مشرف مرفى الاحساس [محلل الشخصيآت]

مشرف همس القوافي

خل عنك التسذب يآيها المملوح الاشهب

اول شي انا ماعندي رصيد <<من قوم ابو دقه وتسكيره ^_*

وشلون ادق عليك يالتسذوب

خلن اقول المكالمه يومك خرت فيها اول شي انا كنت مسنجر مع واحد من مماليح

المهم دق علي هالاشهب

استغفر الله راسه كنه راس واحد كان يجي مع سميرة توفيق يوم تغني صب القهوه

سط سط \الو الو الو الو

بدر \ ياخوي علامك كنك مقروص ياكافي هاه وش تبا<< بمد الالف

الاشهب سط سط \ياخوي شفيك تحاكيني من طرف خشمك

المملوح بدر \لا والله احاكيك من طرف اذني ياخف دمك اخلص قل وش تبي عندي موضوع مع واحد على الماسن

الاشهب سط سط \الله واكبر والله لو انك مسنجر مع نانسي عجرم

بدر \ هـ هـ هـ تعال دغدغني بموت من الضحك

سط سط \ انت يبيلي دريل عشان ادغدغك فيه

طووووووووط << سكرت في وجهه

دق مره ثانيه

سط سط\الوووووو

بدر \ نعم

سط سط \ليش تسكر على خشمي

بدر \ ماكان فيه شحن اخلص بيطفي

سط سط\طيب ياخوي اشحنه

بدر\ماعندي شاحن ابوي ماخذه يربط فيه الخروف <<العن اوم التصريفه

سط سط \اهاااا وانا اقول ليه احس انك مربوط

بدر \ افهم من كلامك اني انا خروف

سط سط \والله ياحبيبي اللي على راسه بطحى يتحسس عليها <<

بدر\الا بمردغك على البطحى انت وراسك اللي كنه توقيع الكاسر

سط سط\بدر سمعت الاماكن بـ صوت ام كلثوم

بدر \ لا

سط سط \طيب اسمع

طووووووووووووووط

مشرف مرفى الاحساس [محلل الشخصيآت]

الله الله الله


يا رجال تفهم العالم ان عندك مسن ؟؟؟؟

اصلا المسنجر انا شاريه لك من علوش ولد جارنا لعب علينا هذيك الايام يقول انها بفلوس

يوم الحول يقول لا بغيتو تفتحون شوفو الصندوق اللي برى حطو فيه ارقام بيوتكم وصورت كرت العائله بغينا ننفضح نطلع اسامي اهلنا ( يقصد صندون البريد اللي برى البيت )


على طاري توقيع الكاسر يا خوي ذبحني بهالنغمه كل شوي اروح افتح باب بيتنا احسبه الجرس هههه


تعال عقب ما دبغنا هالفول اللي عورني ببطني احسنا ماكلينه وحنا منسدحين يا خوي عيا ياصل بطني

شفت كرستال ؟؟؟

وهالاسم قلت وش هالطخمى الفارع الطويل قايل منول انها حصان فرررررس

شفتها امس عند الخباز شوشتها يكافي كنها التون خخخخ حق النصر


عرفتها يوم جت بنوته كيوت امحق كيوت هي الثانيه احد يلبس كنادر ام خيوط على ثوب مدري فستان المهم كنها لابسة علم سنقافورا هههه

واقعد اسلم عليها وين الناس يا كرستالوه والله وعرفناك يالمملوحه قالت انزلع قلت نعم قالت انزلع

قلت وشهي انزلع قالت قال الخباز يعني انتى فيه ينقلع ؟؟

والتفت على الخباز قلت احد طلب مترجم انت وخشتك اللي كلها طحين الا على طاري الطحين اثنين تميس بس

