| |  افـأأأأ...انت تغسل هدومك...؟!
السلام عليكم ورحمة الله ..
صبحكم , ومساكم الله / بالخيـر ..
/
البارح اتصل علي أخوي " ثاني الكبار " , وقالي مشعل نظف الملحق وجهز الشاهي ..
بيجي ابو تركي وابو اثير , بيشبكون النت من بيتنا وبيسهرون < - - طبعاً هذولا اخواني الكبار ..
كنت وقتها اسولف مع شخص بالمسن وقلت له , فلان عن اذنك ابنظف الملحق وابولم الشاهي لأخواني ..
قالي , تنظفه انت .؟ ! قلت يس يس .. نص ساعه , وراجع لك ..
سويت شغلي ورجعت اكلمه مسن , وقالي خلصت تنظيف .؟ ! قلت له يس يس ..
سألني , وين اهلك .؟ قلت داخل بالبيت , قال : طيب وراه ماقلت لهم ينظفونه ويضبطون الشاهي بدالك .؟ !
قلت له مايحتاج ,, قال / والله مادري احسبك عزوبي وساكن مع اخوانك ولحالكم ..
نجي لسالفه ثانيه , قبل كم اسبوع ..اتصل احد اخوياي وقالي ابجيك بعد شوي ,, قلت اصبر ألحين انظف هدومي وان خلصت تعال ..
دخلت دورة المياه الله يكرمكم ورفعت سروالي لركبتي ,, وحطيت هدومي وشغلت هالغساله ..
انتهيت من تغسيلهم , ونشفتهم ,, وعقب ماكويتهم ,, زهمت عليه وقلت خلاص تعال لبيتنا ..
ركبت معه , وسألني , انا من كلمتك كنت تقول ابنظف هدومي ولا قصدك اهلك بينظفونهم .؟ !
قلت لا من كنت تكلمن , كنت اغسل هدومي .. قالي ماشاء الله ماخليت شي للحريم .. !!
قلت له لا يكثر اول شي , وثاني شي الوضع عادي جِداً .. الفضاوه وخاصةً الظهر تسوي كل شي ..
وقمت اسولف له , اني إذا كنت فاضي ومروق ,, تجيني اوقات , مسكات على المواعين ..
ولا استلم الحوش .. ولا انظف البيت واستلم هالمكانس , واهلي نايمين .. !!
واني انا أطال الله في عمري, واخواني الثلاثه كبر الله بطونهم ,, قبل مايتزوجون " إلا الثاني " ..
كنا نشتغل وياما يوزعنا اخونا الكبير " ابو تركي " , أيام عزوبيته ..
ويعطي كل واحد مهمه بتنظيف ملابس او مواعين او البيت ( من كانوا الأهل مسافرين ) .. !!
/
الفايده من هالسوالف طبعاً / على قولة الوالده الله يحفظها , ( اخدم نفسك بنفسك ) .. !!
واسئلتي للشباب طول الله اعمارهم ,, وأدام الله عليهم الصحه والعافيه ..
ومايمنع ايضاً من مشاركة البنات , ( علشان ماتقولون وين حقوق المرأه ؟ ) .. !!
س / عمرك نظفت هدومك بنفسك , وأهلك موجودين .؟ !
س / عمرك نظفت مواعين اكلك ان خلصت .؟ " اعترف احسن لك " .. !!
س / تلاحظ ان هالشي عادي بالشباب,, ولا من اختصاص الحريم .؟ !
إذا اخذت بعين الإعتبار , إن كثار ألي يتكلمون عن الرجوله وهم من جنبها ..
س / بُكره ان تزوجت وعزمتنا ,,, فيها شي إذا ساعدت المدام بشغل البيت .؟ !
س / عندك ملاحظه وودك تقوله .؟ !
0
0
من يبي يناقش يا مرحبا فيـه ..؟!
( حقوق الفكره والكتابه , محفوظه لـ مشعل )
انا مو مشعل والموضوع من كتابة مشعل ونقلته
أنــــا 
| التوقيع | | 
| |
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
