اللـي تـركـني وانا في عـز غربالي
بعـد الشدايد وش اللي ذكـره فيـني
يبغى زمانه يعــود ويـرجـع الغالـي
وشلون يرجع بعد ما طاح من عيني
لا الوقت وقته ولا له شي في بالي
انا نسيته مثل ما كــان نـاسـيني
يا ما تمنيت نظرة منـه فــي حالي
يـا مـا تمـنيـت صـوتـه لو ينادينـي
واقول لأظلم علـى اللـيل بلـحالـي
اللـه يجيبه ويشتت غربة سنيني
من كثـر ما كان طيفه دايـم قـبالي
احيان احسه معي وتضمه ايديني
وليـمن تـنبـهـــت وجـيـه عــذالـي
كل(ن) على ما طرا باله يسميني
ليته تركني بعـد هــذا علـى فالـي
زي ما تركته بعـد قتله بساتينـي
من بعد ما صار جاب لسانه الحالي
يبغى يرجع زمان(ن) بينه وبيـنـي
قولـوا له اني ما احبـه كثر تـرحالـي
او لا حــرام يتضـايـق ولا يبـكينـي
قولــوا له اني احبـه بـس مـن تالي
ان راح ولا رجــع مـا عـاد يعنـينـي
لشاعر \ فهــــــــد المساعد
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