قلت كرستالوه يا الطخمى احس انك اخت لكرستيانو رونالدو تعرفينه قالت ايه

قلت زين والله لو اسألك وش معناه تقولين سلسال لحجيه هههه

وتنط نبوته هههه وش عنده الكيوت مع هالجزمات تقول بتدخل الشوط الثاني ههههه

قالت وش تبي فكنا ؟

قلت ليه الاخوات لازقات هههه

وعينك ما تشوف الا غبرة الاشهب فزاع مقبل على السيكل اللي كلها شطرطون اخضر وابيض

هلا هلا هلا هلا ارحبووووووووو وش فيه متلحف في علم المنتخب

قال لا تغلط الاهلي ؟

قلت ايه الاخ شغال ببنك ؟

قال نادي الاهلي شعرفك في مالك معاذ

قلت اخوووووص يا صقيقه بالله دق عليه خلني اطلب منه توقيع في الجوال خخخخ


شوي ويطبون علي تصفيق الله لا يوووووووووريك

بس انت وينك امس ما طبيت معي وينك غاطس يا بل جيتس ؟؟

مشرف همس القوافي

اسكت ساكت ياسط سط امس صارت لي سالفه طبعً مع المملوح ابوي
كنت نايم جنب السرير ما كان فيني حيل أرقى السرير < منتب عاقل ملك النمسا على هالسرير..
دخل النوم عيني الكحيلة قرابة الساعة 7 الصبح وما أمداني أحلم بـ ميريام فارس ألا وباب غرفتي ينفتح ويدخل أبوي...
انت لهالحين نايم يالقرد <<عادي ابوي ويمون

عاد تعرف ابوي وهو معصب شكله يشبه الديناصورات في الأفلام القديمة اللي تجي أسود وأبيض ...

طبعاً مارديت على اني نايم (يارب اغفر لي)
مالي خلق أكيد يبيني أوديه كالعادة لسوق الزل يسوم المقمّع حقته هللي أشغلناا بهاا.
قم يالهيس الأربد منقهر انك ولدي <<منتب عاقل يا سليل أباطرة روما...

المهم جا هالمملوح اللي هو أبوي ورقى فوق السرير ويطمر وينزل كوع علي بحركة كذا مخلبية!!..
واصرخ لك ذيك الصرخه اللي صحت ناصر بالدور اللي فوق
أبوي عاد استانس وحس أنه قوي وأن الشيب اللي فيه حاجة يعني كذا وراثية مالهاا دخل في كبر السن
ويجي هالمملوح مشعل ويدخل الغرفة ويقعد يشجع ابوي
شوي الا ناصر جاي ومعه جرس ومطرقة صغيرة ويدق الجرس يعني جولة جديدة من المصارعة الحرة
قام يصارخ: أيه مزدي فيه!! أجل أمس أقوله ود سيارتي المغسله ويطنش
أبوي تفلّت علي مدري وش جاه ويشيل الكرسي ويضربه في راسي وحسيت أن الدنياا أسودت شوي في عيني (لاحظو تراي ما بعد أفطرت <<< يعني تهقى ان هذا السبب
أنا قاومت وأرفع يدي وأحطهاا على الجدار يعني ما تحسب هزيمة
وابدأ أقول لأبوي: شف يبه مالهاا داعي هالحركات أنت تدري أني ما أقدر أمد يدي عليك...
قال وشو يالهيس تهددني قدم عيالي << ليه وأنا وشو..
عاد امس اكتشفت ان ابوي نذل راح شال التلفزيون 34 بوصة
ويقرب ويقرب ويرمي التلفزيون علي.
ائئئئئئئئئئئئئئئئئئئئئئئئئئئئئئئئئئئئئئئئئئئئئئئئئ ئئئئئئئئئئئئئ<< يقال انه يتألم هالمملوح

والله يا هو ثقيل هالتلفزيون وأنا من اوّل أحسبه فاضي من جوا. بعد هالضربة طار مني النوم<< بدري

قال قم يالهيس الاربد بدل ملابسك هذي يالمروح وحطهاا ورى باب المطبخ
عشان تستخدمها سوسن خرقة<< الشهبا الخدامه
وألبس أي شي ماله ريحة عيال الجيران يطلّون من فوق الجدار على حوشناا
يحسبون فيه خروف ميت عندناا ومخور
يالله بنروح لسوق الخضار عندناا عشاء الليلة
ما شاء الله عندنا عشا يبه ولا عزمتني << يقالي أمزح و ألطف الجو مع الوالد

وراح للتلفزيون بيشيله مرة ثانية بس أناا هجيت وطلعت من الغرفة!!...

