منــــــــــــــقووول



بعد ما وقعت على نجاح روايتي الاولى ( قلوب من زجاج )
كملت مسيرتي في منهج الروايات سببه كان تشجيعكم ودعمكم على كتابه الافضل حتى فتحت صفحة جديده صار عنوانها ( ورود على اراضي الهيام )

.
.
.
.


عندما يكون للهيام معنى
وتزرع الورود على اراضيه
يكون العنوان
( ورود على اراضي الهيام )

.
.
.

اتمنى ان تعجبكم روايتي الثانيه وهي مختلفه تماما عن ما سبقها .. تركت الجرأه و اهتممت بالرومانسيه والخيال
كلنا نعرف مدى جمال وروعة الرومانسيه في الحياه ..
ولكن الاروع والاجمل ان نعرف كيف نتعامل معها ومع مشاكلها .. ونعرف متى نستخدم العقل . ومتى نميل للقلب !

.
.
.

تابعوني في روايتي الثانيه ( ورود على اراضي الهيام ) باحداث جديده

بدايه الطريق ...
قاعده في قاعة الانتظار تنتظر تنادي عيها السكرتيرة وتهز رجولها بتوتر وقله صبر
اخيرا نادتها السكرتيرة وقامت بسرعه تحسب انها بتدخل الحين
السكرتيرة : عفوا انسه دانه بس الاستاذ بسام طالع الحين
دانه : كيف طالع الحين ؟ .. انا من ساعه هنا
السكرتيرة : عفوا بس اتاخرتي
دانه : انا اللي اتاخرت والا انتو اللي كل ما اجي تقولولي تعالي بكرة
السكرتيرة : ..............
دانه : خليه ينتظر دقايق مارح يصير بالدنيا شي
السكرتيرة دخلت المكتب ورجعت طلعت واشرت لها تدخل : اتفضلي
بسام ياشر لها على الكرسي : اتفضلي
دانه : لا ما يحتاج اعطلك .. حبيت اعطيك هالملف .. اقراه ببيتك ووقت ما تخلصه دق علي .. بتلاقي رقمي داخل
بسام : ملف ايش ؟
دانه : بيطول الكلام اذا اتكلمت .. اقراه وتعرف ووقت ما تخلصه دق علي
بسام : ماشي
دانه : عن اذنك
طلعت دانه ونزلت ركبت السيارة وراحت على بيتها
اما بسام .. فتح الملف وشاف العنوان .. ابتسم وحطه داخل شنطته ونزل
دخل البيت واخذ له شاور ودخل غرفته
اتمدد على السرير وسند ظهره على ظهر السرير واخذ الملف
اخذ الورقه الاولى وبدأ يقرا فيها
<<<< الفـــــــــصل الاول >>>>
( دموع وذكريات )
وسط شتاء وثلوج متساقطة على مدينة الضباب " لندن " .. ووسط محبة الناس وقلوبهم الصافيه الخاليه من الحقد والكره ..
مشت على الثلوج ويدها مضمومة على اكتافها بسبب البرد ..
كان شكلها الانثوي الناعم يعطيها جمال لايق على دلعها وحساسيتها مثل عيونها السود وانفها الصغير الحاد المرسوم بدقه وفمها الصغير مليان شوي بشكل متناسق و جسمها المتغطى بجاكيت وردي طويل يوصل لين نص الفخذ مصنوع من خيوط صوفيه متينه لابسته على بنطلون جينز عادي .. وشعرها الاسود الفاحم اللي فاردته ومخليته على راحته متناثر على ظهرها وكتفها .. قصة شعرها مغطية جبهتها و عينها اللي كانت حابسه فيها دموعها الثقيله
اخيرا .. وصلت المطعم .. انفتح الباب لها وشال منها الرجال الجاكيت اللي كانت لابسته وعلق لها اياه
مشت بخطوات رزينه لكن راسها كان عكس خطواتها
قعدت على كرسي عن طاولة شخصين وطلبت قهوتها المعتاده رفعتها وقربتها عند فمها لكنها لسعتها بحرارتها ونبهتها على صوت اليسا باغنيه من اغانيها
كنا فأواخـر الشتا قبل اللي فات
زي اليومين دول عشنا مع بعض حكايات
انا كنت لما احب اتونس معاه
انا كنت باخذ بعضي واروحلوا من سكات
والناس في عز البرد يجروا ويستخبوا
وانا كنت بجري واخبي نفسي قوام في قلبو
ولحد لما الليل يليل ببقى جنبوا
وافضل في عز البرد وياه بالساعات
على سهوه ليه الدنيا بعد ما عشمتنا
وعيشتنا شويه رجعت موتتنا
