أول شي . .


السلام عليكم ورحمة الله وبركاته..


الموضوع هذا هو حديثنا اليوم وحديث شارعنا خصوصاً بينا احنا البنات والشباب..:


أنا ودي أطرح موضوع وابيكم تناقشوني فيه..


أتمنى إن النقاش يكون بعقلانيه وبشفافيه..


حبايبي ما أبي أطول عليكم وبلا فلسفه زايده..


الموضوع الله يسلمكم هو الشغل الشااااااغل للبنات والشباب في مجتمعنا السعودي

خاصه..


أحب أقولكم شي مافيه أحد منا مايحب هالأيام..


لكن ترى حب عن حب يفرق


والناس بالحب مقامات..


أنا في بالي فكره ولي ساعه قاعده احوس عشان اطلعها واوصلها لكم ..


:: وهي ::


((إن الحب اللي يعيشه شبابنا وبناتنا هالحين حب كذب وحب نصب ودجل ))


ومصخرررره وشي مضحك و يحزن ويظيق الصدر في نفس الوقت..


وأكبر دليل مانشوفه من الفضايح اللي أنتشرت في هالوقت واللي كان بدايتها سوالف

حب

ترى هالبنات اللي تشوفونهم بالصور ومقاطع البلوتوث كلهن كانت بداية علاقتهم كلمة

(احبك)وشوفوا كيف صارت

النهايه..!!

ليش في وقتنا هذا أنتشر فضاايح وبلاوي بدعوى الحب.!!


وين هالفضايح عن آبائنا وأجدادنا والناس اول ..!! وين ؟!

يعني ماكان عندهم حب ؟! ألا كان عندهم وربي إن حبهم أشرف وأوفى وأصدق من حب

جيلنا هذا.!!! الي صار اسم الحبيب فيه خوي.. واسم الحبيبه خويتي.!!

ياناس لاحظو معي كثرة أغاني وقصائد الفراااق والخيانه هالأيااام وكثرة المعاتبه للحبايب

ليش هالشي؟!

مع أن في القديم كانت أغلب واكثر القصائد غزل ومدح في الحبيب أو الحبيبه ؟!


عمركم سمعتوا في العصور القديمه إلى قبل جيلنا هذا إن فيه شااعر كتب قصيدة خيانه

في حبيبته أو شاعره كتبت قصيدة خيانه وفرااااق في حبيبها؟!


قليـــــل ونادره بالمره ..

الحين الناس كلها صارت بس تحب تسمع اغاني الحزن والمفارق ..

وش معنى هالوقت صار فيه كل هالأمور.!!

وش يدل عليه؟!!

مو يدل على أن الحب تغير مفهومه ومعناه!!

ليش هالوقت الحب صار وسيله لأهداف حقيره و وصخه ..

الحب صار ,, خويك ,, وخويتك..!!!

ليش الولد يضحك على البنت بكلمة أحبك لأجل يآخذ شي منها تعب لايجيبه بغير كذبة

الحب وإذا خلص منها دور على غيرها وبنفس الطريقه.!!

ليش البنت تضحك على الولد بكلمة أحبك لأجل تآخذ منه اللي هي تدور عنها بنيه غير

شريفه وتقعد تلعب بمشاعر المسكين وليته لوحده تلقى معه كم وااحد في نفس

الوقت.!! ليه ؟!

على فكره ممكن فيه حب بدايته شريفه ويكونون مستحين من بعض ..


ومن هالسوالف وكل واحد مستحي من الثاني لكن في.... النهاااايه؟؟؟؟!!!


أخواني .. اخواتي

حب ما أرتبط معه غيره وشرف وخوف على أعراض الناااس أنا ما اسميه حب..

وحب..

طريقته جوال أو ترقيم بسووق أو شات أو منتدى أنا ما أسميه حب لأن ماجاء بسهوله

رااح بسهوله وإن طالت مدته


وحب..

تكون التضحيه فيه بشرف البنت أو بشي يفضحها بصوره أو طلعه لأجل تثبت أنها

صااادقه في حبها أنا ما أعتبره حب

حب يخليني اتنازل عن مبادئي وديني .. واخون اهلي ما اسميه حب .!

