( بشروه إني أبرحل ) من حياته
بشروه وفرحوا فيني ذويه


كفنوا جسمي بماضي ذكرياته
ادفنوني في المكان اللي يبيه


اطلبوا منه اذا خلص صلاته
فوق لحدي يحمله براحة يديه


ولى وصل قبري وحقق له مناته
يدفن إنسانة تحبه.. تموت فيه


علموه إني وربي من غلاته
أعشق ترابٍ مشت رجله عليه


حلفوه يشد ويقوي ثباته
لا ينزل دمع يجرح له عينيه


باكر بيندم ويصحى من سباته
يحتضن قبري ويبكي يرتجيه


يعتذر عن جرحه وظالم سواته
معترف بالذنب لكن بعد إيه


مايفيد الصوت دام الفوت فاته
من خذاه الموت وش له يحتريه


الزمن غادر وتطحنا رحاته
ما صفا حاله على الدايم جذيه


يستوي ويقوم ويلملم شتاته
يبقى شامخ جلد صبار ونزيه


اطلبوه يسمي وحدة من بناته
بإسمي وطيفي معا بنته يجيه


طمنوه إني مسامحته لذاته
بَشِروه .. الله يرضالي عليه


وادفنوه بجنبي إن حانت وفاته
جنب إنسانة وربي تموت فيه

:

يعطيك العافيهـ


مكررهـ


هنا


تحياتي