الله يعطيك العافيه
ياريت تكملي القصه

[size=4][color=#669900][align=center]تابع الجزء الاول ..
> يوم السبت وفي المدرسة .. رواء كانت جالسة مع سلمى ..
رواء : سلمى بقولك سر وما تعلمين احد ؟
سلمى : ايوه طبعا .. لا تخافي ما راح اقوول لأحد ..
رواء : بصراحة جتني اضافه من واحد .. حزري مين ؟
سلمى : وش عرفني .. قولي مين ؟
رواء : طلع لي ... تركي ولد عمة الاء ..
سلمى بذهوووول : نـــــــعم!! من جدك انتي ؟
رواء : والله اتكلم جد .. بس أمانة عليكي ما تعلمي الاء ..
سلمى : طيب ولا يهمك .. بس احذفيه من عندك ..
رواء : ايوه اكييد ..
> دخلت ايام الاختبارات .. والبنات كانوا كلهم ثانوية عامة .. " سلمى والاء و رواء وسارة ومنال وشيرين وضحى و ولاء " وعشان كدا رواء ما دخلت المسن حقها وما حذفت تركي ..
بس في منتصف ايام الاختبارات .. فتحت رواء المسن .. كانت بتتسلى بين المذاكره .. ولقيت تركي اوون لاين .. بس ما كلمته .. واتذكرت انها لازم تحذفه .. وقبل ما تحذفه .. قال : السلام عليكم ..
رواء : وعليكم السلام ..
تركي : رواء ممكن اعرف ليش ما فتحتي المسن حقك من اسبوعين ؟؟
رواء : وش يخصك !! وبعدين انت عارف ان الايام دي ايام اختبارات .. وانا ثانوية عامة .. وانت كمان انتبه لمذاكرتك .. نبغاك تنجح بتفوق << مو جنبها..
تركي : خايفة عليّ ؟
رواء : لا عادي .. بس اذا نجحت بتنجح لنفسك واذا رسبت بتكون خسرت سنة من عمرك ..
تركي : طيب بحاول اصدق انك مو خايفة عليّ .. اقولك .. روحي ذاكري عشان ابغاكِ تجيبي نسبة حلوووة .. ok ؟
رواء : ok مع السلامة
تركي : مع السلامة ..
> في بيت الجدة سناء كانت الاجواء متوترة والاعصاب مشدووودة بين الاء وجدتها سناء .. الاء كانت تحب تاخذ استراحة بين المذاكرات وتفتح النت او تكلم تلفوون .. ودا الشيء اللي يخلي سناء معصبة طووول فترة الاختبارات ..
7
7
7
7
انتهت الاختبارات بسلاااام .. والنتائج يوم الاربعاء ان شاء الله .. الله يستر .. البنات كانوا على اعصابهم بالمرة .. ومو قادرين يحسّون بطعم الاجازة في الفترة اللي قبل النتائج ..
رنا : رواء كم تتوقعي نسبتك ؟
رواء : والله ما ادري .. يااارب تكون فوق الـ 90%
رنا : ان شاء الله .. وترى انا اول وحده بنتشوف نسبتك على الجوال ..
رواء : طيب بس بشرط .. ما تلعبين بأعصابي وقتها .. انا مو ناقصة ..
رنا وهي تضحك : إلا بأستغل الفرصة وألعب بأعصابك لعب مو طبيعي ..
رواء وهي تقلد رنا بس بدلع : إلا بأستغل الفرصة وألعب بأعصابك ..
رنا : ههههههههههه .. الله يعينك على ما بلاك ..
دخلت نادية عليهم ..
نادية : وش فيكم ؟ ضحكوني معاكم ..
رنا : تعالي ساعديني .. ابغى اخلي رواء تستخف قبل النتائج ..
نادية : هههههههههه .. على بالي عندكم سالفه مهمه ..
رواء : وليش ..؟؟ نتيجتي مو مهمة ؟
نادية : الا مهمة طبعا .. بس لسى باقي اسبوووع ان شاء الله .. قومي اشغلي نفسك بأي شيء ولا تفكرين فيها ..
رواء : بحاول .. بروح اجلس على النت شوي ..
> رن جوال الآء .. ليله و انتا معايا.... بعمري كلو و دا كان منايا .... معاك حعيش اجمل حكايه.....و احس يييييك.....هنسا ويا سنيني.....و اخبي قبيك جوا عيني....ياللي ناداك شوقي و حنيني.....و روحي فييييييييك
الاء : الوو ..
سلمى : مساء الخير يا جميل .. كيفك ؟
الاء : الحمدلله .. كيفك انتي ؟
سلمى : اعصابي مرررة متوترة ..
