صبحكم الله بالخير يالاجاويد
وعساكم بخير مثل ماتمنى
والله يالمنتدى هالايام يصعب علينا
ولكن القصايد تجي بوقتها وانا هالقصيده كتبتها وعسى تحوز على الرضا
.................................................. ...........................................
انتهينا وكل ٍ راح يمّة طريقه = حسبي الله على الايام دارت رحاها
الليالي تفرق بالعشيق وعشيقه = دنية ٍ ماعرفنا مرها من حلاها
صعب يوم المفارق والمشاعر رقيقه = والله انه المفارق مانويته معاها
حيلتي يوم قفت مثل من نشف ريقه = لارضا في زعلها ولارضا في رضاها
ولابقى من كلامه غير جرت شهيقه = وكنه اللي مضيع وجهها من قفاها
زوجوها ؟؟ وراحت من يديني طليقه = لقمتي ياعرب من حظ منهو كلاها
يومها في لباس العرس دايم تليقه = ياهني من يدينه ربعّت في يداها
كيف مدري وصارت دون حل ووثيقه = صدق بأن الليالي مايبين خباها
حدني لين صدري شال مالا يطيقه = ومن سببها القصايد رافع ٍ مستواها
ومن سببها وقلبي شب مثل الحريقه = خطر توقف ضلوعه ووصل المنتهاها
عشرتن طوّلت مرة سوات الدقيقه = لاطرت وسط قلبي هلت العين ماها
والله اني احب الخير ويا الحقيقه = جعل ربي يوفقها ويسعد مساها
وكان زاد اشتياقي بالدموع الغريقه = بتصبر عسى نفسي تلاقي دواها
ولاهقيت الرجل تتلاه بالوقت ضيقه = لين شفت العيون السود راحن وراها
لاتسبق الاحداث مافيه داعي = واني معك ابدأ حياتٍ جديده
طويت من حبل الرجا لك شراعي = والنفس طابت وافعل اللي تريده
سلامتكم......
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
قصيدتي 
العرض العادي
