اشوف القسوه بعيونك واحس انك تغيرتي=ابي افهم وشو ذنبي وليش الصد والهجران
على غدري انا ويلك تجرئتي وغامرتي=نسفتي قلب فى عشقه ابد ما يوزنه ميزان
بقربي ارتفع راسك وقافي اللي تعطرتي=جمالك زاد والسبه رسوم غرور والالوان
غبيه كيف له بعتي ولو كنتي تصبرتي=اميره تحكمي عرشي ويعلا نجمكم والشأن
رفعتي حاجبك لكن زجاج انتي تكسرتي=محال تعودي لي والله وما تسوي تراب الان
انا اللي امسحك وامسح غرورك لو تكبرتي=افاض الله واعطاني بحور الشعر والقيفان
ولو يمك الف شاعر و حامد زيد اخترتي=ورب البيت ما همي ولا احسب لهم حسبان
اشوف الدمعه بعيونك وبح الصوت وانكرتي=غريبه ما تذكرتي غرور الشعر والاركان
على الرحال يا هذه على دربي تعنترتي=وشمس الكون لي تضوي تمنت رحلتي والدان
نسيتي الشعر والشاعر وياما ياما سامرتي=وحين تغيبي من اجله لجل يمسح لك الاحزان
غرورك تاه فى يدي وفى بحري انا ابحرتي=وتشهد نغمة الجوال لي زالت لنا عنوان
خلاص اليوم منسيه ومهما لي تعذرتي=شموخ العز فى روحي ونبضي باقيا الحان
اشوف الذل بعيونك واحس انك تحسرتي=تحبي والا تنحبي بعدي ترخص الاثمان
مسحت اسمك وعنوانك وما ظني تحررتي=انا من يلمسه سحري يباله دهر او دهران
وانا الرحال منوه انتي تناثرتي تبعثرتي=وذاك الحاجب اتوطى وبان الذل فيكم بان
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
تغيرتي 
العرض العادي