الاء : دا كله عشان النتيجة ؟
سلمى : ايوه طبعا .. فيه غيرها .. اصلاً ماما مسويه لي رعب هنااا .. والاخت طلعت تبغى تدخلني طب ..
الاء : من جدها دي ؟ وانتي تبغين طب ؟
سلمى : لا طبعا ..
الاء : خلاص ما في احد يقدر يغصبك على شيء ما تبغيه .. اذا مالك رغبة لا تدخلي ..
سلمى : خلي النتيجة تطلع وبعدها يصير خير ..
الاء : على قولتك ..
سلمى : اقول الآء .. وش رايك نتجمع كلنا البنات في بيت وحده منهم يوم النتائج .. يوم الاربعاء ..
الاء : يالله .. فكره حلوة .. وكلنا نطلع النتائج في وقت واحد ..
سلمى : ايوه .. ها .. اكلم البنات ؟
الاء : ايوه طبعا كلميهم وشوفي مين يتكفل فينا .. نروح بيت مين ؟
سلمى : طيب بكلمهم واشوف .. وشكله اخر شيء في بيتكم .. خخخخ .. وراح تشوفين ..
الاء : لا لا لا .. انسوا الموضوع ..انا ما استقبل وانتي عارفه السبب ..
سلمى : جدتك ؟؟؟؟؟
الاء : ايوه ما راح تخلينا بسلااااام ..
سلمى : اوكي .. مع السلامة ..
الاء: مع السلامة ..
> زواج راكان بعد اسبوعين .. وتقريبا كل شيء كان جاهز ..
> اليوم الاربعاء .. النتائج في الليل بعد الساعه 12 .. البنات اتفقوا انهم يتجمعون في بيت سناء .. خخخخ سلمى سوت اللي براسها .. عنيدة وراسها يابس ..
تركي كان عارف ان رواء جايه مع البنات .. وعشان كدا هوه اتكفل بكل الطلبات والاغراض .. وحتى ترتيب البيت .. ( سبحان مغير الاحوال ) ..
>خالد : يلا يا رواء اتأخرتي على الناس ..
رواء : يلا يا ابوي خلاص خلصت ..
خالد : انتظرك بالسيارة .
رواء : طيب ..(( وفي نفسها تقول الله يستر من النتيجة)) ..
> في بيت الجدة سناء .. الاء كانت لابسه تنورة جينز قصيرة .. ومعاها بدي احمر .. وجاكيت اسود للصدر .. وسلمى كانت لابسه بنطلون برمودا لونه سكري وتي شيرت لونه اورنج وسكري .. ومعاها حزام ذهبي على الخصر .. وشنطة ذهبية وصندل بدون كعب ذهبي .. ( على فكرة سلمى كانت مرررة طويلة ) .. رواء كانت لابسه بنطلون جينز
طويل وتي شيرت رمادي وعليها جاكيت اخضر بلون ورق الشجر .. وكانت لابسه صندل كعبه طويل لونه فضي لانها عكس سلمى .. جداً قصيرة .. وكانت فاتحه شعرها وبدون استشوار لان شعرها ناعم وطويل لنص ظهرها ولونه اسوووود ..
طبعا كان فيه بنات من الشله غير رواء وسلمى ..
قربت الساعه على 11:30 مساءاً .. والبنات صاروا يهستروا مع الخوف .. والقلق والرعب .. وصارت اصوات ضحــــكهم واصلة للشارع ..
> في بيت خالد ..
نادية بخوف : الله يســـتر ..
رنا : لا تخافين .. ترى بنتك دافوره ..
نادية : قولي ما شاء الله .. بسم الله على بنتي ..
رنا : ما شاء الله .. ما شاء الله ..
نادية : ( ومن شــر حاسد اذا حســد )
رنا : خلاص قلنا ما شاء الله ..
> رواء : الاء ابغى اروح الحمام الله يكرمك ..
الاء : يوووه .. دي سادس مرة تروحين فيها الحمام ..
رواء : الخوف عامل عمايله معايا .. يلا كويس باقي ربع ساعه .. واحتمال ادخل الحمام 8 مرات كمان في الربع ساعه الجايه ..
الاء : يا سااااتر .. يلا امشي معايا ..
وراحت للحمام وانتوا بكرامه .. وتركتها الاء ودخلت عند البنات ونسيت رواء ..
رواء طفشت وهي تنتظر الاء عشان تجي تاخذها .. تخاف يكون فيه احد في الطريق .. وبعدين قررت انها تطلع واللي يصير يصير ..