والدنيا من يوميها يا قلبي عودتنا
لما بتدي حجات قوام تاخذ حجات
وسط الشوارع ناس كتيره مروحين
والناس ياقلبي هما هما وهو فين
وانا ماشيه بتلفت وبسأل كل يوم
بيعمل ايه دلوقتي وبيحلم بمين
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
تركت القهوه على الطاولة ورمت حسابها جنبها وطلعت بخطوات سريعه لبرا المطعم
كلمات هالاغاني رجعتها لذكريات حزينه واليمة ولها مكانها في قلبها
اول ما طلعت من المطعم راحت لمحمل اعتادت تروحه كثير خلال هالشهور الاخيره ..
دخلت المحل تتصنع الابتسامة بس كان في لمعة حزن في عيونها .. محد يقدر ينكر وضوحه بعد البسمة اللي ما كانت تفارق شفاها
البايع : hello miss dalia how are you
( هلا آنسه داليا كيف حالك ؟ )
داليا ابتسمت بحزن : hi .. I'm fine what about you Sam ?
( هاي .. انا بخير .. انت شخبارك سام ؟ )
Sam : yes I'm fine .. con I help you ?
) ايوة انا بخير .. اقدر اساعدك ؟ )
داليا : yes please I want red rose if you have !
( ايه لو سمحت .. ابغا روز احمر اذا عندك )
Sam : sure I have
( اكيد عندي )
راح سام يجيب لها ورد الروز اللي طالبته
اخذت الورد ودفعت حقة و اتوجهت لمكانها المطلوب
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
ووسط الحان موسيقية جذابه كانت تعزف بمهارة .. كورسها للعزف قرب يخلص .. وباقيله اقل من اسبوعين .. وبعد رجعتها للسعوديه باقي لها شهر واسبوعين .. يا قد ما اشتاقت لاراضي وطنها .. واشتاقت لاهلها .. وصاحباتها وحياتها اللي اعتادت عليها هناك ..
طالعت في نوتات الموسيقى الجديده واختارت لها نوتة مناسبه وبدات زميلتها ترقص على ايقاعاتها
Miss Julia : excellent … well done rand well done .. excellent
ابتسمت لها رند بثقه : thanks
اخذت رند اغراضها و طلعت من الكلاس و طابعه على شفاتها بسمه ثقه وفرح على الاطراء اللي اطرتها اياه miss Julia
قابلتها رنيم اللي كانت في المكتبة العامة تستأجر كتب للبحوثات للجامعه
رنيم : هاي رند كيف كان كلاسك ؟
رند : تمام بس اليوم كان غير .. اول مرة مس جوليا تمدح بهالطريقه ..
رنيم : ههههه لهالدرجة
رند : واكثر .. تلاقي العزف اليوم كان حماس اكثر .. لانه داخل فيه دق مصري .. المهم يلا خلنا نروح عشان نلحق داليا على العشا
رنيم :اوكي يلا ..
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
قعدت عند قبرة .. ناحية قبور المسلمين ونست قول الرسول صلي الله عليه وسلم ( لعن الله زائرات القبور ) ماسكه الورد بيدها بقسوة لين ما خزها شوك الورد الاحمر .. نزف الدم من ايدها وما حست مع حرارة قلبها وقهرة .. كان بالها كله في الماضي
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
قاعده بالمطعم وياه والفرحة ماليه قلبها .. كان يوم ميلاده .. كانوا دايما يحتفلون في هذا المطعم .. قعدوا واكلوا وشربوا وعاشوا لحظات من احلى اللحظات في حياتهم ..
داليا : شفيك سرحت ؟
فيصل : همم ؟؟ لالا ولاشي
داليا : اكيد ؟
فيصل اكتفى بابتسامة .. ما يقدر يخبي عليها .. لكن بعد ما يقدر يتركها تتعذب لا عرفت فجاه ..
فيصل : داليا .. انا مضطر اتركك
داليا : كيف يعني
فيصل يكمل بجفاء مصطنع : انا و انتي مستحيل نجتمع .. حنا ما ننفع لبعض .. لازم نفترق
داليا بصدمة : ليش ؟؟ شصار ؟
فيصل بنفس الجفاء المصطنع : انا بتزوج .. امي اختارت لي البنت اللي بتناسبني .. ولازم انسى الكل وما اعيشها او احسسها بنقص
