بسم الله الرحمن الرحيم
السلام عليكم ورحمة الله وبركاته...
"صباح / مساء"
الخير عليكم جميعا...
أخواني وأخواتي..
ادارة.. ومشرفين.. وأعضاء.. وزوار..
أقدم لكم قصيدتي البسيطه.. والقائي المتواضع..
وأتمنى أن ترتقي ويرتقي الى ذوقكم المميز والراقي...
....
..:: فاض القصيد ::..
فاض القصيد براس.. شاعر شمالـي!
يطرق على المسحوب أحلا.. قصيده!
مرّه تقول الناس.. شاعـر خيالـي..
ومرّه تقول الناس.. فكـره فريـده..
قالوا وقالوا.. ماهي بـراس مالـي؟
ولاهي على مثلي.. وربـي جديـده..
مرّه.. وأنا جالس.. ولاهي.. وسالي!
جتني وصايا.. والوصايـا سديـده..
أوصاني الوالـد.. تطـول المعالـي..
لا صارت عزومك عليها.. شديـده..
وعلمني الوالـد تمـوت الرجالـي..
لا قالـت العليـا؟ علينـا بعـيـده..
وان الكرم ماهو.. بصـف الدلالـي..
نال الكرم رجل(ن) ولا شي.. بيـده..
وان الردي لو حِطْ.. في راس عالي..
يبقـا ردّي(ن) والمعالـي.. تعيـده..
وعلمني الوالد.. اذا صـرت والـي..
كثر التواضـع.. يرفعـك للمجيـده..
واحذر ولو شانت.. عليـك الليالـي..
ترجي من المخلوق.. شي(ن) تريده..
لان البعض.. في كبوتك ما يبالـي..
والبعض الآخر.. قال ربـي يزيـده..
والبعض دونك؟ يرخصون العيالـي..
ماهي على قلّـة؟ وكثـرة رصيـده..
واحذر من الصاحب.. ولو كان غالي..
مضاربه بين الخفـوق.. ووريـده..
والا العدو.. ماله! طريق ومجالـي..
لا صارت دروبك.. صمـال وأكيـده..
الشعر موقف؟ والقصيـد ارتجالـي..
والبيت معنى.. والقوافـي عديـده..
قالوا وقالوا.. ماهي بـراس مالـي؟
ولاهي على مثلي.. وربـي جديـده..
الشاعر: عبدالمحسن الشراري "هديل الشوق"
...
ألف شكر للجميع..
لحسن المتابعه.. والمرور..
..
تقبلوا فائق احترامي وتقديري لكم
وكونوا بخير...
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
