إحصائية العضو

 

My SMS

يا ذا الجلال اللي عروشك فوق واملاكك حدر = ومهماً تسامت به عروشه مستحيل يطولها
يا حي يا قيّوم يا ذا الأنافة والكبر = ما نافسك في عظمتك مكر العباد وهولها
وما نافسك من عمّر بيوته على سطح القمر = واللّي ترسي فوق أقاليم المياه سطولها
ما انته بحاجة من عبد ولا بحاجة من كفر = ولا بحاجة ثابت الدنيا ولا منقولها
أنت السميع لمن حمد وأنت المزيد لمن شكر = واللي ما يشكر نعمة المنعم عليه تزولها
ياذا الجبروت العظيم ويا القدير المقتدر = تفزع لنا في معضلات ما نريس حلولها
تلعب بنا خلاّن فرغتنا كما لعب الكور = أن اقبلت صاحوا لها وأن دبّرت صاحوا لها
لا هبّنا الطايف بعض الأحيان في فية عصر = شهب الليالي من ورانا يسحبن ذيولها
أنت السلام اللي لك الإسلام وانت المشمخر= اللي عجايب قدرتك في المعجبين ذهولها
سلام يا محمد رسول الله راعي الوجه الأغر = وسلام يا روح ملائكة السما صلّوا لها
سلام يا بو بكر يا عثمان يا علي وعمر = وسلام يا سبع الآفاق أطلالها وسفولها
سلام يا صدق النوى سلام يا وسع الصدر = سلام يا مفتاح بيبان الفرج وقفولها
وسلام يا شمس الضحى تشرق على بر وبحر = وتشرق على كل الديار جبالها وسهولها
وسلام يا غر السحاب اللي تبجح بالمطر = وشم الجبال اللي تبجح بالسحاب قذولها
وسلام يا هوج الرياح اللي عطاها مستمر = مهما خذوا منها من الحسنات ما ردوا لها
ليت الرحاب اللي لنا بوجيهها حق وقدر = ما تضمحل من الزمان ولا نشوف سمولها
و ياليتنا لاما سرحنا اليوم الأبيض من فجر = تبطي عبات الليل ما تضفي عليه سدولها
ولاّ ليامنها ضفن سدولها يطلع بدر = يا صل ضياه اللي على الكوره تطق طبولها
المعتبر يآخذ على الدنيا دروس من العبر = والناس يكسبها معاملها بقد عقولها
أحيان تصدف لعبة الشاطر مع غلطة عمر = مره .. لكن لا عدت الغلطة ما عاد ينولها
حنا عرفنا كلنا ما طال من شيء قصر = والأحلام ماتوا قبلنا شرهين ما وصلوا لها
حتى الجمال اللي تحمّلها الهقاوي بالصبر = يالله بحملتها تقوم وتدّرج بحمولها
والحب سيسان العبادة والعبادة بالجهر = ان ما قدرت تقولها وجه الصحيح يقولها
يسرون عميان المحبة تيه في غدرا الغدر = للي تحد سيوفها واللي تعن خيولها
ولا تفكر في غناة ولا تفكر في فقر = وتشفع لبيضان الصدور احضوضها وفعولها
واهل التكلف بالمعرفة والتصنع بالبشر = والله ما هي حول الصحيح ولا الصحيح بحولها
اللي يفضّل ما يقيم بو ميه من بو عشر = حتى الفضولية عن الفاضل بطل مفعلوها
اللي تخبره لحيته ذا ..طولها يصبح بزر = واللي تخبره بزر يصبح لحيته ذا ..طولها

إحصائية العضو

 

My SMS

إحصائية العضو

 

My SMS

إحصائية العضو

 

My SMS

إحصائية العضو

 

My SMS

إحصائية العضو

 

My SMS

إحصائية العضو

 

My SMS

المشاركة الأصلية كتبت بواسطة ورد شامي سلام يا محمد رسول الله راعي الوجه الأغـر وسلام يا روح ملائكـة السمـا صلّـوا لهـا سلام يا بو بكر يا عثمـان يـا علـي وعمـر وسلام يـا سبـع الآفـاق أطلالهـا وسفولهـا سلام يا صدق النوى سلام يا وسـع الصـدر سـلام يـا مفتـاح بيبـان الفـرج وقفولهـا صح لسان الشاعر,, وسلمت اناملك,, ع النقل المميز وذوق الراقي ابيات رائعهـ وجميلهـ دمــ بخيرــت

إحصائية العضو

 

My SMS

المشاركة الأصلية كتبت بواسطة شموخ عزي واهل التكلـف بالمعرفـة والتصنـع بالبشـر والله ما هي حول الصحيح ولا الصحيح بحولها اللي يفضّل ما يقيم بو ميـه مـن بـو عشـر حتى الفضولية عن الفاضـل بطـل مفعلوهـا اللي تخبره لحيته ذا ..طولهـا يصبـح بـزر واللي تخبره بزر يصبح لحيتـه ذا ..طولهـا صح السان الشاعر وسلمت يمينك يالاسطوري يعطيك العافية أختك \ شموخ عزي