العبايـه عولموهـا وانفثـو فيهـا السمـوم
من ملاهي الرقص جابوا فكر تخصير العبـاة
ضيقوا صدر العباة ووسعوا طـرف الكمـوم
ونزلوها لين وصلـت آخـر أكتـاف الفتـاة
بانت نحور الصبايا وانكشف شكـل الهـدوم
والغبيـة تحسبنهـا زايـده زيـن وحــلاة
والبراقـع دلعوهـا ليـن عـام الخـد عـوم
لازم القرضه توسع والكحـل يلقـى الحيـاة
طوروا شكل النقاب وصارت الدعـوه علـوم
صار شفاف(ن) يوضح خدهـا ويـا الشفـاة
وآخر الصرعه لثام(ن) يفتن الرجـل العـزوم
والفتـن قالـوا ضلالـه للقلـوب المؤمنـات
وش علامك بنت حواء تستبيحيـن السلـوم
أو مع خيلك ياشقراء بعضكم جنـس البنـات
قاهرتهـم هالعبايـه مايبـون السـتـر دوم
جدهـم علمـان يعنـي لاصيـام ولاصــلاة
حطوا إن البنت سلعـه وغلفوهـا بالهمـوم
وارفعوا شعار(ن) ينادي للحقوق الضايعـات
من ظلمها والبدو لاصاحـت الحرمـه تقـوم
قايمه تحت المعادي لأجل عيـن الشامخـات
من ظلمها يوم قام المعتصم مـن عـز نـوم
قال وين الكافـر اللـي يستبيـح المسلمـات
ثم ذبح لأجل شعرتها من العدو كثـر النجـوم
قال هـذا حـق منهـو يستـذل الطاهـرات
نكسوا ذاك الشعار ولملمـوا باقـي السهـوم
يكسر الخاطر سهمكم لاضرب فـي مدرعـات
بيتكم لاصار مبنـي داخـل البيـت مهـدوم
وبيتنا صوم وصلاة وحـج وأشهـد والزكـاة
إتركيهـم يابدويـه وخلـي اللايـم يـلـوم
وسعي خصر العبايـه واكرمـي بالمكرمـات
وإن رفعتيها لراسك أصبح الـراس محشـوم
العبايه فوق راسك حشمـه وطيـب وثبـات
وماعليك من اللئيمـه تحـاول تقلـدك يـوم
لبست البرقع ولكن حـن عـرق الماجـدات
بحنكها ألفين دقه مدري ألف مـن الوشـوم
أو تراه ألفيـن هكـري يكتبـون الذكريـات
ولابغت تكتب قصيده قافها هـو قـاف يـوم
(يوم يابا) (يوم يابا) جاك عـرق الراقصـات
جت تقول إني بدويه قلت أنتـي وجـه بـوم
إعقبي منتي بدويه أنتي جزء مـن الحصـاة
يابدويه لايغـرك بعـض غربـان(ن) تحـوم
أنتي فوق الكل أنتـي فـوق روس النايفـات
أنتي يوم الحرب دارت والمعارك (قوم) (قوم )
عانقت عزوات أخوك صوت ضرب المرهفات
إن حدوا من بيننـا أو طولـوا حـد العقـوم
يابدويه طبعي أرقـى فـوق كـل الطايـلات
إحذري يابنت منهم طبعهـم نفـث السمـوم
عولمتهم لو أعرفهـا طلـع معنـى الشتـات
ظيقوا صدر العباة ووسعـوا طـرف الكمـوم
وبيجي يوم(ن) نشوف شقوق في وسط العباة



منقـــــــــــــــــــــــــــــــــــــــــول

ابيات رائعه ولها معنى سامي..

صح لسان شاعرهاا

وسلمت ايادي ناقلهاا..

والله يهدي بنات المسلمين ..


تحياتي

أنتي يوم الحرب دارت والمعارك (قوم) (قوم )
عانقت عزوات أخوك صوت ضرب المرهفات



قصيدهـ في الصميم

صح لسان من قالها
وتسلم اناملكـ شموخ


نقلك رائع جداً


تحياتي لـ ذوكفـ الراقي

ابيات رائعه

صح لسان شاعرها

وسلمت انامل ناقلهاا

تحياتي

ـأبيات رائعهـ وجميلهـ

صح لسان شاعرها

وسلمت ـأنامل ناقلها

يعطيكـ ـالعافيهـ

تحياتي لكـ