اشكي لمين لما باحس
بأن قلبي بيتخنق
والقي السما طارده النجوم
والدنيا فيا بتنشنق
وامشي اشوف فوق الوشوش
الدمعه حايره بين رموش
وف وسط نارها بتنحرق
الفجر تاه بين الضباب
ماقدرش يفتح حتي باب
وشمسه منه بتنسرق
ليه ياطيور رافضه الغنا
وانتي اللي كان صوتك هنا
كنت زمان بتزغرتي
وبتفرحي مع فرحتي
دلوقتي لية توب الحداد
لبساه بقالك كام سنه
راقدة علي كتاف الزمن
ضامه جنحاتك م التعب
الحزن ساكن دربنا
يطلع اّهات من صدرنا
لما يشوف دم الشهيد
سابح بيروي ارضنا
عنقود الم.......فينا استوى
ليه النواح والليل طويل
ياتنوروه
ياتفضوامنه المحتوى
رشوا الكلام..
ماتزيفوش طعم الحقيقة
وكفايه ليلنا اللي انجرح وبكام طريقة
علي صدر مين ارتاح انا
كل الغيوم ساكنه السما
والفرح مجهول المكان
والاهه ينزفها اللسان
يافجر مشنوق الكلام
ياطفل مات فيه لابتسام
لو كان طريقك لانتظار
الشمس نايمه ف برجها
فين النهار.........
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
العرض العادي