داليا اسودت الدنيا في وجهها .. انشل لسانها .. عاجزة عن الكلام فيصل حبيبها اللي كانت تخطط معه على حياتهم وكيف بتكون وايش اسامي عيالهم .. كانوا يحبون ويعشقون ويولهون على بعض اذا غابوا عن بعض ساعه .. بس بعد هالايام الحلوة واللحظات اللي الكل يتمنى مثلها وكان يحسدهم عليها .. يجي في يوم من الايام يجرحها .. ايه يجرحهها بكلامة .. وش قصده .. يعني قولها اتركيني .. بتتعذبي .. هي مستعده تقعد وتتعذب معاه العمر كله ولكن مايجي في يوم من الايام يجي ويقولها لازم نفترق ...
ابتسمت بهدوء وباسته على خده وجبينه الحار عكس بروده الجو : الله يوفقك
فيصل غصب عنه نزلت دمعته .. وداليا راحت ومو شايفها طريقها من الدموع اللي محبوسة في عينها .. ما تدري ليش كانت كذه ردة فعلها .. يمكن لانها مالقت احسن منها في بالها ..
طلعت من المطعم ودخلت في داعوس ( زقاق ) كان بين عمارة شقق .. جلست على الثلج وصارت تبكي وتشهق
ليه لندن قاسية .. كل شي فيها قاسي .. ليش جات هنا بالغربة وكملت دراستها الجامعية في بلده قاسية مثل هذي .. ليش اتعرفت على فيصل .. توقعت الكل بيقولها لازم نفترق لكن الا فيصل .. كانت تتوقع انه هالكلمة محرمها على نفسه مثل ماهي حرمتها على نفسها
شالت من الثلج المترامي على الارض تبرد فيه جرحها والمها .. لكنه عكس المفعول .. زاد الالم وعمق الجرح بكلام فيصل الجارح
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
رجعت للواقع ...
كان حالها كذه كل يومين .. تجي عنده وتحط الورد وتزينه وتبكي عليه وكل يوم تسترجع ذكرى من ذكرياتها ..
حملت حالها وراحت للبيت مع انه كان دورين بس الا انه كان راقي وفخم وتصميمة برازيلي .. يحق لها تعيش في بيت محترم وفي حي محترم وراقي .. انه مستواهم المادي ممتاز واكثر من ممتاز
دخلت غرفتها وعلقت جاكيتها وفسخت البوت وحطته في دولاب الجزم
حطت من الكريمات اللي ما تسبب جفاف البشرة مع هذا البرد وراحت تشوف لها شي تاكله
اخذت لها كم فاكهه وحطتهم في صحن وطلعت
راجت للصاله ودق التلفون
داليا : hello
رند : hiii how r u ?
داليا : fine وينكم انتو ؟
رند : انا توني طالعه من الـ music class وقابلت رنيم في المكتبة.. شرينا اشياء وراجعين الحين
داليا تسمع صوت الهوا الشديد : لا تطولون وارجعوا البيت شوفي كيف الهوى برة
رند : خلاص لا تشيلين هم الحين راجعين .. الا انتي متى رجعتي ؟
داليا : من شوي ..
رند : غريبه طولتي اليوم .... " سكتت لدقيقه " لا يكون .... كنتي هناك
داليا وفي عينها الف دمعة : ايوة كنت هناك
رند : داليا .. خلاص لا تبكي
داليا : ومن متى انا بكيت
رند : وصوتك هذا على ايش يدل .. على انك بتبكي
داليا : اليوم عيد ميلاده .. اول عيد ميلاد ما احضره هنا .. كيف اقدر احضره وهو تحت الارض .. ليته يطلع بس عشان اعطيه هديه عيد ميلاده ... لييته
رند اتاثرت مرة بكلام داليا : خلاص.. لا تبكي .. احنا الحين جايين
داليا تمسح طرف عينها المتغرق من الدموع : اوكي انتظركم
ثواني ويدخلون رند و رنيم
طلت داليا من الدرابزين كان جنبها جدار قزاز بداخلة موية تنزل كانها شلال بسيط وتنطلق في المساحة المستطيلة ومبنية بحجر بني على زيتي متناسق كانت تحت الجدار وبداخلها اسماك ملونة
سبقتهم للصالة فوق وهم وراها
دخلوا غرفهم و بدلوا ملابسهم وجوا قعدوا
رنيم : ااااه ياربي برد

