بسم الله الرحمن الرحيم
ــــــــــــــــــــــــــــــــــــــــــــ
ـــــــــــــــــــــــــــــــــــ
ــــــــــــــــــــــــــ
ـــــــــــــــــ
ـــــــ
اولا لازم اقول حاجه
احنا ليه بندخل الكليات؟؟؟
محدش يقولى علشان نتعلم
لالالالالالالالالالالالالالالالالالالالالالالالالا لالالا
مش عاوزين نضحك على نفسنا
احنا بندخل الكليات علشان ننجح
واحد هيقولى ايه الفرق
هقولك فرق كبير اوى
انت لو داخل علشان تتعلم يبقى مش هيهمك تتعلم فى كام سنه يعنى مش هتستخدم اساليب رخيصه علشان تنجح
لانك مش المفروض تنجح فى اى ماده انت مش متعلمها صح وعارف معظم جوانبها يعنى انت مش هتكون عاوز تنجح الا لو ده حقك فعلا
لكن
انت لو داخل علشان تنجح هتعمل اى حاجه هتغش وتشترى الامتحان وترشى المراقب ولو حكمت هتعمل عفريت مع انك واثق انك متعرفش اى حاجه عن الماده ومش من حقك انك تنجح فيها يعنى ابيض يا ورد فى الماده ومع ذللك بتغش فى امتحانها وبتبقى فرحان اوى لما تنجح فيها
ودى بيعملها 99.9% من شباب الجامعات وانا عارف ان الابطال هيدخلولى الموضوع ده برضه وهيقولولى دى فئه بسيطه جدا هم اللى بيعملوا كده بس ما علينا
انا عن نفسى كل دفعتى كلها بلا استثناء بيغشوا سواء فى امتحانات الفاينال او الميد تيرم او حتى الشيتات والله حتى الشيوخ فيهم واللى كل كلامه فى الدين بيعمل كده
والمشكله ان فيه ناس منهم مش مقتنعين ان الحكايه دى حرام (الغش يعنى)
تخيلوا واحد شيخ عندنا ظبطة وهو بينقل شيت وقولتله ايه يا عم الحاج مش الغش حرام ومن غشنا فليس منا (( انا قولتلة كدة لانة هو طول السنة بيقول الكلام دة فحبيت اعرفة حقيقتة))
تخيلوا قالى ايه
انا عاوز الكل يجمد قلبه من هول الفاجعه اصل رده معجزه فعلا
المهم انا حذرتكم
هو قالى ايه بقى قالى اللى انا بعمله ده (غش الشيت يعنى) مش اسمه غش لالا ده اسمه اقتباس
وبعدين حديث من غشنا فليس منا ده المقصود بيه الغش فى اللبن
انا كان كل رد فعلى انا وصاحبى اللى واقف جنبى انى فتحت بقى على اخره
وبعديها فضلت اضحك بهستيريه كنت بضحك من الغيظ
والله كان بيتكلم بجد ولو مش مصدقين ان كل كليتى (99.9%) بتغش سواء الشيت او الميد تيرم او الفاينال ممكن اديكم اثبات
انا عارف ايه سبب المشكله بس مش عاوز اطول عليكم
وعلى فكره المشكله انى فى كليه علـوم يعنى المفروض (انا بقول المفروض) ان الناس اللى فيها متفوقين
وكسه كبيره
وعاوزكم تكلمونى عن المهزله(اصلها مش مشكله لا دى مهزله) واللى عنده كلمه يقولها
سلام
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
المفروض شباب الجامعات يتكسفوا من نفسهم .... 
العرض العادي
