ام صبحي تهدي >>> عزوووووز بقلاوهـ العيــد <<

19-05-2008, 08:41 PM

يا مساء الليل والأجراس واللمبه والحارس اللي مهوب على الباب رايح يجيب خبز تميس لأن عشى عمانه ودام وسجل ماجد بعده هدف خخ

منول في الحاره عندنا حضر جايين من الخارج ( حلها ) < ما عليش قصده اجانب

المهم وصلو حارتنا اللي من زينها تحصل كل بيت عليه تواقيع الشباب المعجبين تقول صك ملكيته على جداره
وعليه اسم البايع والشاري والشهود وتشكيلة منتخبنا ـ ما علينا ـ ويعيش النصر والهلال يولي

المهم طاط بيب ـ ولك يا ولد وخر ولك الله يخرب بيتك ولك يا زنمه وراعي السياره يدعي علينا وحنا نطرده تقول نطرد لنا كوره والا ضب كنا بنمسك السيارهـ

يا رجال وقف ما انتب مخطي مكانك هنياء مير وقف
واللي يقول الكفره تدور
واللي يقول سيارتكم تمشي قدام
واللي يقول سيارتكم سياره
واللي يقول وقف لا تصدم قدامك شارع فاضي وفيه ورعان
واللي يناديه يا انسان ؟

المهم داخ السواق ولبق قدام بيت علوش المستلج راعي الجمس الحمر ابو شد
يوم لبق ويقعد يهاوش الله يبخرب بيتكم يا عيال ..... ومن هالحتسي وحنا ننحاش ونطق ( يعني ننحاش ) < يا لبيه يالشرح

المهم يوم انحشنا طبعا مهوب من الحضري
لا والله من عليليش المستلج سمع الازعاج وطلع ويوم طلع لقى الباب مسكر ونقزت جنون الارض في وجهه
اللي كله براءه وعقران وشقوق من شبك عمه محمد يومنه ذيك الايام يسرق الليمون منه

المهم قعد يصيح طلع سيارتك يا فلان ابن فلان < مشفره ما يحتاج شرح وقواعد ودرس خصوصي العصر بس انه كائن حي زي الحيوان < ما قصرت

وشوي هذاك قدم ومن قردات حضه اللي اقرد من حض نادي النصر والبطولات صمخ الجمس < الله واكبر يالجكور

اووووووووووووه صمخ الجمس اجل ليش علوش عايش على الحياه
وش بقيت لعلوش في حياته صدمت المعلم التاريخي يا زنمه
وعلوش راس ماله في هالحياه هالجمس الحمر تقول يوم شراه انه جايب كاس العالم من قدام البرازيل وماردونا معهم

المهم ويمسك هالحضري الاقرع الراس من قدام من ورى لا والله ضافي له قذيله ويمسح قزاز الجمس بفنيلته وخشته ويسوي منه ختوم ويسوي منه حضران صغار كثار ههه

المهم لزخه لين ما طلع ابو رجسا على صياح الحضري الاجنبي وكل الحاره تقول داق جرس فسحه مدرسه والعالم من بيوتهم تقول فصول اولى ج و ب و د إلى اخر الحروف الهجائيه

والعالم تصايح

واللي مطلع علم النصر واللي مطلع علم الهلال واللي يقول نزلو ماجد واللي يقول لا الثنيان نبي كبري

الحاره في حاله فوره لا بعدها ثوره < الكلمه الاوله مع الثانيه = ثقافه ميح

اااااااااايه يا علوش امسح به اصطبات الجمس
واللي يقول يا علوش ناول خلني اشوته تقول كوره

واللي يقول عطه ركبه وسطحه في البيت

المهم واااااااااااااااه يالمهم

نزلت زوجة المحروس ابو صبحي
ليتنا دارين قبل ان هالطخمى مرته كان ناشبن ما بين الطبلون والدركسون وجبهته اللي تقول جوال اركسون وعازمه للعشى

نزلت ما نزلت
وكل انسان عنده ذمه واللي ما عنده ذمه تطلع الرحمه والأنسانيه فيه
عاد اللي طلعها من قلبه واللي طلعها من عيونه واللي طلعها من مخباه ما لكم شغل

اوووووووووه

والله تقول نشوف لنا كائن ما قد شفناهـ
اصلا ما قد شفنا مرتن مهيب مبرقعه مفرعه يا لبى الطخمه بسسسسسسس
يااااااااااااااااوه تقول وجهها ورقة مافيها كتابه

اول من خق وفق فمه عليليش المروح
قام وهو يمطخ قرعة ابو صبحي مطختن بغت تطلع مخته
سمع المطخه اهل الحاره اللي بجنبنا ويقال ان اهل منفوحه صار عندهم خبرررررر

ويقول يا رجال كان قلت من اول انك جديد على الحاره ويتله مع يدهـ يقول اقلط يا رجال ما صار لا خير
فداك الجمس وهو في خاطره يقول فدى هالغزال اللي تقول جيت من ديرة ما فيها شمس