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
اقرلكم موجز بسيط عن هذول الثلاث بنات
21 سنه .. يدرسوا بأحد جامعات المنطقة الشرقيه ومن طرق التدريس في الجامعه انها تببتعث الطلاب اللي قدموا على بعثات لبلاد برة .. فهم سجلوا اساميهم في بعثة لندن واهاليهم راضيين بذا الشي وسهلولهم وحطولهم كل سبل الراحه فيها...
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
داليا : البنت الدلوعة صاحبة المشاعر الرقيقه ... حبت فيصل وحبها لكن فرقهم الزمان .. وبنتكلم عنهم وكيف اتفقروا في الاحداث الجايه
تدرس ادارة اعمال
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
رند : البنت الحبوبة دلوعة امها وابوها وما يرفضوا لها أي طلب .. واثقه من نفسها وثقيله مع الناس اللي ما تعرفهم كثير
تخصصها جرافيك ديزاين .. وهو شغله كله عن الجرافيك والكومبيوتر والصور .. الخ
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
رنيم : هذي اللي مرة رجة وهبلة وتحب الحياه الطبيعيه وتكره التصنع والبيت بدونها ما يسوى
تحب من صغرها دراسه القانون .. وودها يكون عندها مكتب محاماه
ودها تدخل محكمة وتطالب بحرية شخص بريء .. واتحقق حلمها ودرست القانون
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
صحيح انهم من الطبقة الراقيه مرة .. الا انهم حبوبات ويعتمدون على انفسهم
اما المصاريف فاهاليهم مو مقصرين من هناك يدفعون لهم حق الجامعه وحق الفواتير وفوق كل ذا يرسلون لهم مبالغ طائلة شهريا
حياتهم كانت حلوة وعايشين براحة وفي حي مرتب وانيق .. وجيرانهم معهم بالجامعه ويجون ويروحون لبعض دايم ...
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
داليا : كيف كان اليوم
رند : الحمد لله ..
رنيم : الا انت ليش طلعتي متاخر اليوم ؟
داليا اتنهدت : لا ولا شي .. بس كنت متضايقه وغيرت جو ورحت تمشيت وجيت
رنيم : لا يكون رحتي هناك كالعاده ؟
داليا وعيونها مغرقه : ايه
رنيم : الله يهديك .. ليش تروحين هناك ؟؟ مو اتفقنا ما ترجعين هناك مرة ثانيه ؟ قلنا خلاص انسيه .. انسييه
داليا : ليش انساه ؟؟ ليش تبوني انساه ؟ انا حبيته اكثر من نفسي كنت محرمة على نفسي كلمة لازم نفترق حرام عليه يقولي كذه ... قاللي انه بيتزوج وانا وياه كنا مخططين لهالزواج .. وتجي بنت ثانيه تاخذه مني .. لكن ليش مات ؟؟ كان ظل عايش ومتزوج انا تهمني فرحته بس ليش ؟ .. اروح عنده اكلمه .. لكن ما الاقي رد .. ليش ما يرد علي ؟ .. هو كان رح يعيش مبسوط .... حرام عليكم .. هذا احلى ذكرى مرت علي في حياتي .. ليش تبوني انساها .. ليش؟ ليش تبون تحرموني منها حتى لمن فقدتها .. تبغوا تحرموني من ذكراها .. لييـــش ؟؟
داليه كانت تبكي بكاء هستيري .. افتقدت فيصل .. لو ان معها هالوقت كان ماخلاها تبكي كذه .. كان ضمها لصدره وهداها .. ما يحب يشوف الدمع على خدها .. يغار عليها من الدموع اللي تلامس خدها المورد
ضمتها رند وهي تهدي عليها .. اما رنيم فكانت مصدومة .. اول مرة بعد موت فيصل تنفجر فيهم كذه .. كانت دايما تدمع او تبكي بصمت .. لكن ما توصل لهالدرجة من البكا الهستيري
قامت من الصالة وراحت غرفتها
انسدحت على سريرها تفكر وتعد الايام ...
( متى تجي الاجازة وارجع السعودية .. تعبت من الغربه .. الحمدلله انها اخر سنه والا كان طقيت )
طالعت في غرفتها .. رح تفتقدها كثير .. عاشت فيها 4 سنين .. خبت مشاعرها المكتومة في هالغرفه .. جدرانها تحملت مشاعر رنيم اللي كانت تخطها عليها
قامت و طالعت في الـ calendar ( التقويم ) باقي شهر على الاختبارات ..
اففففف متى يعدي هالشهر وافتك
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
الصبح .. 9:30 am
لانه ويك اند داليه راحت داومت من بدري في المطعم اللي تشتغل فيه عشان تسلي وقتها
شافت اللي ما تبي تشوفه ...الكريه فهد
دخلت الغرفه الخاصة بالعمال وفيها لوكرات ( دولاب صغير يحطون فيه اغراضهم ) فتحته واخذت ملابسها حقة الشغل ولبستها كان تنورة قصيرة لفوق الركبة وردية وعليه حمالات وتحته بلوزة بيضا تي شيرت .. ماقدرت تعارضهم في اللبس بس هي لبست تحته ستريتش ولابسة وجزمة بيضا .. داخل المطعم كان الجو دافي فعشان كذه خلت الجاكيت في اللوكر والبوت معه
كان المطعم فاضي مافيه زباين .. بس الطباخين والويترز ..جلست على الطاولة بملل وتشرب الكوفي
اول ما شافها ابتسم على شكلها الطفولي .. كانت عيونها حلوة سوده ورموشها كثيفه وخشمها مرسوم رسم ونحيف وبشرتها بيضاء وشفايفها حمرة توتية وصغيرة وشعرها سايح وكثيف وقصه شعرها اللي على عينها والحين رافعتها ومسويتها بف .. كانت تجذب الواحد بهدوءها ورقيها .. ما يدري كيف اتجرأ وراح عندها
فهد : good morning
داليا طالعت فيه باستغراب : good morning
فهد ابتسم : ممكن اجلس
داليا : sure
فهد بابتسامه تكرهها داليا: كيفك ؟
داليا : بخير
فهد : دوم
داليا طالعت فيه باستغراب كبير : مشكور
فهد انتبه لنظراتها حس انها شوي مغرورة .. صح انها حلوة مرة لكن ليش شايفه نفسها كذه : ليش كذه تطالعين فني كاني مو عاجبك
