السلام عليكم ورحمة الله وبركاته
بسم الله الرحمن الرحيم
آه يا مصر يا ست الكل
يا صبية.. يفرح القلب لما تطل
تبات فى عيونا مهما نغيب
وجفاها من طول البعاد يقل
وحشانى يا بلدى
يا غزى يا ارضى
يا ساقية يا توتة يا ضل
انا راحتى يا مصر فى راحتك
وساحة نصرى هى ساحتك
لا اتنسيتى ولا بأستكتى مسحتك
لكن القلب فى بعادك ضل
ومن بعادك مل..
يا مصر زماان... انا الماضى
انا البعيد ...ومش راضى
انا الى نفسى فيكى
وتبقى قصادى
متغرب يا بلدى والغربة وخدانى
تاه بعيد عنك انسانى
وبقيت حالم...بقيت نادم
والشوق ذودلك ودادى
هاجى واخبط على بابك
ولو ما فتحتى هنادى
هاجى وطيب ترابك
ولو زعلانة هراضى
هاجى يا حبيبتى فى معادى..
يا مصر روحى ليكى تروح
جوايا يا حبيبتى وين مابروح
رحت ومبقتش انا
انا العطشان..من بعد نيلك
انا المرضان ..ودوايا انتى
انا الربابة ..فى صوت مواويلك
صبحت غنوتى كنت..وكنتى
انا بعدك عليل مجروح
عايش آآآه يا بلدى
لكن جسد بدون روح
يا مصر النيل والخلود
يا سهره حلوة موال..وعود
يا بنت الجيران الطاله على شباكى
يا مكسوفة منى ...اوى
لو نسمتى عاكست هواكى
يا ترى هلقاكى...
انا لسة مانستش الوعود
دبلة وفرحة وورود
ولا نسيتكم يا اغلى صحبة
تهت ادور على حضنكم مش لاقى
بسقى جفا حنينى بميت فراقى
وخلاص نفسى اعود
قبل الفرقة...قبل اللحظة
قبل الدود


(( منقـــوووول ))

كلمات ولا ارووووع


الله يعطيك الف عافية

كلمات رائعه وترجع بلدك بالسلامه

كلمات رائعة بعذوبتها

اعجبتنى واكيد ستعجب كل من يقرائها

يسلمووووووووو