ياااااااااوه يا خشتها ازين من خشش بعض الناس < ما قال امهات براقع تقول معلبات اشترها وفك غطاها

والله تنطل علينا هذيك الكلمه من زينها ما عرفناها مير عزالله حفظناها وصرنا نقولها لبعض
تؤبرني ابو صبحي شو عملو فيك

كلبونا ولمدة ثلاث سنوات من تاريخ هذي الكلمه نبسي على هالكلمه نحسبها تقول اقبرني
نقول يا لبى الفدائيه

ذكرتنا في نمر ابن عدوان ومرته صبحا < هذي بكره اوما صبحا

وشوي ويجي الشيخ مناحي وياخذهم للبيت ويقهويهم ويسوي هذاك العشى اللي ما غاب عنه حتى ورعان الحاره اللي يرقدون الصفر

كلبونا ناشبين عند باب النسوان نعاين في ام صبحي تقول طبشورة بيضاء طايحتن بين نسوانا الفحم

يا لبيه يوم تضحك نضحك معها وهي والله ما جابتن خبرنا

كلبو حتسيها تؤبريني ويا عيب الشون ( ما علي فرق الثقافه قصده الشوم )

المهم انتهت هذيك الليله وكل واحد يبي يعرف اللي كانت معهم متغطيه منهي هي من نسوانا مرافقه
والا وحدتن من الديره غاديه وجايبينها

المهم ما امرحنا < حسبي عليك يام صبحي انتي والاقرع معك

المهم مضت الايام والسنين والايام والشهور ورمضان < تقول كن رمضان سنة ثانيه

ويجي العيد ويحقق الله حلمي ويقول ابوي هاك رجل الطلي وجنبه رح عطه ابو صبحي
هو قاله والا ما قاله تقول مرسلني للبقاله اشتري وبقى من الفلوس خمسة اريل باخذها

والقط رجل الطلي ومن العجله انسى الجنب ويلحقني ابوي الجنب اوفر من نصف الملعب واستقبله على الصدر واسدده لينه ناشب في الرجل واواصل مسيرتي وامر المحطه واعبي بنزين فل خخخ

المهم يوم وصلت البيت من الذهانه قعدت اراقب عسى ابو صبحي يطلع ادق الباب تفتح لي ام صبحي تقبرني شو مهضومه < بدع في الكلمه الاخيرهـ ابو عصام

المهم حقق الله ما اردت ان يتحقق

طلع ابو صبحي وهو ماشي الشمس توها طالعه وتعكس الجبهه النور في عيني وانجهرت بغيت اعمى خخ

المهم وانا في اثناء مراقبتي اثر بجنبي قطو ينهش من اللحم جعل ينهشه الدود والنمل السود
ما بقى غير الضلوع خخخ والرجل

المهم ما انتهبت الا القطو متجود في الحمه يبي نتفها < ما الوم القطو ذابحين لنا شاتن عوده مولودتن معي يوم ولدت الله يذكرها بلخير قتلها ابوي وقعدت ابتسي مير صكتني بمشوار ابو صبحي
< الشاة عليها وسمهم على الاذن 902 < ترى الاتصالات سارقين هالرقم منا

المهم تحاديت للقطو وشاته شلوتي ما وقعد الا قبل الدرعيه بثنين كيلو لقى له واحد ووصله الدرعيه يقولون راعي ددسن خخخخ

المهم تميلحت وكنت ماكلن حنبص قبل اجيهم بس اني مسحت خشتي بطرف كمي يا عقوبة الثوب مني
<< للمعلومية الثوب اللي لابسه كان دقة ابو زري اللي حول الجيب وازار الصدر غالي شارينه 35 مع شماغ العقل ابو غزال طبعا بدون عقال كل شوي طايحه وراجع اخذها مقاسها 44 تقول منديل

المهم قرعت لكم الباب مهوب بيدي لا والله برجلي لين ظهر دم اضافر رجلي اللينه الرقيقه بغى يظهر اصبعي من ورى الباب عليهم

والله تطلع ام صبحي ويطلع وراها صارووووووووووووووخ بغى يشق جبهتي وافق خشتي لين وصل فمي ركبي ابووووووووووووك يالبياض ابوك يالزين
واطلق لهم هذيك التصفيره اللي استشورت شعر امها الاصفر يا لبيه يالام بس اللي وراها مووووووووووت
ما قد شفت زيها لا بنت ابو مبارك ولا بنت ابو سعيد اللي تمشى مع امها حافيه