داليه طنشته ولفت وجهها على الجهه الثانيه
فهد : ليش كذه مرة شايفه نفسك ؟؟
داليه قامت من مكانها وراحت وهي تشوف زباين دخلوا وجلسوا على الطاولة ... وزعت عليهم الـ menu وراحت
لحقها لداخل المطبخ حقهم ووقف جنبها بالضبط
داليا
.. ارتبكت من قربه الزايد والي ماكان له داعي ابد .. زادت دقات قلبي و زادت سرعة تنفسي مع الارتباك .. لفيت اشوف وش اخرتها معه .. رفعت عيني اطالعه لانه كان اطول مني
فهد ..
صارت ريحة عطرها جزء من الهواء اللي استنشقه .. كنت احس بتفساتها السريعه وارتباكها والحزن اللي في عيونها وضح اكثر ..
فهد : ودي اعرف ليش دايما اشوف الحزن في عيونك ؟
داليا نزلت عينها : مافيني شي
فهد : انتي هنا عايشة لحالك ؟
داليا : .......
فهد : فقدتي شخص تحبينه ؟
داليا ما قدرت تستحمل اكثر .. ما تحب احد يذكرها انه فيصل مات .. بانها فقدت شخص تحبه .. مع انه هذه الذكرى عميقه في قلبها .. دمعت عينها ودفته عشان تمشي
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
في البيت
رنيم كانت قاعده ترتب سريرها ورند قاعده في الحديقه تحاول من اول تسوي رجل ثلج ولاهي قادرة
يدق التفون
رنيم : hello
( مرحبا )
.... : hello good morning
( اهلا صباح الخير )
رنيم : good morning .. yes can I help you ?
( صباح الخير .. اقدر اساعدك ؟ )
.... " حسبتها الشغاله " : where is my daughter raneem ?
( وين بنتي رنيم ؟ )
رنيم بلهفه : مامااااااااااا كيفك ؟
ام رنيم : رنيم ؟؟ حسبتك الشغاله
رنيم كشرت بوجهها من زمان ما شافتها.. وتقولها كذه : لا انا رنيم وبعدين الشغاله اللي جايبينها تشتغل بالساعات
ام رنيم شهقت : شلون ؟ شلون عايشين
رنيم : عادي بعض الاشياء بايادينا
ام رنيم شهقت من جديد : باياديكم ؟؟ انتي ما تعرفين تفقصين بيضه
رنيم : لا اتعلمت .. شفيك ماما لا سلام ولا كلام على طول بدتي تعايرينا
رنيم مع طبعها القوي .. كانت ترد على امها المفشخرة .. رنيم اتعودت على حياة لندن القاسية اللي مافيها احد ممكن يعتمد على غيره : ماما هنا ما نقدر نعتمد على احد .. حنا في غربه و ما نقدر نثق في أي احد ممكن يجهز لنا او يطبخ لنا شي من ايده
ام رنيم : وليش رحتي هناك من الاصل اذا انتي عارفه انك بغربه
رنيم: الحين توك تفكرين باني بغربه من بعد 4 سنين .. توك تعيايريني ؟؟
ام رنيم : واكيد قاعده مع ذيك الدلوعة والمجغه 4 سنين على قولتك ... هي اللي مضيعتكم
رنيم : من تقصدين
ام رنيم : داليا من غيرها
رنيم سكتت تعرف امها تغار من داليا لان بنتها مو مثلها وتبيها تكون مثلها في كل شي ورنيم على قولتها " مو هي اللي تتصنع الدلع والمجاغه اذا ماكانت من طبعها اصلا "
ام رنيم كملت : صحيح انه يحق لها دام انها بنت تاجر وصاحب شركات كبيرة وناجحة بالشرقيه .. وكشختها ولبسها وجمالها ما يتقارن باي احد بين الحضور في المجتمع الراقي ..
رنيم : صحيح انها دلوعة .. لكنها على الاقل محترمة وتمشي وهي رافعه راس ابوها وامها
ام رنيم : ورى ما تصيرين مثلها وانتي كذه لسانك متبري منك
رنيم في نفسها " توها تقول انها مجغه ودلوعة " : ماما ليش تبيني اتصنع هالاشياء اذا انا مو طبعي كذه .. وتساليني ليش دايما انا ببيت جدي
ام رنيم : اقول مع السلامة.. الكلام معك انتي ضايع
سكرت في وجهها السماعه .. رنيم كانت متضايقه من امها صحيح انها كشخة ونافخة ريشها دايم و الفلوس اللي تلعب بايدها لعب .. وتحب ترز بنتها في المجتمع الراقي وتتفشخر بفلوسها .. رنيم بعد بنت تاجر واكبر تجار المملكة الا انها مو سعيده مرة .. على قولها ما تبي تكون منكان .. او شي يشوفونه الناس من برة وما يدرون هل هو مصنوع من شي قاسي او من فخار لا طاح انكسر بسهوله
لبست جاكيتها وطلعت عند رند في الحديقه
×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××
كان على جنب في شلال .. بس مع البرد تجمد وحولينه الثلج مترامي بكمية كبيرة ... رند كانت هناك تحاول تكور جسم رجل الثلج لكنها مو قادرة
رنيم : شتسوين ؟
رند كانت لابسة بوت اسود وجاكيت جلد اسود ..
رجعت شعرها على ورى بدلع وغرور وقالت بدلع : احاول اسوي رجل ثلج .. مو راضي يصير بالمرة
رنيم : هههههههههههههه حليلك .. كيف تبين تسوينه في ذا المكان .. نسيتي انه هنا الشلال و الماي نص متجمده .. اكيد المنطقه هذي ذايبه شوي ..
رند : وانا شدراني عن ذي الاشياء
رنيم : هههه تعالي هنا ذا المكان زين
راحوا عند المكان اللي المفروض يكون الزرع والورود ماليته و الثلوج غطتها
رنيم : هذا المكان زين
رند و رنيم بدأوا يكوروا جسم رجل الثلج
رند راحت جابت كيس فيه اغراض
رنيم : وش هذا ؟
رند بدلع : هههه اشياء رجل الثلج .. شريتها من واحد كان يبيعها في الشارع
رنيم : اها .. طيب يلا هاتيه عشان نحطهم
رنيم اخذت الاغصان اللي في الكيس وحطهم يد للرجل الثلجي .. والشال على رقبته ورند كملت العيون والخشم والفم والكاب
رند تنهدت : ااه اخيرا
رنيم : افف يتعب
رند : من جد
رنيم : ما تبين تطلعين اليوم ؟
رند : الا بس مدري وين
رنيم : شرايك نروح السوق ..
رند : اوكي .. بروح اتروش واجيك اوكي
رنيم : اوكي

