لاب توب بدر كسرته برجلي هههههههه

23-01-2008, 01:39 PM

امس وانا رحت للمنتدى لقيته مسكر صكني راسي << ايه عاد ارفعو و ش معنى صكني ( اوجعني )

واحس اني فيني مصخن قلت بس بأمرض وبعورني بطني وبقعد امرض وامرض ليه ما روح للمستشفى قبل اصخن واخذ علاج

<< يجهز العصبه قبل الفلقه

والمهم خذت كرت العائله تقول كني بروح اكتتب في البنك واخذ معي فروه سبحان الله يمكن اصخن في الطريق من البرد
واخذ معي مضله اللي يتضللون عن الشمس << احول فروه ومضله شلون تجي يعني حر وبرد ؟

خبركم الجو متقلب في الرياض << عسى مامات احد يوم تقلب ؟؟

واصل للسياره < عسى ما تعبت بعد ؟

قلت الحين اروح للمستشفى وانا يمكن اصخن والرياض زحمه خلني امر على بدر راعي القصيد اللي صاجني يدبرني

خبركم بدر متخرج من ثالث ثانوي قبل كم سنه وجايب درجة زينه في الفيزيا والطب مهوب بعيد من الفيزيا

المهم واجيه والا انه منسدح كالعاده في المجلس على الاب توب يتصفح في عالم مليء << اتعب انا يالمثقف

قلت بدر يا بدر اليوم يومك

قال شفيك وانا اخو اريام << قاطعه قلبه الفنانه اريام

على طاري اريام لو تشوفون الفورد سيارته كلبوه صور اريام مرتن بجنز ومرتن بثوب << قصده فستان
لا بعد حاط صورتها مرتن ما على ذرعانها شي يكااااافي وقطعها ابوه وكسرها على راسه << ابعرف شلون يكسر الصوره على راسه وهي ورقه ؟؟

المهم نعود لمحور حديثنا

قلت بدر يا بدر
قال اخو اريام

عاد تعرفون اريام الفنانه

امزح بغيت امسكم بعد خط هههههه

المهم قلت انا يمكن اصخن ولا عندي ملف في المستشفى ويمكن حرارتي ترتفع
قال من عيوني قلت لا بالله معصي ابيها من المستشفى عيونك شينة حتى مافيها شعر هههههه

قال خلاص الله يبلشك فاشل حتى في الرومنسيه قلت لا تجيب الامور الي تحرك مشاعري العاطفيه
قال انت تعرف امور عاطفيه ..؟
قلت اعقب بس تذكر يوم تناديني بنت جيرانا واقولها يا قلبووو << لا هنت يا حسين فهمي

بس الفشيله يوم ردت وي وي وي << يقلد ورد شامي هههه

قالت يا جعل قلبك .......؟؟ << ما يبي يقولها يخاف الله يقبل منه هو ههههههههههههه

بس انت يا بدر بن فطيس مسوي شاعر ورومنسي وانت مع شعيب مابه احد

قال اها واخلص علي وش تبي

قلت انا طالب هالخشم قل تم
قال اخلص وش تبي واطمر عليه ابحب خشمه ورجلي ما عنها وعن اللاب توب واضغط على الكيبورد واكتب برجي ما دريت وانا احاول احب خشمه ورجلي داعسه تكتب وانتر باصبعي التسبير
اثاريه فاتح المسن ويكلم خويته واخرب عليه صرت اضغط برجلي لين ملت البنت تقول اكيد ما يحبني والا شقاعد يكتب خخخ

المهم واخر شي تمكنت اني احب خشمه

لكن حبت الخشم راحت ضحيتها بنت طارت على بدر
المشكله كان يواعدها عند بقالة مشعل عشان تطلع يشوفها ويتلاقى شاروخان هو وصديقته