اول ما طلعت صدمت في احد .. وطاحت شنطتها .. ونزلت تآخذها وباقي ما طالعت في الشخص اللي قدامها .. رفعت الشنطة وحطت عينها بعينه .. عرفت انه تركي من وصف الاء له دائما .. انه طوويل شوي واسمراني .. وعيونه واسعه .. وانفه مدبدب وجسمه نحيف .. جت لــ رواء حالة تناحه عجيبة غريبة .. ما هربت او غطت وجهها ولا رجعت ودخلت الحمام .. لا .. مشيت عاااااااادي من جنبه .. وكملت طريقها للمجلس .. وهو ما رمش رمشه وحده وجلس سااااكن في مكانـــه ..
دقت الساااعه 12 .. وبدأوا البنات يرسلوا اساميهم وسجلاتهم المدنية .. والقلوووب تنبض بشكل رهيب .. والبنات ماسكين ايدي بعض ..
طلعت اول نتيجة .. سلمى .. وكانت نسبتها 92 % .. الكل صيّح وحضنوا بعض .. والفرحة مرررة واضحة على وجه سلمى .. اتصلت على اهلها وخبرتهم بالنتيجة ..
طلعت النتيجة الثانية وكانت لـ الاء .. نسبتها 89 % .. طبعا فرحوا كثيييير وصفقوا وصفروا وزغرطوا .. وطلعوا كل اللي بخاطرهم ..
وطلعت النتيجة الثالثة وكانت نتيجة رواء .. وقبل ما تنطق الاء بالنتيجة .. فتح تركي باب الغرفة واتكلم من ورى الباب وقال : مبرروووووك رواء .. نسبتك 85 % .. الكل فرح وصفق وانبسطت رواء ونسيت ان تركي اللي قال نسبتها .. مو الاء .. بس اتذكرت بعد ما كلمت اهلها وطمنتهم واستغربت من التصرف دا .. بس ما اهتمت بالموضــوع مرره ..
سهروا البنات عند الاء .. وجلسوا للساعه 3 الفجر ..
> يوم الجمعــه .. فتحت رواء المسن ولقت رسالة من تركي ..
يقول فيها : صباح الورد .. كيف الحال ؟! مبرووك النجاح .. عقبال التخرج من الجامعه بمرتبة الشرف .. بصراحة انا كنت بتأكد من شيء .. هي انتي اللي ما كنتي تشوفي وضربتي فيا بعد ما خرجتي من الحمام وانتي بكرامــة ..؟؟؟؟؟؟!!! ودي أعرف الجواب ضرووووووري .. انتظر ردك بااااي ..
ارسلت له رواء رسالة مكتوب فيها : هلا .. تماااام .. الله يبارك فيك .. تســـــــلم على المباركة .. ايوه انا اللي ضربت فيك وعرفت وقتها انك انت تركي .. العفوو والسموحة .. بااي ..
> يوم الإثنيــــــن وقبل زواج راكان بـ 3 أيام .. أهل رواء راحوا لبيت راكان الجديد عشان ينقلوا ملابس العروس وأغراضها .. رواء ما كان لها نفس تروح .. كانت بتعمل ماسكات لوجهها من بعد سهر وتعب الاختبارات .. وفتحت المسن ولقيت فيه رسالتين .. من تركي .. "" وش يبغى هذا ؟؟ ""
الاولى : السلام عليكم .. رواء .. مشكورة للرد على رسالتي .. بصراحة انا سألتك السؤال لاني اعجبت فيكِ .. وبصراحة اكثر انا عارف اني مجنون .. بس والله حاس ان الحب دق بابي .. انتظر ردك ..
الثانية : مساءك عسل .. كيفك؟؟ اكيد ما دخلتي المسن الايام اللي فاتت وعشان كدا ما رديتي على رسالتي الاولى .. انا انتظر رسالتك بفارغ الصبر .. وعلى احرّ من الجمر .. تشااوو ..
رواء ما عرفت اش تقول له وكيف ترد على طلبه .. طنشت الموضوع الى بعد زواج اخوها راكان ..
> تركي : الاء ممكن اكلمك في موضوع ؟
الاء : نعم وش عندك ؟؟
تركي : كيف حال صاحبتك رواء ؟
الاء : نعــــــم .؟؟ وليش تسأل عنها .. مالك شغل بالبنت دي .. البنت محترمه وما عندها لعب الاطفال اللي عندك ..
تركي : والله عارف .. لا تخافين ما راح اعمل لها شيء .. بس كيف حالها ؟
الاء بإستغراب : الحمدلله كويسه .. بس برضو ليش تسأل ؟؟
تركي : بصراحة انا ....... انا .. انا احبها ..
الاء والدهشه واضحة على ملامح وجهها : أيـــــــــــــــــــش .؟؟؟؟!!!!
تركي : ادري انها مو حقت دي السوالف بس الله يخليكي ساعديني عشان اوصّل لها دي المعلومة .. بلييييز ..