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

دخلت رند غرفتها

جلست على سريرها ... اخذت كاتالوج من الكاتلوجات المحطوطة جنبها وقعدت تتفرج
بعد فترة دخلت عليها رنيم شايفته تسجل ارقام بالجوال وحوليها الكاتالوجات
رنيم : لسة ما لبستي ؟؟
رنيم : رنيم تعالي شوفي هذي ازياء شتوية خطيرة
رنيم راحت تشوف من جد كانت الازياء روعه
رنيم : حلوو .. طيب يلا قومي اجهزي خل نروح

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

في المطعم عند دالية ...
فهد كان جالس على احد الطاولات وكانه زبون ويرسم وحولة اقلام والوان
ودالية اللي كانت تشتغل وتاخذ الاكل من الطباخ وتوديه للزباين
ركز فهد على شكلها وهي حاطة الصينيه في كفه والكف الثاني في جيب التنورة القصيرة
وشعرها المجذلته وحاطته على جنب
كان شكلها حلو .. مع انها مو حاطة شي في وجهها وشعرها الاسود طبيعي
جات عنده ببرود وهو يرسم : ليش قاعد هنا بدون لاشغل ولا مشغله ؟؟ وماخذ مكان الزباين؟
فهد طالع فيها مبتسم وبدون أي تعليق وكمل الرسم
دالية انتبهت انه مشغول بشي .. مسكت اللوحة تبغا تشوفها بفضول
داليا : ممكن اشوفها ؟
فهد : لا .. لاخلصتها بوريك ياها
داليه كملت بعدم اهتمام : اوكي
وراحت لكن وقفها شخص ضخم وداليه بالنسبه له نمله
David : dalia?
Dalia : yes ?
David : your time's over .. you can go home
( خلص وقتك .. تقدري تروحين البيت )
Dalia : ok .. thanks
مشت عنه وراحت للغرفه حقة العمال ولحقها فهد ... مسك باب اللوكر كانه يمنعها من انها تفتحه .. طالعت فيه باستغراب
فهد : ودي اعرف ليه انتي كذه ؟؟ ليه احس في عيونك حزن ؟؟
داليه : ليه يهمك ؟؟
فهد : لا مو على اساس يهمني او لا .. بس فضول
داليه : خلي فضولك لنفسك ..
فتحت اللوكر واخذت ملابسها وقفلته وراحت غرفه التبديل
طلعت بنطلونها الجينز ولابسه عليه بوت اسود و جاكيت اسود جلد طلعت من الغرفه ووقفت عند المرايه اللي حاطتها على باب اللوكر من داخل فتحت شعرها وحركته بحيويه عشان تنفك الجذيله .. رتبته باصابعها الدخيله على شعراتها الناعمه ورمت اطرافه على اكتافها .. كل هذا كان قدام عيون فهد وهو يناظرها باعجاب
تقدم لها : مرتبطه الحين ؟؟ يعني عندك شي مهم تسوينه ؟
داليا استغربت من سؤاله : لا ليه ؟
فهد : ودي اعزمك على الغدا بمطعم قريب .. تعرفين مو كل يوم الاقي سعوديه هنا .. واحب اكون just friend بالنسبه لك .. ولي طبعا
داليه كان بودها تروح لكنها ما تبغى تتعود عليه مثل فيصل : كان بودي لكن ما اقدر اتاخر على البيت .. اكيد صديقاتي ينتظروني على الغدا
فهد بخيبة امل : اهاا .. خلاص مرة ثانيه ان شاء الله
داليه اخذت جوالها من الشنطة الصغيرة شافت مسج من رنيم ..
" هاي دودي سوري مارح نقدر انا ورند نجي على الغدا لانه طالعين للسوق "
داليه : من حظك انهم مو جايين على الغدا
فهد بفرحة : اجل نروح ؟
دالية مافي امل تتهرب : اوكي
فهد : يلا مشينا ؟
داليا : مشينا

