السلام عليكم ورحمة الله وبركاته
اليوم اضع لكم اول مشاركه لي هنا
قصه صيغة بشكل قصيده
قصه من الخيال
ولكن اعشقهااااا بجنون الكلمات
اهديها لكل من اعجب بها وازفها لكل جرح قارب الاندمال
لتبقى جراح الاحبه نازفه ليعلموا انهم احياء
من وقع الالم.......
لتكن الاه هي انفاسهم
والسهر علاجهم
والدمع ديدنهم
لنبحر معاً في بحر من الخيال
بقالب الم
وبوح ذكريات
وقلم محب
وقصة غلا
وعذابي ....وعذاب اللي هوى=وعذاب اللي من وقته ذليل
قصتي..قصة لعوباً بالهوى=حضه الاقشر حطه بالمسيل
ابتدات الو..نعم..وكلمة هلا=ياهلابك يابخت وقتً مليل
قالت:خالد؟قلت :لالا ياغلا=خالد لا اعرفه ولا اعرفله دليل
وسكتت لحظه ومدري وش جرى=وضحكت وقالت:ادري يابخيل
ادري غلطانه... علامك ياترى؟=بس بشك لك من وقتً عليل
وقلت بنفسي :اجرب بالهوى=مثلي كما غيري انا ماني قليل
وابتدات تشكي من هم وعنا= لين دمعي من عيون قام يسيل
من هذاك اليوم والقلب انحنا=كل يومن بالمشاعر صرت اكيل
اسمها غالي.... وهي ليه غلا=والدلع بصوتها ماله مثيل
وصرت كل لحضه معاها ياملا=هي ميته فيني وانا فيها هبيل
صرت اتخيلها مثل ريم الفلا=واتخيل جسمها ذاك النحيل
واتخيل وجهها كله حلا=والعين تفتن ورمشً ظليل
صرت ودي افرح بشوفة غلا= لو يكلفني اسوي المستحيل
قلت وش رايك اشوفك ياغلا=قالت خايفه وانا بوجهك دخيل
قلت بس زولك يكفيني ترى=بس نظره وعد مني ما اطيل
وفي هذاك اليوم تواعدنا على=نلتقي بالسوق بساعه بليل
وصرت حزتها مدري من انا=من شده الفرحه رجلي تخيل
بعد سنه وشهور بشوف غلا=بعد ما قلبي صبر وقتً طويل
ودقت وقالت: تعال انا هنا=والتفت وشفت الجسم النحيل
وصرت امش والتفت لحظه ورى=وقت شافتني انا شمس الاصيل
وضحكت وسارت خطاها على= الطريق اللي اخذ اوفاء خليل
جت سياره على شوف الملا=ودهستها وانا اهذي مستحيل
شلتها واصرخ لا تموتي ياغلا=ودمها بيدي وعلى صدري يسيل
قلت تعرفيني ؟ ترى هو انا=قالت:لا تكمل ياعسى عمرك طويل
يامحمد انا ترى موتي دنا=واحلا موته يوم انا بيدينك قتيل
ادع لي بالمغفره مع من دعا=وانت ربي يوفقك وتلقا بغيري بديل
مع التحيه
مــحــمد الحربي
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
العرض العادي
