بسمـ الله الرحمن الرحيمـ
السلامـ عليكمـ ورحمة الله وبركاته






قصيدة كل اللي أقوله فيهااا .. قصيدة تعور القلب .. وتبكي الحجر ..
فـ أسأل الله العلي القدير .. أن يعيينا على برهن ..

وأسأل الله العلي القدير .. إن يرحم كل أمهات المسلمين .. ويدخلهن الفردوس الأعلى ..






أخليكمـ مع القصيدة ..











خايف عليها من الثرى غطاها والا الحصى حافي اخاف اذاها
اكرم عليها بالكفن يامطوع بالبيت ضل فراشها وغطاها

اكرم عليه بالكفن هذي امي وشهد عليها في ما عطت يمناها
هذي الضحى والليل يتحرونه هذي السماء ونجومه تنعاها

هذي السوالف مثلنا تبكيها والارض تنشد عن اثر لخطاها
هذي الكبيره كبر هذي الدنيا هذي العظيمه جل من سواها

ابكي عليها مو نهار وليله ولا سنه تمشي وعد قضاها
ابكي عليها كثر ما شالتني وكثر الحنين الي اختلط بغناها

وكثرالاسامي وكثر من سموها وكثرالنجوم وكثر من يرعاها
ابكي عليها من القهر يا دنيا من لي انا من لي عقب فرقاها

من فتحت عيني ولا خلتني وشوفو ولدها بالقبرخلاها
هل التراب بوجها ما قصر شفتو ولدها كيف هو جازاها

لوانها مكاني ما سوتها لاكن اعز عيالها سواها
يا دود شفها ذابله جنبها انا ولدها وحاضر وافداها

قطعني هاك الي تبي من جسمي بس الكريمه لا تجي بحذاها
ووصيك امانه قل لها تعذرني وتكفى تروح تحب لي ما طاها

ابيها تغفر لي مثل ما كانت كل خمله مني بطيبها ترفاها
يالله عساها بنعيم الخالد وعساها في جنة عدن سكناها

يا فضو هاذا الكون ياهو خالي يا ضيق هذي الدنيا يا مقساها
يا مر طعم فراقها يا مره ماني مصدق ارجع وما لقاها

وشلون اجي غرفتها ماهي فيها وش عذري لسبحتها ومصلاها
وش اقول انا لدولابها ومصحفها واذاسالني مشطها وحناها

وعباتها والمبخره ومي زمزم ورشوشها ودواها
الكل في غرفتها متفقدها حتى الجدار متفطر ويرجاها

الكل يبكيها مهو ناسيها يالله صبرني وشلون انساها
ياليتها ياليتها مارحت وخلتني او وسعتلي بالقبر وياها







http://www.youtube.com/watch?v=XQa9GSpGMbs






الشاعر : الحميدي الشمري ..






أحترامي ..

ابكي عليها مو نهار وليله ولا سنه تمشي وعد قضاها
ابكي عليها كثر ما شالتني وكثر الحنين الي اختلط بغناها

وكثرالاسامي وكثر من سموها وكثرالنجوم وكثر من يرعاها
ابكي عليها من القهر يا دنيا من لي انا من لي عقب فرقاها


ابيات مؤثرهـ وحزينه

صح لسان الشاعر

وسلمت يمينك على النقل الراقي

تحياتي

من فتحت عيني ولا خلتني وشوفو ولدها بالقبرخلاها

هل التراب بوجها ما قصر شفتو ولدها كيف هو جازاها

لوانها مكاني ما سوتها لاكن اعز عيالها سواها



الله يعطيك العافيه

الكل يبكيها مهو ناسيها يالله صبرني وشلون انساها
ياليتها ياليتها مارحت وخلتني او وسعتلي بالقبر وياها
يالله عساها بنعيم الخالد وعساها في جنة عدن سكناها . . .آمين يارب
آصدق الشعر... الرثـــآء
ماقووول الآ,,
صح لسان شاعرها
ويسلم من نقلهــآ...
احترامي , , ,