ياااااااااوه

المهم قالت امها تؤبرني
هي قالته والا ما قالته وانسدح في الرقه واقوم
وتضحك ههههه
واقوم من الوناسه كشرتي من كثر الوناسه واصلة اذانيي منا ومنا
وشوي وهي تدنق علي وتطبع هذيك القبله على جبهتي
قلت هالمره منسدح منسدح ما والله ترديني وتضحك وانسدح وهي تحلف وانقز قلت والله ان تموت ميته ميته
والمره يتغير وجهها قالت شو عن بتقول ولك يا خراب بيتي ومطامر انا وياها بغيت اجيب العيد ادور لحيتها بحبها لينها مرطا خخخخخخخخ
واسحب جلنط احسبها من الربع ابعزمها وهي تصحي
شو عم بتئتل اولي اولي

قالت با بنت الحلال ذبيحه خروف وش كبر قرونه

وتضحك قالت يخزي العين شو مرتب وابضاي راعي واجب لا ابني يكفي هالأجر < انا بحلت فيها اجر وش معناها
قالت بنيتها جعلني فدى خشتها الحمرا يعني هاللي بإيدك خيوو

انا دورني ولا تلقاني
بغيت احاول انتحر بس خفت اموت
قالت تفزل ابني لك تؤبرني اتفضل

ما صدقت وانزرق ليني في اخر بيتهم بغيت اطلع من الدريشه من العجله خخخ
وتجيب لي هذيك اللي كنها قرص فيه عسل سدر
واكلها .. يا ولد هذي هشه ؟؟
قلت هذي وشهي

قالت بقلاوه ...
قلت وشهووووو
وش معناتها
هي توكل والا انا جبت العيد وزرطتها خخخ
قالت تزرط بالعافيه
قلت افلقيني كان فهمتي زرطتها بس قولي انتي ووجهك اللي من زينه حصري في خشتك بس
قالت ولي لك هذي من اطيب المأكولات
قلت ادري امي تسويها بس ناسيها < بغى ربي يخس فيه من تسذبته مير الله ستر

المهم قالت خلاص ابني سلم على بيك وامك واولهم عم نتشكر لهم كتير كتير
ربي يسلم ايديات بيك

قلت بيك وش معناتها
قالت ابوك
قلت وشهو انتي الظاهر ناويه تروحين فيها شنق على يدين ام عزيزان
مير ابلعي العافيه يالمرطا
قالت شو

قلت ما عليه العلم كايد بس بعلم امي وتراني ازين من ابوي امدحيني

شوي لين الشايب لاحقني يا ورع
يا ورع يا ورع

قلت ابوي ابوي
وانقز عند الباب قال يا ورع وين غديت الرياجيل بيجونا وانت متسدح عند ام صبحي اضهر علي ضهر في راسك قرن

انقز عند ابوي وشلوتي لين متسطح في بيتنا خخخخخ

توته توته خلصت الحتوته خخخخ

كتبت هذه القصه في شوارع نيودلهي خلف صيدلة السقاف << تسذوب خخخ

19-05-2008, 09:28 PM

هههههههههههههههههههههههههههههه
هههههههههههههههههههههههههههههه

آآآهـ ياقلبيـ آآآهـ

كلووا كووم ,,

و لمــا الشااميهـ "ام صبحي" قالتـ لكـ
تؤبرني وباستكـ << خخخخـ تحفهـ يا سط سط تحفهـ ,, كووم ثاانيـ
جاالسهـ أتخيلـ شكلكـ

,,

يسلموووو
تقبلـ مرووريـ
دمتـ بود

19-05-2008, 10:05 PM

هلابك اختي فراشه

تسلمين على المرور الرائعه

مشكوره اختي لا هنتي

لك ودي

الاســـطـوري

19-05-2008, 10:28 PM

ههههههههههههههههه
ههههههههههه

يسلمووووو

20-05-2008, 10:46 AM

ـهههههههههههههههههههههههـ

ـههههههههههههههههـ

ـههههههههههـ

قطعتـ قلبيـ منـ الضحكـ

يسلمووو أخوي سط سط

دمتـ برجــ ــ ــ ـــهـ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مــهــم >>> شـــرح إعـــداد مــودم SpeedTouch 585 سبيد تش	...(HaMaD)...	الكمبيوتر - الإنترنت - برامج	23	30-05-2008 07:30 PM
اجمل واروع الاشعار الفلسطينيه للشاعر {صبحي ياسين}	العقرب عزوز	همس القوافي	1	21-02-2008 07:51 PM
لمن تهدي هذه العباره	(أمير الذوق)	منتدى المواضيع المكررة	13	30-11-2007 09:07 AM
لمن تهدي هالعباره ؟؟؟	بحر الأسرار	وسع صدرك	10	20-09-2006 08:15 AM
<< تهدد	رjjjـا	الترحيب بالضيوف	9	26-08-2006 12:43 PM

التسجيل السريع مُتاح
عزيزي الزائر . وفي حال رغبتم بالإنضمام إلى أسرتنا في منتديات حبي ينبغي عليكم ،التسجيل! اسم المستخدم: كلمة المرور: تأكيد كلمة المرور: البريد الالكتروني: تأكيد البريد: موافق على شروط المنتدى