يعني أمانه عليكم فيه حب في وقتنا بغير الطرق اللي ذكرتها جاوبوني بصرااحه.!!

ترقيم - نت - شات- ماسنجر - الخ ..

انا مو ضد الطريقه انها نت لاء .!!.. اكثر من 2000000 امريكي متزوجين عن طريق النت

انا ضد النيه .. النيه الي في قلب الولد ,, او البنت..


سواءً تعرف عليها في مكان خارج المملكه وهالشي كثير يصير بالسنوات الاخيره..

او عرفها من شات ماسنجر ,, من جامعه ,, عمل . الخ..مو مهم كيف عرفوا بعض .. قد ما

هي مهمه النيه ..

والنيه بالغالب تكون مو زينه ...

اما استدراجها للي بالي بالكم,,

وااذا كان فيه خير وطلع طيب وابن حلال...

اقل شي راح يسويه ,, انه يحطم مشاعرها ويكسر قلبها ويتخلي عنها بالنهايه ..

وحتى لو كانت نيته طيبه ., يكفي انه قالها احبك.. وبالاخر ما تزوجها..

لأن البنت ترا مجرد ما يقولها الشاب ..احبك..

خلااااااااص....!

تتخيله وهو داخل مجلس الرجال عند ابوها يخطبها..

وتسرررررررح لبعيد وتغرق في اوهام مالها اول ولا تالي..

وبالأخير تنصدم

وعاد اتوقع تعرفون الحال من بعد صدمه مثل كذا..!

<< اتكلم عن فئه ليست قليله من البنات

بعض الشباب..

ما يسوي بالبنت شي..

يقول عادي ابي صاحبه اسولف معها وتصير خويتي.. بس ما راح اتزوجها..بس علاقه

عابره
لأني فاضي وابي بنت اصادقها وتونسني واونسها ..<<<

نروح نسأل البنت ,, طيب انتي تدرين انه ما راح يتزوجك..! ليه مسمتره بعلاقتك معه.!

ترد .. : لا من قال اني ابيه اصلاً.. انا ابي واحد يونسني واغير معه جو.. والزواج شي

ثاني.!!
انتي تسلبه وهوتسلب <<<مسويه قصيميه

اول من 20 سنه كانت البنت لما يصير عندها صديق او حبيب

ما تعلم احد وتخاف مررره من هالموضوع...

الحين تمشي وتعلن,, انها خوية فلان بن فلان آل الفلاني

الولد الكشخه المليونير الحلو الي معه اودي وابوه وزير..!!

يالله .!! وش هالحكي الفااااااااااضي..!! وربي هالخرابيط قاعده

تصير يومياُ

النهايه ؟! احنا مجتمع اسلامي ومحافظ...؟! احنا القدوه للعالم كله؟!





××

الحب في هذه الأيام أصبح تسلية ولعبة في عيون المحبين وضياع الا من وفق!!!
الان اي بنت تكلم ولد او العكس لايمكن ان نفترض عنهما في علاقة حب ليش مانقول صداقة عابرة!!! تنتهي بحسب الظرف والزمان!!!!!!

حب ..
تكون التضحيه فيه بشرف البنت أو بشي يفضحها بصوره أو طلعه لأجل تثبت أنها صااادقه في حبها أنا ما أعتبره حب

إختي حطموك ياقلبي ...

بصراحه موضووعك رائع ويستحق النقاش وزي ماقلتي مو مهم الطريقه اللى الولد تعرف عليها على البنت اهم شيء النيه لو نيته كانت طيبه والله ربي راح يوفقهم ...

ومشكوورهـ على طرحك الموفق ...

مشكلة مجتمعنا انهم يواكبوا التطور والموضه حتى في الحب ..!!
صارت موضه عند البنات والشباب خوي..وخويتي..
والدهى من كذا التفاخر فيهااوتجاهُروا بالمعصيه امام الناس..!!
وبعض البنات الله يهديهم ازاحوا( الحياء) الي هو تاجها..



حطموك ياقلبي..!!

يعطيك العافيه على طرحك المميز..

تحياتي

؛×؛

ورد شامي

سلمتي على هالتواجد العذب

والتجااوب الاعذب

لك كل الود والمحبهـ

؛×؛