الاء : ابليس يشيلك .. ايش تبغاني اسوي لكـ ؟؟ اقولك البنت محترمة .. ابعد عنها .. شوفلك بنت ثانية ..
تركي : ما منك فايدة .. تلايطي ..
الاء : احســـــن ..
 الخميس ..نادية ورنا ورواء وريما راحوا على الكوافير من الساعه 2 الظهر عشان يخلصوا بدري .. طبعا رواء عزمت صحباتها الاء وسلمى وسارة على الفرح .. رنا عملت ميك اب عشبي وموف على لون فستانها .. ورواء عملت ميك اب وردي وفضي .. مررة ناعم .. وكانت تسريحة شعرها نعوومة وما رفعتها على فوق ..
خلصوا من الكوافير الساعه 7 المغرب .. وطلعوا على القاعه .. بدأ الحفل الساعه 11 المساء .. كانت القاعه مزحومة بالناس .. حضروا صحبات رواء الساعه 12:30 ..ورجعوا البيت الساعه 6 الصباح .. وكانوا هلكانين وحالتهم حاله .. والتعب واضح على وجههم ..
راكان راح مع عروسته على فندق الهيلتون بجدة طبعا .. وقضى هناك اسبوع فيه .. وبعدها رجعوا بيتهم لمدة 3 ايام .. وبعدها سافروا على مانيلا (( عاصمــة الفلبين )) لمدة اسبوعيــن ..
> مراد كان مسافر المغرب .. ورجع معاه زوجته الجــــــــــــديدة واسمها ( ايمـــان ) اللي كانت متزوجته بس عشان فلوسه ..

> دق الباب في بيت سناء ..
الاء : ميـــــــــــــن ؟؟
مي : انا مي ومعاي مرام ..
الاء : يا هلا يا هلا .. ( فتحت الباب ودخلتهم ) ..
مي : احنا بنروح السوق .. تجين معانا ؟؟
الاء : ايوه ايوه ياليت .. مرة طفشانه .. استني بأستأذن من جدتي ..
الاء راحت لجدتها بس للاسف سناء ما وافقت وانهت النقاش .. عشان الاء ما تفكر تجيب واسطــة من عمتها جنان او ندى .. زعلت الاء كثيــــــــر من جدتها ,, راحوا البنات على السوق وتركوها بين 4 جدران مع جدتها الكئيبــه ..
> رنا كان شكلها مررة حلو يوم زواج راكان .. ودا الشيء اللي دفع خالتها ام شهد انها تفكر تخطبها لولدها فيصل .. بس انتظرت بنتها شهد ترجع من شهر العسل .. عشان تآخذ رايها بالموضوع ..
> ارسلت رواء رسالة لتركي فيها : اخوي تركي .. ما ادري ايش اقول لك .. بس انت اصغر مني .. وبصراحه اللي اسمعه عنك وعن خرابيطك ما يخلي اي وحده تفكر فيك .. انا آسفــه .. دور لك على وحده غيري ..
> مراد اتصل على تركي .. خبره انه وصل جدة وانه يبغى يشوفه .. ويسلم عليه .. تركي ما كان وده يروح بس اجبره ابوه واضطر انه يروح عنده ساعه وحده بس .. وبعدها طلع مع اصحابه كالعاده ..
تركي : اقولك احبها انت ما تفهم ؟
ريان ( صاحب تركي الروح بالروح ) : كيف تحبها وانت ما شفتها الا مرة وحده وما كلمتها الا مرتين ؟؟
تركي : ما ادري بس والله احبها .. احس اني اعرفها من زمان ..
ريان : بنت خالك قالت لك انها ما تنفع لك .. خلاص اتركها في حالها ..
تركي : راح اتغير عشانها وانفذ اللي تطلبه مني ..
ريان : انت حر سوي اللي يريحك ..
> راكان وشهد رجعوا من شهر العسل .. وراحوا على بيت خالد ابو راكان..
راكان وشهد مع بعض : السلام عليكم ..
خالد ونادية ورنا : وعليكم السلام .. يا هلاااا وغلاااا .. ( سلمّ راكان على راس ابوه .. وامه .. وشهد سوّت مثله ) ..
جت رواء تجري من غرفتها : يا هلاااا يا هلااااا .. ( حضنت اخوها وسلمت على شهد وراحت تسوي القهوة ولزوم الضيافه ) ..
رنا : هاا .. بشرونا كيف الرحله ؟
ركان : مرررره حلوة .. واللي زادها حلى .. شهد ..
شهد مرررة استحت وكان ودها تعطيه كف على كلامه اللي يخجّــل ..
راكان : يعني اني تستحــــــــي ..
والكل ضحـــــكـ عليهم ..

يعطيك العافيــــــــه