قال تم بس قل وش تبي والشر يتطاير من عيونه تقول خشبة سمر في نار تقدح لهب من النار

قال ماذا تريد
قلت اريد نبيذ

قال وشهو هههههههههه

قلت امزح لا تكلمني كلام عربي كلمني مثل الربع عربي لك عليه

قال تم

قلت معزوم

قال يالخبل تم يعني طلبك بلبيه
قلت احسبك بتعزمني هههههه

<< خبركم دايم جوعان

المهم بعد جهد وليل وعفرته حب خشوم

علمته وصارحته باللي في بالي

قلت انا رجال يمكن اصخن والا يمكن امرض والا راسي يعورني
خبرك الدنياء ما تخلى من هالامور

وانت رجال فاهم ورجال تحب رفيزك سط سط
ولا لك غناة عنه

مير دبره تكفى يا صقيقي

قال تم بس وش اسوي لك ؟

قلت شفت هالتلفزون اللي قدامك << الانتر نت

قال قصدك الكمبيوتر

قلت اللي هو جعله انشاء الله مكينة ددسن ما علي منك

المهم دور لي فيه على علم والا شي يدخلنا المستشفى

المهم قال بدر كيف ادور لك انسخ لك تختور قلت لا بالله لا تنسخه الا جبه اصلي خخخ

قال تستهبل

قلت يا رجال دبر لي فيه علم

اما موعد والا واسطه

والا علاج مذكور لو انه في البحر << الشرقيه هي البحر بثقافته يعني لا احد يروح بعيد

المهم قليل الخاتمه قال ابشر
وحليمه على عادتها القديمه وانسدح على تلفزونه
ويكركر قدامي وياحياتي واحبس ومن هالكلام الدبع الله يقشط منه جسم الادمي

وانا اصيح عليه يا رجال العلم ويش
انت حجز لنا والا كلمت لنا احد

قال المقرود الحين توني حجزت لك بالنت قلت ما علي المعروف انت
رفيقك لا يصخن وتقعد بها يالاقشر

قال اذكر الله شوي وبيردون لي خبر

اثر المقرود يصرفني عشان يكلم خويته حنان ترك الغفله

ويوم نشبت في حلزه قلت الحين اخلص علي وش صار معك

قال وشفيك ناشب لي يا خوي رح للمستشفى عساهم يرقدونك لين تمرض

قلت افاا
هذي تاليت اللي يشرب التتن << وش دخل التتن ؟؟

المهم قال خلاص يا خوي بوديك لا تزعجني الله يرحم والديك

والمهم خبركم اني عليمي في روحة المستشفيات فرحت يوم قال بوديك

واطمر عليه بحب خشمه ولا عن رجلي وعن الشاشه واخفش لكم الشاشه بعرقوبي << يقصد مؤخرة القدم خخخ

ويلقطني الكرهب ويخمني برجلي وبدر معي ويصمخبنا في الجدار

وانا والمستشفى ولا فتحت الا علي خمس لمبات فوق عوناتي ويكافي ناس سادت افوامها بباغات بيض

اثاريني في العمليات وخرور وخرور ويديني في مخباي احسبهم حراميه بيسرقون الجوال << الرهيب وخايف عليه

يالشرطه يالشرطه يا بدر << ما يعرف من النجوم الاسهيل ما يعرف الا بدر

بدر خليته كنه شرطه خبركم رفيقي واحسه اقوى واحد

المهم قال الدكتور اسكت بئ اسكت يابني خلينا نكشف عليك

قلت تكشف والا ما تكشف وخر يديك عن مخباي يا قليل الادب يالسروق ومن هالكلام

شوي الا اني دويخ من الابره اللي صاحبها شوي صياح اثاريهم بنجوني

ولا قمت الا عقب كم ساعه اثاري الكرهب يوم محطني صمخ راسي في الجدار
ورجلي شقتها قزازة كمبيوتر بدر جعل كمبيوتر الكسر << ما قصرت رجلك خخخ

