موضوعي عن الحواجب ..
بكتب طريقتي في تشقير الحواجب.. وبتكلم عن رسمات الحواجب .. وتلوين الحواجب
وبشرح عن كل شي بالتفصيل الممل .. اهم شي تابعوني للأخير .. عشان يكمل الموضوع ان شاءالله
نبدا بالأدوات

1-بودرة التشقير (blondor) من ويلا لونه أزرق
هذي صوره اقرب

2-المثبت من ويلا (welloxon)بيروكسيد مع الاعشاب
وهذي صورته

3-فازلين
4-تاتو الحواجب من ميك اب فورايفر (اختياري) << ماأدري ليش يسمونه تاتو !!

5-فرشه رفيعه لوضع التاتو ولتصحيح اخطاء المشقر .. نفس اللي في الصوره اللي فوق (تجي مع التاتو)
6-اعواد قطن

7-فرشة تمشيط الحواجب (تشبه فرشة المسكرا).. موجوده في الصوره الجماعيه اللي فوق
8-وعاء صغير للخلط وملعقه صغيره نفس اللي في الصوره الاولى
9-القطن المدور استخدمه لمسح المشقر ..بتقولون عادي بالمنديل ..بقول لكم لا ماينفع لان المنديل خشن ويجرح المنطقه اللي تكون حساسه في هالوقت وحتى الاسفنجه احسن شي القطن هذا ناعم ومايجرح بس طبعا ابلله قبل ماأمسح فيه
نبدا بالخطوات
•اخلط البلوندر مع المثبت بنسب متساويه حتى يصير قوامه كريمي يعني مو جامد ولا سايل
استخدم كاسات الادويه المرقمه عشان اضبط المقدار
هنا البلوندر

وهنا حطيت المثبت

بعد الخلط

وهذي الصوره قبل التشقير

يتبـــــــــــــــــــــــــــــــــــــــــــــــ ـــــع

color="#3399CC"]•[/color]امشط الحواجب وابدا برسمهم .. استخدم تاتو فورايفر (اللي يصبغون يحطون الصبغه بهالمرحله )
ممكن تستخدمون قلم رسم الحواجب لكني أفضل التاتو لأنه اوضح واضبط ويبقى اللون بعد مسح المشقر واستخدم
الفرشه الرفيعه اللي تجي معاه .. ( لي رجعه مع رسم الحواجب وتلوينهم ..تابعوني )
وهذي الصوره بعد ما مشطناهم ورسمناهم

•احط الفازلين على المنطقه المحيطه للرسمه يعني على المكان اللي بحط عليه المشقر والسبب انه
يحمي من حرارة المشقر ويسهل توزيعه
المنطقه الموضحه بالسهم

•ابدأ بوضع المشقر .. ابدأ من مقدمة الحاجب وانزل لتحت لإستخدام عود القطن واذا غلطت عادي
لانه التعديل في المرحله الجايه مثل الصوره

•هذي مرحلة تعديل المشقر بإستخدام الفرشه الرفيعه اللي حطينا فيها التاتو
وممكن تستخدمين عود قطن بس الفرشه أدق .. وهذي الصوره بعد التعديل

•اكمل وضع المشقر فوق الحاجب وانتقل للحاجب الثاني بنفس الطريقه وما أنسى منطقة بين الحاجبين

•اتركه من نص ساعه الى 45 دقيقه وبعده امسحه بإستخدا القطن المدور بعد ما أبلله طبعا
•اذا احتاج لتعديل اعدله بإستخدام الباقي من المشقر .. اما اذا مايحتاج لاي تعديل احط فازلين على المنطقه المشقره .. في كريم خاص بالإحمرار ممكن تحطونه اذا صار فيه احمرار

وهذا الشكل النهائي

طبعا الحواجب في الصوره محفوفين بس النتيجه تقريبا نفس الشي
نرجع لرسمات الحواجب ..
في منهم الحلو وفي منها المبالغ فيه
راح ابدأ بالحواجب التشاينيز اللي صار لها فتره طالعه وللحين دارجه
احسها حلوه على البعض لكن على بعض الناس احسها مبالغ فيها تصير مرعبه ولا ايش رايكم ؟!

هذي الحواجب نعومه وطبيعيه وموضتها ما تروح ابدا

حواجب بشكل مثلث

يتبــــــــــــــــــــــــــــــــــــــع

حواجب عريضه

حواجب رفيعه مقوسه << ما أحسها طبيعيه وراحت موضتها من زمااااان

ننتقل الحين لتلوين الحواجب
في اكثر من طريقه
-الصبغه الدائمه او المؤقته وفي منها ماركات كثير ..
-التاتو مثل فورايفر .. عندي كل الالوان وعن تجربه الاسود مو حلو يبين غااامق ومو طبيعي يعني حتى لوشعرك غامق استخدمي اللون البني الغامق اما الفاتح ينفح للي شعورهم فاتحه او مصبوغه يطلع حلو

-بودرة الحواجب .. استخدمها بعد ما أمشط حواجبي بالمسكرا الجل الشفافه وبعدين احط فوقها البودره بالفرشه المايله

وهذي صورة الفرشه

-قلم تعبئة الحواجب تقريبا موجود في كل الماركات

ملاحظات مهمه :
اللي ما قد استخدمت المشقر ولا مره تجربه اول شي على منطقه صغيره وتشوف اذا تحسست منه او لا
التشقير مايناسب الكل.. .. يعني اللي يناسبني مو شرط يناسب غيري والعكس صحيح
ممكن اللي بشرتها حساسه تحمر شوي مكان الشقير يعني كم ساعه ويروح لكن يفضل اذا عندك طلعه
لا تشقرين في نفس اليوم .. ممكن اليوم اللي قبله
اتمنى اني ما أكون نسيت شي
واتمنى موضوعي يكون خفيف وحلو على قلوبكم
انتظر تجاربكم لا تبخلون علينا .. حلو الواحد يفيد ويستفيد
[color="#FF66CC"]تقبلو تحياتي العطره
منقول لعيونكم ................. اتمنى التثبيت

يسلموووو الغلاااا

مجـــهوود راااائع

دمـــــــتي بووود

يعطيك العافية ياالغلاا على المجهود

ماقصرتي

أمل مجروح

شموخ انثى

اسعدني تواجدكن الغالي

وردودكن العطره

يعطيك العافيه قلبووو

دمتي بود

يعطيكـ العافيـــه عالمجهوود الرائـــع ..