جبرك الوقت ترجعلي جبـرك وجيتنـي ندمـان
دمرّك الشوق ياخايـن وجيـت تسابـق ظلالـك
عرفت الحب بغيابي؟ عرفت أنك معـي غلطـان؟
تأكـد مايشرفنـي طريـق ٍ دربــه وصـالـك
تبي أخضع لأجل عينك وأنا مخضع ومهما كـان
أقـص الـراس قدامـك ولاأخضـع لأمثـالـك
لعبت بحسبة جروحي وكتبت أمن الحزن عنـوان
(نسيت اللي يحبك موت وصار الغيـر يحلالـك)
إذا غيري تبي قربه وصرت فـبحـره الغرقـان
نصيحه لايمـوت الحـب ومـن قلبـي هنيالـك
نسيت أنك تبيع الحب وتجـزا الطيـب بالنكـران
لعلمـك بانـت الصـوره وبانـت نيـة أفعالـك
(تشب النار) في قلبي وتنسى أني معـك أنسـان
تخالط بالشقى (هيلك) وصـب الهـم (فنجالـك)
بعد ماأنقلبت الدنيا تجينـي محتـرق!! ولهـان!!
تقول أرجوك سامحنـي وقلبـي بداخلـه شالـك
تبي قربي؟ أنا حاضر.. ولكن !! بطلبك من شان؟؟
تشوف شلون لي عـزه تـرد الجـرح لأشكالـك
أبي تبكي على شاني .. أبي تصرخ من الحرمان
لوأنـي بآآآخـر الدنيـا.. أبيـك تجـر موالـك
أبيك تصير مجنوني ومن شافـك يجـي شفقـان
يقول شلون؟ علمنـي؟ وشلـي غيّـر أحوالـك؟؟
ترى (هتلر) بعد مجـده تخلـوا عنّـه (الألمـان)
وأنا من بعد حبـي لـك تركتـك تقعـد لحالـك
تدل الدرب من دونـي وقدمـك سكـة الأحـزان
توكـل لاتنادينـي ويعيـن الله عـلـى حـالـك
وأنا يكفينـي ذليتـك وحديتـك علـى الهجـران
تقول الموت من بعـدك وأقـول هنـاك أشوالـك
غسلت إيديني من حبك وأبرحل وأهجرك يافـلان
فمـان الله وباقيلـك نصيحـه وخلهـا فـبـالـك
ترى من يضحك (الأول) مصيره باللعب خسـران
وأنا من يضحك (الثاني) عشـان أحطـم آمالـك
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
العرض العادي
