ازعل وعاتبني ترا ودّي ارضيك
ودّي اشوف إن كان لجنوننا حد

أبْي اختبر نفسي إذا كان تغليك
وأبغى أحلّفها على شلون وش قد

ودّي أبهذلها .. تلعثم تحاكيك
ودّي امشوِرها من رضاك للصد

ودّي أهستر ! أمزح شوي وأبكيك
ودّي ألخبط واخلط الهزل بالجد

ازعل ولاترضى على طول وش فيك
خلني أفيض أنهار من دونها سد

خل أنهمر أمطار وبحور تهميك
في جزرها إحباط .. من شوقها مد

خلني أضيع أوراق برياح واديك
وكلما بنيت أعذار عاجلني بهد

ازعل ألين تشوف روحي تفاديك
من بعدها يالزين سامحني .. و .. رد



م ل ط و ش

اتمنى تعجبكم

قصيده رائعه

صح لسان الشاعر

وسلمت ايادي الناقل

تحياتي



يناسب همس

ابيات رائعه

صح لسان شاعرها

وسلمت انامل ناقلهاا

تحياتي

تسلميــن اختـي قصيــده رآئعــه

تحيــآآآآتــي

~ْْ كـويتيــه ذوووق ْْْ~