل=بس إنه أغلا شوي مـن نـور عينـي
يسوى جميع الجيـل الأول وهالجيـل=وأحبابـي الماضـيـن والمقبليـنـي
شوقي له أعظم من ضما الأرض للسيل=وأشفق عليه أكثـر مـن أم الجنينـي
وأحتاج له حاجة ثرى مصـر للنيـل=وعليه أغـار اكثـر مـن الوالدينـي
اشتـاق لـه شـوق المحبيـن لليـل=وارتاح له راحـة دمـوع الحزينـي
لاصار جنبي لو سنـه وقتـي بخيـل=ولو غاب لو لحظات صارت سنينـي
قالوا يحبك قلت هـذا هـو الويـل=ما ودي انشـد ثـم رفضـه يجينـي
.,’،’آآ’,,./,’’,,’’.//’,/:::,’،/..,//.’.
(ماحد خذا عمرين)
ما حد خذا غيرك من الناس عمرين=عمرك وعمر اللي معك فات كلـه
وزود عليها صرت مالـك لقلبيـن=قلبك وقلب فيـك هـام وتتلـه
حبك نزل في القلب بين البطينيـن=وفـوق المعاليـق الثلاثـه محلـه
يسري غرامك بالدما في الشراييـن=مسرى المرض في جسم من حس عله
سيرتي برضاي ماقلت لك وين=معك على موج الهوى قلت يالله
وش غير هذا اعطيك ياكامل الزين=روحي فداك اطلب وخذها تدله
مادام شوفه طلتك تكحل العين=وماهمني غيرك وش اللي حصله
نسيتني الماضي وناس كثيرين=وماكن فوق الارض غيرإنت لله
.,’،’آآ’,,./,’’,,’’.//’,/:::,’،/..,//.’.
(كرهني بنفسك)
كأنك على قولك تمنى لـي الخيـر=ساعدني أنسى حبك اللـي خذانـي
خلي حياتـي تنقلـب كلهـا غيـر=وانسى الحبايب والزمن والمكانـي
حبي لك أبلغ من كـل الأساطيـر=ما له بقاموس الهوى وصف ثاني
لا شك أنا أشعر بالنهاية وش تصير=واحسب حساب فراقنـا بالثوانـي
بيني وبينك واقـع الحـال تحذيـر=وعند الموادع مـا تفيـد الأمانـي
عندك خبر مثلي بحكـم المقاديـر=على هوانا صـادر الحكـم ثانـي
كرهني بنفسك ولو بذنـب صغيـر=القى به اعذاري واعـود لزمانـي
المشكل انه ما بدى منـك تقصيـر=وهذا يـزود واقعـك فـي كيانـي
.,’،’آآ’,,./,’’,,’’.//’,/:::,’،/..,//.’.
(من هو حبيبك؟)
من هو حبيبك غايتي بس أهنيه =على حسن حظه عشانك حبيبه
أنا أشهد ان الله يحبه ومعطيه =اللي هداك الرب تصبح نصيبه
اللي خذيت من الحلا كل ما فيه=ومن الطبع كل الخصال الحبيبة
تسحر بهمساتك عقل من تحاكيه=مع خف دم وملح ما ينحكى به
لك حق يوم تموق وتحس بالتيه=الله وهبك أوصاف زين غريبة
قبلك وأنا بعض الجمال التفت فيه =وعقبك ظهر في كل من شفت عيبة
.,’،’آآ’,,./,’’,,’’.//’,/:::,’،/..,//.’.
(تولعت بك)
تولعت بك و الله كتب لي على فرقاك =حسيبي على الحظ الردي كانه اشقاني
انا ما شعرت اني مع الناس قبل القاك =و لا ذقت للدنيا طعم قبل تلقاني
و لا كنت احس بروعة الحب قبل اهواك =و لولا عيونك ماكتبت اجمل الحاني
سقا الله ليالي خالده عشتها وياك =بدرب الحويه بين شعبٍ و غدراني
تذكرت يوم اقبلت كنك تحسب خطاك =تمايل بعود نايف الطول رياني
و ترفع طرف ملبوسك الضيق بيمناك =و شلال شعرك تنثره فوق الامتاني
ترى اللي يسليني عن مشاهدك ذكراك =انا مستحيل انساك اخاف انت تنساني
.,’،’آآ’,,./,’’,,’’.//’,/:::,’،/..,//.’.
(مات حبك)
مات حبك والبقية في حياتك=في حنايا خافقي لاقى مصيره
خذ مع الجثمان باقي ذكرياتك=تجربه حبي معك كانت مريره
يا عدو الحب .. ركب الحب فاتك ..=لا تجيب للحب أن طعتني سيره ..!!
مايعرف الحب من سوى سواتك=يجهل الإخلاص من ضيـّع ضميره
حبك اللي تدّعي هو حب ذاتك ..=من يحب الذات ما يخلص لغيره ..
غرني ياصاحبي ظاهر صفاتك=غلطتي يا للأسف كانت كبيره
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
