بسـم الله الرحمن الرحيم
بعد السلام والتحيه ، أترككم مع هذه القصيده الرائعه ...
ساقت مشاوير الشقاء واردف الليل=وسريت ودروب السهر سرمديه
ازريت اسوق الهم واحط واشيل=وتعبت اكابر والمواجع نديه
الحيل مل من التعب مابقي حيل=والجفن ماله بالسهر مقدريه
البهذله والمهــــزله والغرابيل=ابطال وسنين العمر مسرحيه
والهم والحزن والظلم والويل = اضيوف وجروح الوفاء شاذليه
والصمت والهوجاس بوح التعاليل=والخوف مسرى واليالي مطيه
يالله عسى درب السنع بالمقابيل=ولا اليالي الي مضت جرهديه
حرٍ كفخ واستاسرته المحابيل=وعقب السماء الرحبه هوا للوطيه
حر غدر فيه الزمن والمداخيل=مقرود وكفوف العطايا رديه
غلطة عمر منها جنيت البهاذيل=ذنوب غيري حطها الله عليه
تناقلتها شلة القال والقيل=وحطو عليها لين صارت قضيه
وقامت تناهشني رخوم الرجاجيل=اهل الملامه والعلوم الرديه
الي تجيك اخبارهم بالتفاصيل=ويحرفون الهرج عن سوء نيه
بالله قلي ياسود الوجه ياليل=وضح النوايا كيف صارت خطيه
قلي من الي ظلل الحق تظليل=ومن علم الوافي يخون بخويه
ومن بروز الاوهام خدعه وتمثيل=ومن طلسم الواقع وخان الوصيه
ومن قال لي دربك مهود وتساهيل=ومن علم الضحكات تمشي عليه
ومن كفن دموع الوفاء بالمناديل=ومن هو جزاء الحسنه بمليون سيه
الي قتل حلم الضلوع المناحيل=وقال انقتل وترى العوض بالبقيه
جاوب سؤالي يا سود الوجه يالليل=من علم الصاحب يخون بخويه
:
تحياتي للجميع
:
:
دمتم بخير
:
:
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
العرض العادي