والله اني قمت واثر الابره موجعني رجلي << لا احد ينقز يقول من وين

آآآآه ياراسي آآه يا رجليني آآه يا عيني ههههه << قلبها غنى خخخخخ

وبدر مدري شصار عليه الاقشر
وحتوته حتوته خلصت الحتوته << يا ويل حالي قلها زين خخخخخ

23-01-2008, 02:12 PM

سط سط
والله ان عدااادك قااالب

ههههههههههههههههههههههههههههه
هههههههههههههههههههههههههه
ههههههههههههههههههههههه
ههههههههههههههههههه
ههههههههههههههه

والله مت ضحك على الساااااالوووفة حقتك

ولاعدمنااااااااااااك يااارب

23-01-2008, 03:19 PM

اقتباس:

واقولها يا قلبووو

تكلفت خخخخخخخخخخ

اقتباس:

لكن حبت الخشم راحت ضحيتها بنت طارت على بدر

ههههههههههههههههه ضيعت عليه البنت خخخخخ

اقتباس:

قال يالخبل تم يعني طلبك بلبيه
قلت احسبك بتعزمني هههههه

ههههههه ما ورى بدر عزيمه خخخخخخخخخخخ

ههههههههههههههه
ههههههههههههههههههههه

وربي مت ضحك

مشكوووووور سط سط

وننتظر حتوتتك الجايه خخخخخخخخخخخخ

تحياتي
al-7lwa

23-01-2008, 03:27 PM

اثاريني في العمليات وخرور وخرور ويديني في مخباي احسبهم حراميه بيسرقون الجوال << الرهيب وخايف عليه

خخخخخخخخخخخخخخ

الله يرجكـ وربي ضحكتني وأنا وراي اختبار

والله الظاهر ان عدادكـ قالب

يعطيكـ العافيــــــــــــة خيوو

23-01-2008, 03:50 PM

ههههههههههههههههههههههه

حلووه وي وي (^_^)

والله تطلع منك قصص صاير حبابه ماشاءالله عليك

يعطيك العافيه وسعت صدورنا

23-01-2008, 04:25 PM

اقتباس:

المشاركة الأصلية كتبت بواسطة فراشـ دار أبومتعب ـة

سط سط
والله ان عدااادك قااالب
ههههههههههههههههههههههههههههه
هههههههههههههههههههههههههه
ههههههههههههههههههههههه
ههههههههههههههههههه
ههههههههههههههه
والله مت ضحك على الساااااالوووفة حقتك
ولاعدمنااااااااااااك يااارب

هلابك فررش

عدادي قالب ؟
الله يقلب كرسيك لينك على راسك ولا يجيك شي خخخخخ << خاف تجيه مشاكل خخ

مثكوره حياك

سط سط

23-01-2008, 04:25 PM

شوي الا اني دويخ من الابره اللي صاحبها شوي صياح اثاريهم بنجوني

ولا قمت الا عقب كم ساعه اثاري الكرهب يوم محطني صمخ راسي في الجدار
ورجلي شقتها قزازة كمبيوتر بدر جعل كمبيوتر الكسر << ما قصرت رجلك خخخ
ههههههههااااااااااااآآآآآآآآآآآآآآآآآآآي

خليتني اضحكـ وانا مافيني حيييييييييييييييل

سط سط

رفهت عن قلبنا شوي

يعطيك العافية

ننتظر الحتووتة الجاية

خخخخخخ

سي يوو

23-01-2008, 04:30 PM

اقتباس:

المشاركة الأصلية كتبت بواسطة الحلوة الزعلانه

التسجيل السريع مُتاح
عزيزي الزائر . وفي حال رغبتم بالإنضمام إلى أسرتنا في منتديات حبي ينبغي عليكم ،التسجيل! اسم المستخدم: كلمة المرور: تأكيد كلمة المرور: البريد الالكتروني: تأكيد البريد: موافق على شروط المنتدى