لبست التكميلة الرياضية حقتي تعرفها اللي من تكاميل وزارة المعارف اللي كانوا يوزعونها بلاش من اوّل
وللي ما يعرفونها أقول لهم هي عبارة عن تكاميل مهما لبست منها أي مقاس راح تصير محزحزة ومخصّرة عليك <<يا سفابهاا على جسمي مهناا إغراء!! و يصير جسمي كنه خيشة مليانة رمل ما فيه تناسق وأنواع الزوائد اللي مدري وش تبي
. وهالتكاميل يجي في جنبها خطين بيض متوازيات تمتد من الرقبة إلى العرقوب(الكعب) وهي يجي منها ثلاث ألوان بس. أخضر وأسود وأحمر. الأخضر للي يلعبون... والأسود للحكم.. والحمرا للأحتياط.. أنا طبعاً بدلتي حمرا لأني كنت دايمن احتياط وأجيب الكورة إذا طلعت من الملعب < مخفة الفصل

وحناا في الطريق لعتيقة بدأ أبوي يسوق بدالي كالعادة لكن بدون ما يمسك الطارة
أنتبه للتريلا يالأعمى أنتبه لا ترقى الرصيف لحوووول وشفيك مسرع << حركات ابو ناصر مدري متى يعقل
رحناا لسوق عتيقة وبديناا حملتناا المقدسة للتقضي... وهالصعايدة ينادوني.. ياوااااد يا قميل تعال هينيه شوف البرتئان << لاحظ قال صعايده
إذا ألتفت عليهم وشافوا وجهي يصرفونهاا يقعدون يصففون كراتينهم من جديد

وانت تبيني افزع معك يا محمود الجندي

مشرف مرفى الاحساس [محلل الشخصيآت]

اثاريك رايح تقضى مع ابوك يالثنائي المرح

والله من هالطقم رونالدينهو وايتو < ابد ما قال شيون


بعدين يا اخي انت ما عندك غير هالتكميله ؟ < يا لبيه خققان


ابشرك ابوي امس شرالي بدلة زرقا عليها رقم سامي الجابر 11


ولعبنا في الحاره وسجلت هدف من ورى خط النص < الملعب طوله 6 امتار وين هالقذيفه يا روبرتو كارلوس


يا خي امس شفت ياسر القحطاني عند جيرانا ؟ مع ددسن نظيفه يمكن ما مشت الا 10 الاف كيلو < وش عرفك انها تسذبه قال من كبرها
< اجل ياسر على ددسن



تعال ما شفت احد من الاعضاء اليوم ؟
لا يكون رايحين لستار بوكس اللي وريتك اياه في شارع الملك عبدالله امس اللي فيه كبتشينو < اجل يبيعون زنبجيل وحليب

مشرفه اللغه الانجليزيه

ههههههههههههههههه


بجد تووووووحف


بانتظار التكملة

مشرفه القصص والروايات

هههههههههههههههههههههههههه
هههههههههههههه

<<<ميته ضحك خخخخخخخخخ

خخخخخ والله انك حاله

مستحييييييييل اسووي الحركه هذي خخخخخخخخخخ

يسلموووووووووو

مشرفة سابقه

ههههههههههههه

بــدر زين جاءت على التلفزيون

ياخوفي المره الجايه بالثلاجه ههههههه

سط سط

اما ياسر القحطاني راكب ددسن كثر منها هههههههه