هااااااااااااااااااااي بنـــات...
بما إني قـــررت أقوي علاقتي بالمطبخ ... وأثبت لبعض النااااس
إنــي فناااانه من يومي ...و إنو البقـــر لازم تحج على قرونها >> على الله تفهمون كلامي
مو مشكله .... المهم ... فكرت وفكرت ملياً وطلعت بقرار بما إني في إجازه
إني لازم وضروري أتعلم الطباخ والنفاخ حق ..بعدين مانفتشل يوم
وبما أنهـــا راح تكون سلسله من التجاااارب ... الله يعين المدربه >> خدامتنـــا وشـــوق اختي علي وعلى أسئلتي
والله يعين ابوي :>>> على المصاريف والطلبات اللي ماراح تخلص >> حشا صار
رمضان ..أكيد لازم يبي لي ميزانيه خاصه ...
و يعين المتذوقين الثلاثه >>> أخواني يوة نسيت عميدتهم اختي اللي تجينا كل ربوع وانواع الحنه على امي بنتك ماتعرف تطبخ.. والــــخ ... طبعاً هم اللي جابوه لأنفسهم لأن كثر الدق يفك اللحام مثل مايقولون
وعلشان ما أطول عليكم الهذره
ندخل في الدرس على طول .... طبعاً أنا ذاكرته من الليل حق أطبق صح وما أفتشل
لأني ياكريهي للفشيله
المهم ومن الصباح الباكر دخلنــــــــــا المطبخ الساعة 10:30
والحمدلله>>خدامتنا ماقصرت كانت مجهزه المكونات وكل شي بس علينا التطبيق وبإشرافها أكيد
لأنها ماشاء الله عليها شيفه درجه أولى >> أقصد ماهره في الطبخ
طبختنــــــــا إسمها (( الرز المطبق على اللحم )) >> بدأ الدسم ... أكيد أنـــــــا دخلاتي دايم قويه
وهذي المكونات ..عنــــدكم..
المكونات :
كوبين رز..
بصله واحدة
3حبات تماتم..
حبتين بتاتس
فليفله خضراء
باذنجانه واحدة
ربع كيلو لحم ضـــــــأن
فص ثـــوم
ملعقه (كركم _ كمون _ واكيد ملح)..
وبما إنها تجربه أولى فما نستغربالحوادث و الجروح والدماء وتكسر الصحون كل هذا لازم نحطه ببالنا ونتوقع مالايتوقع بس المهم نطلع بنتيجه مرضيه ومشرفه
وهالحيـــــــــــن ندخل في الطريقه :
أول شي نسوي اللحمه على النار مع المويه لمدة ساعه ونصف
وبعدين نضيف عليها البصل والطماطم والفليفله والكمون والكركم والثوم .. ونخليها على النار
ومن جهة ثانيه نقلي البطاطس والباذنجان وبعدين نسكبه على اللحمه اللي بالقدر
ومن جهة ثالثه نسلق الرزات في الماء لحد ماتستوي ونجففه من المويه
أيوه .......... وبعدين نسكب الرز على اللحمه بالقدر
ونحط عليها ملعقة سمنه
وبعدها نقفل القدر ونخليه على النـــار الهادئه لمدة عشر دقايق
وعلشان نستغل الوقتـــ .. نقوم نجهز السلطه على مايستوي الرز
أول شي نقطع الخس شرايح
والخيـــــــــــار
والملفـــــــــــــوف
والطماطم
ونسكب عليها شوية زيت زيتون
وبعدين نخلطوهم مع بعض
وماننسى الملح والليمون وبكذا تكون السلته جاهزه
وبعدهـــــــــا نروح ساكبين الرزات ومقدمينها على السفره
وماننســــــــى العصير الفريش
وبالهنـــــــــا والعافيــــــــــه وأنا أضمن لكم الطعم لزييييييييز
طبعاً مايحتاج تمدحون لأنــي تأكدت إني فنااانه درجه أولى وطاح سوقكم ياشيف رمزي وشيف أسامه
وجــا زمن مجروووحه..حتى. تطلع مواهبهــا وقدراتها نادرة الوجود
ولاتنسون ترقبــــــــوا المزيد والمزيد من سلسلة مجروووحه...الفن جايكم جايكم مافي مفر
تحيــــــــــــــــــــــــــــــاتي لكم.. واتمنو تطمنوني عاللي يصير معاكم ..
اي استفسارات..
علموني.. خلوني اسئل المساعدات ..قبل ...لا اوهقكم..خخخخخخ

وأأأأأأأأأأأأأو اكــله لــذيــذهــ


بالــعاااافيه حــبيبـــتي



مجروووحه اللحــم بيكفي ساااااااعه مــو ساعه ونـــًص <<<< الشيف امــل خخخخ



بـــا نتــظااار بـــاااقــــي ســلسلـة مجروووحه



تــحيـــاااتــــي يــا الــــغــلاااا....

ماشاالله عليكـ مجرووحه والله وطلعتي شيف

خليناا نتعلم منكـ

يعطيك العافية حبيبتي على الوصفة

<< شهيتيني

احم احم

اشوف مين الشيف قاعده افرك عيني مو مصدقه ان مجروووحه اللي منزله الموضوع

كلللللللللللللووووووووووووووووش الف مبرووك لا شكلي بدق على امك وابارك لها ع الكارثه الجديده قصدي الطباخه مجروووحه


يسلمووووو قلبي اذا جيتك ابيك تسويها لي اوكيه حياتو

دايما اكل اكل.. ونأكل نأكل..
ومانراعــــــــــــــي ..مشاعر السمان.. اقصد ذوي الوزن الزائد..
عشان كذا جيت ولعندي لكم شوربه انما ايـــه..
يله جيبو الورقه والقلم واكتبو.. (((قديمــــــــــــــــــــه)))

اسم الطبخـــه.. شوربه تنزيل الشحــــــــوم..
وبسم الله نبدأ..

المقادير:
6 بصل اخضر
2 فلفل أخضر
علبه أو علبتين من معجون الطماطم
حزمة كرفس أو بقدونس أو كزبره
حبه كبيره من الملفوف
كيس من أكياس شوربة البصل
باللأضافه إلى الملح و الفلفل و البهارات حسب الرغبة
الطريقة:
يتم تقطيع الخضراوات إلي قطع و يتم وضعها على النار بعد ان يضاف اليها الماء حتى يغطيها ثم يضاف إلى المقدار كيس من الشوربه و البهارات و الملح حسب الطلب.
تغلى ااشوربه لمدة 10 دقائق على نار عاليه ثم تخفض الحراره إلي نار واطيه حتى تصبح الخضراوات طريه.
وبالصحــــــــــــــــــــــــــه والعافيـــــــــــــــــــــــــــــه