السلام عليكم
أزعجونا بالانجليزي بكل مكان
وهي سهلة بس المشكلة في المعلم,
فقعوا روسنا بالقواعد والفاعل والمنصوب والناصب والحرامي ..
لكن أنا جيتكم, وبعلمكم بدون وجع راس .. يا الله نبدأ :
<<< تصلح مدرسه
أفرض واحد ضربك على أصبعك بقوة وش بتقول ؟ آي آي آي .. لا تسوي نفسك ذكي وتقول أح .. لأن الضربه قوية لازم آي آي آي ..
i = أنا
وإذا شفطك الكهرب وش تقول (( أوك ))
اوك = ok = أكيد الكل يعرفها ..ههههههههههههههههه
هل تحب جبنة بوك ؟ = book = كتاب
هل تحب الكت كات ؟ = cat = قط >>> جعله يمخشكم
هل تحب الشاي ؟ = لاحظ شاي = shy = خجول <<<<<<
يعني تقدر تقول : i'm shy = أنا خجول
وأنت واقف تطالع المرايا .. فار مر تحت رجولك ماذا يحدث ؟ .. بتصير مشاكل كبيرة .. ليش كذا ؟
الجواب : فار مر
فار مر .. معناها مزارع ..خخخخخخ ; farmer = مزارع
من ما يعرف الرئيس الإرهابي ( بوش ) ?
= push = يدفع, وتلاحظوها على الأبواب
وكلمة دور يعني البيوت القديمه
وحطها مع بعض تطلع = أدفع الباب = push the door = بوش ذا دور
كلمة ثانية :
واحد يقولك : كل تفاح تصير قوي, كل برتقال, كل موز ..
لاحظ ( كل ) تعني = يقتل أو أقتل = kill
مثال : أقتلني = kill me = كل مي, أو أقتله = kill him = كل هيم
كلمة ثانية :
واحد يطق الباب وش تقوله : أكيد تقول ( مين ) مين .. مين .. مين ..
مين = معنى أو قصد = mean= كأنك تسأل وش معنى كلامك أو وش قصدك
مثال: تسأل واحد وش قصدك ؟ what do you mean = وات دو يو مين
كلمة ثانية :
على فكره كلمة com الي تشفوها في الرابط = شركة = company = وهي اختصار
تسمعون الصغير يقول إلى أمه : يمه قوه للبيت = هيا يا أمي لنذهب للمنزل .. خخخخخخخ
المهم واضح معناها لكم :
go = ذهب = كوه = قوه
يا الله نروح = let's go = ليتس قوه
كف = فيه أحد ما جاه كف على وجه ؟
أنا بصراحة تصفقت لين دخت "أقصد صدمات من الناس"
كف = كحه = cough تقدر تقول = I have cough = أنا عندي كحة أو سعال
= آي هاف كف
مذر كير = من فيه من البنات ما يعرف مذر كير ؟
= طبعاً نوضحها للشباب = هذي ماركة تهتم بملابس الأطفال
أو اسم محلات تهتم بملابس الأطفال تشفونها دائماً بالأسواق ( دعاية مجانية ) يا الله بسيطة,
المهم مذر كير= عبارة عن كلمتين دائماً النساء ينطقوها وما يدرون
إنهم يتحدثون الأنجليزيه بطلاقة,
نقسم الكلمتين :
مذر = أم + ماما + أمي + يمه = mother اللي تبون سموها,
مثال / هذه أمي = This is my mother = ذيس إز ماي مذر
كير= عناية أو إهتمام أو يهتم أو يحرص = care
مثال/ أنا أهتم بنفسي = i care about myself = آي كير أباوت ماي سلف
باوار هورس = power horse = مشروب الطاقه المعروف,
موجود في السوبر ماركت = لو تلاحظون عليه رسمة حصان
هورس = حصان = horse, باوار= قوه = power
ركزوا معي في تركيب الجمله = أنا عندي حصان = i have horse
لاحظوا = i have , متكررة, i have = أنا عندي
يعني حطها في بداية الجمله وحط أي شي عندك
مثال / سيارة + كتاب + أي شي
= i have a car = أنا عندي سيارة
الرئيس الأمريكي السابق ( بيل كلينتون )
بيل + bill = فاتورة = يعني وأنت في المطعم تبي الفاتورة تقول = عطني الفاتورة
= give me the bill = قيف مي ذا بيل
أو تقول = بيل بليز = فاتورة لو سمحت = bill please >> أهم شيء تدبر عمرك
بلوتوث = واواواواو ..
bluetooth = معروفه مايبي لها طقة عصاة ,
بس كثيرين ما يعرفوا وش معنها ؟
بلوتوث = الناب الأزرق = bluetooth = أو لو حبيتوا نقول الضرس الأزرق .. ماشي
بلو= blue = أزرق
توث= tooth = الناب أو الضرس
هذا الحرف وشلون تنطقونه ( T ) = تي صح = تي = شاي = tea
سيف = السيف معروف ..
سيف= save = يحفظ أو يحمي أو ينقذ = يعني تقدر تقول : أحمني أو أنقذني = save me أو احفظها = save it
أو أحفظ الصورة = save the picture = سيف ذا بيكتشر
فار = مخلوق نذل يصعب مسكه إلا اذا جبت له قطو,
لأن القطو رجال وما يخاف
فار= far = بعيد = تقدر تقول = أنت بعيد مرة = you are so far = يو آر سو فار ,
so = جداً , مثل very
يعني تقدر تقول = you are very far = يو آر فيري فار = على كيفكم
ني = اللحم ني أو الدجاج مو مستوي ني
ني = knee = ركبة
بس ما عليكم من حرف الكاف في بداية الكلمه ما ينطق = knee
كان = ( كان) يا ما ( كان) في قديم الزمان تركي وأم كشه ,
بس ( كان ) فيه أم القنازع وخربت عليهم
كان = Can = يستطيع أو يقدر = أنا أستطيع = I Can
ممكن يكون معناها اسم بمعنى = علبة أو صفيحة = يعني علبة البيبسي تسمى كان لأن فيه فرق بين العلبة والقزازة ....خخخخخخخخخخ
.
.
نقلته للأفادة ان شاء الله يعجبكم..
وتقبلوواا شكري لكم وتقديري
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
الآن تعلم اللغة الانجليزية باللهجة القسيمية ..الرجلء من الكل الدخول 