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

دخلوا رند ورنيم الباص اللي رح ينقلهم للسوق
رند : Brent cross please
السواق : ok
كان الدور الاول مليان .. فطلعوا للدور الثاني
وصلوا للسوق كان كبير بالمرة وكله ماركات واشياء


دخلوا محلات الماركات مثل قوتشي وديور وشانيل و اف سان لوران ... الخ .. وما خلوا شي فيه الا واشتروه
تعبوا من اللف والدوران ودخلوا مطعم يتغدون فيه ويرجعوا البيت
كان المطعم مليان ناس .. وزين انهم لقوا مكان يقعدون فيه .. كانت في عائلة دخلت معهم المطعم في نفس الوقت .. استغربوا رنيم ورند منهم لانهم كانوا خايفين ومتوترين وكانهم داخلين سجن مو مطعم
دخلوا وقعدوا وطلبوا الغدا والهدوء ساد بينهم
من بين ازعاج الزباين والعمال نطق صوت ناعم باين عليه التوتر والخوف : خلااص ما نبيك .. ما نبيك ولا نبي فلوسك ... اطلعي من حياتنا
دفت الكرسي وطلعت برة المطعم بعد ماساد المطعم الهدوء والكل على وجهه علامات الاستغراب .. رند ورنيم كانوا احد منهم .. رند كان فيها فضول تعرف ش فيها البنت هاذي .. كان بودها تلحقها وتعرف ايش فيها .. طالعت في طاولة العائلة اللي كانت قاعده فيها البنت
كان فيها حرمة عجوز وبنت غنيه ولبسها راقي عكس الكل .. وبنت غير البنت اللي صرخت وشاب وولد باين على عمره انه لسه حوالي 16 سنه
استغربت شكل البنت الغنيه الي كان على وجهها ابتسامه مكر شاقه وجهها .. وتوتر الشاب اللي جالس جنبها .. غير كذه توتر البنت والولد ..

بعد الاكل طلعوا رنيم ورند يكملون shopping
رند : ترى الميك اب حقي احس مليت منه .. ودي اروح اشتري شي جديد
رنيم : حرام عليك توك شاريه شنطه شكبرها قبل شهر
رند : مليت منها .. ابي اروح اشوف الوان جديده .. بتجين معاي والا شلون ؟
رنيم : امشي .. انا بعد الميك اب حقي نصه مخلص
رند : هههه شي طبيعي لانك ما تشترين الا اذا شفتيه مخلص من جد ههههه
دخلوا اف سان لوران يشوفون الاشياء الجديد والمكياج الجديد اللي عندهم
شافوا بنت تطالع المكياج وكانها سرحانه
رنيم : مو كانها ذي البنت الليـ ....
قاطعتها رند : تعالي نشوفها
رنيم : لالا اخاف تفشلنا وتهرب .. شوفي كيف شكلها كانها وحده مجنونة
رند : لااا لا تخافين .. انا فيني فضول ابي اعرف وش فيها

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

عند فهد وداليا
فهد :و كيف كانت حياتك قبل لا تجين لندن ؟؟
داليا تنهدت : قبل كنت البنت الدلوعة .. بس ابكي على أي شي .. وكانت فيني ثقه كبيرة بنفسي ودلع اللي كان يميل الى الغرور .. كنت اجتماعيه .. احب اروح مع ماما التجمعات الراقيه .. بس جيت لندن عشت فيها فترة مثل ما انا .. الا انه الاعتماد على نفسي نساني الغرور والدلع والغنج والبكى اللي كنت ابكيه هناك .. على السنه الماضيه فقدوا الناس البسمه اللي كنت اطبعها على وجهي دايم .. ووروحي الاجتماعيه .. وثقتي بنفسي قلت .. ما اقول اني ما اثق بنفسي.. بالعكس .. لكن ثقتي بالشخص اللي احبه انعدمت
فهد : كيف يعني ؟
داليا : صرت اخاف .. اخاف احب احد وافقده فجاه .. صرت ما اثق في أي شخص .. ما اثق في ان يوم من الايام ممكن يجي ويقول لي حنا لازم نفترق ...
اتجمعت الدموع في عيون داليه .. فهد شاف دموعها اللي تجمعت في عيونها

فهد قال في نفسه : بنت الجمال يلعب في ايدها لعب وبهالشخصيه والشفافيه .. واللي الناس تتمنى نظرة منها يجي احد يقولها لازم نفترق ؟؟ ايش الجرأه ذي ؟؟

