بسمـ الله الرحمن الرحيمـ
السلامـ عليكمـ ورحمة الله وبركاته





البارحه برد.. وشتاها بيـيّ احـوف..؟
والبرد موحش .. والمسـا مقتفينـي..؟


والليل وجه(ن) ماعرف رهبة الخوف
والخوف صوت(ن) .. همهماته ونيني


قلت اقفل الشباك ..واشعل لي حروف
وادفى على (سينين) وينك؟ ووينـي؟


جيتك يديني .. وصل والموعد كفـوف
ورحت بغيابك .. بس بقيـت يدينـي


لاتشكي ظروفك ..وانا كلي ظـروف
كم هانت ظروفي .. ولاهنـت فينـي


خذني شتات اسنين .. كلّت به أكتوف...؟
وعطني بقايا قلب.. واعطيـك عينـي


لاتجيني بلبيه ..وتـروح بحسـوف
ما تشتهيني.. قـول: ماتشتهينـي..؟


وش فايدة الاحلام .. لاصارت طيوف
وش فايده قلب(ن) .. عجز يحتوينـي


ماتدري أن الآآآه .. فلت بي الاووف...؟
وما تـدري انـك للضيـاع تحدينـي


ياسيد احساسي ...ابي منك معـروف..
وشلون بدفـى لا تجمـد حنينـي..


تعال خل الوضع .. مكشوف مكشوف
واقرا حكااية .. ضجت بـأ آآهتينـي


( لو ارسم البسمه... على وجهه مكفوف
ما اقدر الون لـه بيـاض السنينـي )


يعني :المشاعر جرح... وقلوبنا احتوف
والحب سيف(ن) .. طعنته من يدينـي


و الموت:ما هو طعنة... ارماح وسيوف
الموت: لو تقـول مـا انـت بتبينـي


اقول: (شفني بعدك احزانـي اصفـوف
يمـا تعـال / او قـول: لاترتجينـي )


وبرتب جروحي على غيابـك رفـوف
وناظر مكانك وين .. والحيـن وينـي


وبـــ..أفتح الشباك.. وانثر لـي حـروف
واسمع بقايا حب .. بينك .. و بينـي


المشكله :ماهـي حنايـاي والجـوف...؟
ولاهي بحزني .. وابتسامـة جبينـي..؟


المشكله من وين ما الـد بالشـوف
القـاك فـي كـل الأماكـن تجينـي..)




للشاعر محمد بن ساقان ....

دمــتــمـ كما تحــبــونـ

الموت:ما هو طعنة... ارماح وسيوف
الموت: لو تقـول مـا انـت بتبينـي

صح السان الشاعر

وسلمت يد ناقلها

ابيات في قمة الجمال

يعطيك العافية

أختك \ شموخ عزي

جيتك يديني .. وصل والموعد كفـوف
ورحت بغيابك .. بس بقيـت يدينـي


لاتشكي ظروفك ..وانا كلي ظـروف
كم هانت ظروفي .. ولاهنـت فينـي

.
.
.
.
.
.
صح لسانه..
وتسلم أناملك..
قمه في الإبداااااع..






تحياتي لك..

جيتك يديني .. وصل والموعد كفـوف
ورحت بغيابك .. بس بقيـت يدينـي

قصيدهـ في غاية الجمال والروعهـ
ومحمد بن ساقان شاعر مميز ورائع وغني عن التعريف
صح الله لسانهـ والله لايهينك ياماجد

نقلك رائع وذوقك راقي

لك التحيهـ