الله يرحم من طواه الوقت واحكام الظروف
طرقي على درب الرحيل وضيف لايام العتاب



يرسم آمل / حدد هدف / لكن مايقدر يشوف
ابعد مسافاته امل / مع درب تحديد الغياب



يسوق عمره مع زمن عيا على قلبه يروف
الا دخل في معمعة تفكير وش خلف الضباب



تجي على لحظة غلا وتروح حلم مع الضيوف
مسترسله بأفكارها لاخر حدود من الحجاب



بعض الهقاوي ماتجي حتى ولو مافيه خوف
لأنها هقوت عزيز تعانق حدود السحاب



لو كان حل السالفه بالشلف وبحد السيوف
ماكان عنده مشكله ولا حسب إية حساب



ياللي بركت وشلت حملك لاتعذر بالكتوف
لا ينهزع كتفك تراك بعز عمرك والشباب



العذر من نفسك هدف والحلم واضح ومعروف
وسكر على اخرها روايه واحرق غلاف الكتاب



مدام في نفسك شموخ وتكره علوم الضعوف
اصبر على جرح الزمن لو كل يوم ايجيك ناب



وترك مشاريه الغلا تضيع مع حزن الحروف
وقفل على لسان العتب ياصاحبي مليون باب



والله يرحم من طواه الوقت واحكام الظروف
طرقي على درب الرحيل وضيف لايام العتاب


/

احد قراءاتي ،

يعطيك العافيه

لايسمح بتنزيل اكثر من موضوع واحد في اليوم



تحياتي