داليا : لمن جيت لندن .. حبيتها لكن مع الاسف ما بادلتني الشعور ... الا انها كانت قاسيه قاسيه وجافه مثل بردها وريحها .. كل شي فيها بارد وجامد وقاسي .. وقسوتها ما تساعد اني ارجع الثقه مثل اول
فهد كان ساكت يتاملها وهي تتكلم وفي عينها الف دمعه .. كل دمعه الف حكايه ..
داليا ما حبت تتعمق اكثر في الموضوع او بالاصح ما حبت انها تتكلم وتفضفضله عن اللي في داخلها لانه شخص في نظرها غريب .. وحبت تسكر الموضوع : طيب وانت .. حكيني عنك

فهد : ممممم ... انا من عيله عاديه جيت ادرس بلندن .. حاولت اقنع ابوي يعطيني فلوس عشان افتح معرض واعيش عليه .. كل سنه في معرضين والناس يجون يشترون الفلوس اللي اطلعها من المعرض اعطي نص للعائلة اللي اسكن عندها ايجار .. والنص الثاني اجمعه حق الجامعه والسفر اذا ابي ازور السعوديه .. واشتغل في المطعم عشان اكل واشرب .. وما ارسل لاهلي شي لانه اذا رسلت امي ترجعه لي .. اساسا عيلتي مو محتاجه .. بس انا احب اني اذا اشتغلت اعطي امي من راتبي
داليا : اهاااا ومستانس هنا ؟؟
فهد : الحمدلله ... العائلة اللي ساكن عندها طيبه .. والناس في الجامعه لطيفين .. اتاقلمت مع الوضع ..
داليا : اهااا

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

البنت لمن شافت رند ورنيم يتجهوا عندها خافت وهربت .. وصارت خطواتها سريعه
رند زاد فضولها .. ودها تعرف منو هذي ولين كذه مرة خايفه كانه اللي حوليها جن مو انس .. !!
راحوا على البيت ... بس ما لقوا داليا
رنيم : غريبه داليه للحين ما رجعت
رند : يمكن راحت تتغدى وتجي ...
ثواني وتدخل داليا وتغني ومستانسه ..
رند : الله الله ... شهالطرب انسه داليه ؟؟
داليه : يوه .. مستانسه .. حرام ؟
رند تبتسم: لا عساه دوم ... بس مستغربه ..
داليه تاظر رنيم اللي لفت عنهم وباين على وجهها انها متضايقه ..
تكلم رند : شفيها رنيم ؟؟
رند هزت كتفاها يعني " ما ادري
في غرفه رنيم ..
رنيم فسخت جاكيتها وعلقته ورمت الاكياس بنص الغرفه بعد اهتمام .. ربطت شعرها الكيرلي الكثيف بشباصه لمت بس الاطراف
جلست على السرير اتنهدت وتحاول تمنع دموعها انها تلامس خدها لكنها لمن رمشت تناثرت الدموع على خدها البارد ..
دخلت عليها داليه تشوفها لقتها جالسه ورافعه راسها وتكابر دموعها
داليه : رنومة شفيك ؟
رنيم ساكته ما تبغا يطلع صوتها انها تبكي .. تكره البكاء .. وما تحب تبكي .. لكن تعامل الناس اللي تتمنى يعطوها جزء من حنانهم ما يساعد ... ليه ؟؟ هي شناقصها؟؟
امها تاخذها وتسحبها مكان ما تروح بس عشان تكشخ فها وتكشخ في رشاقتها وجماله بين حريم وبنات المجتمع الراقي ..
داليه فاهمة رنيم حتى لو ما تكلمت .. عشره 4 سنين في بيت واحد وفي بلد واحد تساعد على انهم يفهمون بعض بعيونهم مو بلسانهم
داليه : كلمتي امك صح
رنيم هزت راسها بايجاب
داليه : ومثل كل مرة ؟
رنيم : ليش هي كم مرة اتصلت اصلا ؟ كلها مرتين او 3
داليه حزنت على رنيم
ليش ام رنيم عكس امي وام رند ؟؟
مع انهم في نفس المستوى المادي تقريبا ...
ومع بعض في كل الجمعات .. ليه ام رنيم شايفه نفسها ؟؟ وما تهتم الا بشكلها او لبسها ؟؟ عيالها و زوجها ليه ما تهتم فيهم ؟؟ كل همها الطلعات والفشخرة ..
رنيم كان بودها في حنان ام رند عليها .. وكان بودها في اخلاق ام مثل اخلاق ام داليا وحبها لها .. ليه هي محرومة من حنان الام ؟؟ امها لو ماتت مارح يفرق معها .. لانها 24 ساعه برى البيت واذا كانت بالبيت بعد ما تنشاف ..


×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××



اخيرا انتهى من قراءة الفصل الاول ..!!
وده يكمل بس النوم سلطان .. حط الملف على الكمدينه واتغطى ونآإم

جرى نسخها لحين قرائتها

مبدئيا
يسلمـــــــــووو..