مدري غبى مدري ذكى مدري تسـرع فوضـوي

26-02-2008, 12:34 AM

هذي من اجمل قصائد الشاعر بدر الخالدي
مشارك بها في شاعر المليون ما قبل الثمانيه واربعين

حبيت اشاركم فيها ..
لأنها من اجمل القصائد اللي اعجبتني من خلال البرنامج

البارحه والجوع مس الذيـب يـوم انـه يعـوي
علـى سنـام طويـق والقـمـره وراه بليتـهـا

اخايلـه واقـول واعـزي لحـالـك يالـقـوي
اللي تنقى فـي سمـان الفطـح لا مـن جيتهـا

واللي باساميـك يتقلدهـا الخـوي مـع الخـوي
والعـرب تبديـك التحايـا وانـت مـا حييتهـا

واسمك على النخوه يعد وكل روس(ن) تشتـوي
والوجبـه الحيـه تعشاهـا وتـتـرك ميتـهـا

الجوع لـو يدفعـك للمـوت الذحـاح المستـوي
حشمت نفسك عـن عظـام الحرجـه وخليتهـا

ودامك طليق(ن) ما قهـرك المعتـدي والمهتـوي
وخطاك مـن دون المغـازي مـا بعـد سجيتهـا

يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه ليـا عشيتـهـا

يا موجل(ن) قلب حضري يا موجل(ن) قلب بدوي
ياللـي تشيّـم خـوة الرجلـيـه ان خاويتـهـا

عامل خوي الذيب في عصر الفـوات المنطـوي
وقصتك فـآذان العـرب واليـا طـرت لبيتهـا

نحر ذلول(ن) مـن وصايفهـا شحمهـا مرتـوي
لعيـون خوتـك الفريـده والبقـا فـي صيتهـا

يـا ذيـب يكوينـي قنيبـك لا توحّيتـه كـوي
على غشـاش الكبـد والخطـوه عمـد رديتهـا

مدري غبى مدري ذكى مدري تسـرع فوضـوي
لكن خطواتي علـى الهيبـه مـا قـد ضريتهـا

ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا

وقبل يغيب المنطق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا

وقبـل النوايـا المستقيمـه ماتعـاج وتلـتـوي
والناس تمشـي فـي تعاملهـا حسـب توقيتهـا

يا ذيب مدري كيف ابوصف حالتـك يالمنـزوي
والهاشميـه فـي طـرف عينـي ولا دنيتـهـا

لا جيث ابرثي حالتـك ضـاع الكـلام اللغـوي
والمفـردات اللـي تجملـنـي لـيـا عديتـهـا

والهاجس اللي كـل مـا فليـت حويـه ينحـوي
وافكـاري اللـي تتعـب الخافـق ليـا هليتهـا

واخـاف لا تكمـل وينحـاك النزيـف الدمـوي
وابقى علـى قـول المثـل خميتهـا واخطيتهـا

ياذيب واقنب خل صوتـك يـدوي العالـم دوي
مـادام خانتـك الظـروف الله يخـرب بيتـهـا

26-02-2008, 12:43 AM

رائع هالشاعر..

رووووعه القصيدهـ...

صح لسان شاعرهاا..

ويعطيك آلف عافيه ألاسطوووري ع النقل الجميل..

وعساك ع القوووهـ..

26-02-2008, 01:37 AM

ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا

وقبل يغيب المنطق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا

وقبـل النوايـا المستقيمـه ماتعـاج وتلـتـوي
والناس تمشـي فـي تعاملهـا حسـب توقيتهـا

صح السان الشاعر وسلمت يمينك يالاسطوري عالنقل الرائع

يعطيك العافية

أختك\ شموخ عزي

26-02-2008, 02:39 AM

صح لسان شاعرها

وسلمت يمناك على أختيارك الذوق والراقي

:

لاعدمناك

26-02-2008, 05:41 AM

ياذيب واقنب خل صوتـك يـدوي العالـم دوي
مـادام خانتـك الظـروف الله يخـرب بيتـهـا

قصيده فعلا رائعهـ’’

صح لسان الشاعر’’

ولاهان الناقل

تسلم يمينك’’

تحياتي

26-02-2008, 06:17 AM

ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا

وقبل يغيب المنطق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا

قصيده في قمه الروعه والجزاله

صح لسان الذيب بدر الخالدي
وتسلم اناملك الاسطوري

تحياتي لذوقك الراقي

26-02-2008, 08:19 AM

هالقصيدهـ لواقراها عشررين مره ماأمل منها

ابيآت في قمة الروووووعه وابدع فيهابدر الخالدي

وبيض الله وجهه على هالقصيدهـ وصح لسآنه مليوون

وصح بنانك الاسطوري على النقل الرائع لشاعر ارووع

تقبل مروري

26-02-2008, 08:30 AM

كلماآآآآت في قمه الروعه...

تسلم يمينك الاسطوري...

لاهنت على هالنقل...

التسجيل السريع مُتاح
عزيزي الزائر . وفي حال رغبتم بالإنضمام إلى أسرتنا في منتديات حبي ينبغي عليكم ،التسجيل! اسم المستخدم: كلمة المرور: تأكيد كلمة المرور: البريد الالكتروني: تأكيد البريد: موافق على شروط المنتدى