على زل ٍ من الماضي عليه من السنيـن الفانيـات الباليـه بصمـات=جلست اسأل من اعجابي عن اللي فات وارسم صورته بالعين واسلابه
سألته وش بقى يا زل من عمرك أشوفك بالسنين المدبـرات اشتـات=أشوفك بالزمن عابر سبيل ٍ طال دربـه والقـدم زلـت مـن اعتابـه
تنهد واشتكى لي قال يالصاحب لك الله لي على مـر الزمـان إثبـات=ينابيـعٍ مـن الأول علـى التالـي مـع الأيـام للأجيـال منسـابـه
أنا رمز ٍ عليه من العلوم الطيبـات الوافيـه طـول الزمـن زافـات=مثل زل الربيع ليا اختلط صبح المطر لون الزهر والـورد باعشابـه
أنا روعه من الماضي على شفاه السنين ارسم لها الأفراح والبسمـات=أنا اليشموم والكادي أنـا العنبـر أنـا الأمجـاد والتاريـخ واطيابـه
زخاريفه تجر القلب جر السيل للأغصان من وسـط الحشـا بسكـات=ثمين اثمن من الشيراز والتركي وزل الصين لـو جابـوه وش جابـه
تجمّل بالنقوش اللي تجمّلنا لها بكف الزمـن طـول البقـى ومضـات=لها عند العرب لوهي مضت واقفـت لهـا مقـدار ٍ وقيمـه وطلابـه
وبه سيوف السنين الماضيه والمقبله وامجاد وقـت ٍ بالمعالـي فـات=تجمل وقتنا الماضي وحاضرنا كمـا النخلـه علـى السيفيـن جذابـه
عن حدود الوطن واهل الوطن فيها نرد المعتديـن ونرفـع الهامـات=فداه الـروح لـه نحيـا ونمـوت ولا نخانـا ننتخـي ونقبـل ترابـه
تحت راية زعيم العُرب عبدالله سديد الـراي تتبـع رايـه السـادات=إلى منّه دعانا نستجيـب مـن المـلا كـل الـولا كسبـه ويحضابـه
مراهيف ٍ ليا سِلّت لها تخضع ولو طالت كبار القـوم فـي لحظـات=لها في معركة خيبـر وبـدر ومعركـة حطيـن واجناديـن سلابـه
تسمى باسمها سيف الله المسلول خالـد وادرك الغايـات والطـولات=لك الله يابطـل كـل الأعـادي بالمعـارك منـك مخذولـه ومرتابـه
وبه عُكْف الشَلافي للمهازيم المقافـي توثـق الطعنـات والضربـات=تذل الطامع الطاغـي بهـا يدحـر عـدو الديـن والإيمـان واسبابـه
والأرماح الطواعن بالمعارك والملاقـى تقضـي الآمـال والهقـوات=من رجال ٍ تطول الطايلات ولاتهاب ومـن حيـاض المـوت شرابـه
مواقفهم لنـا فيهـا مـع ايـام ٍ مضـت والمقبلـه وايامنـا وقفـات=شمـوس ٍ نـور ذكراهـا يشرفنـا ويسعدنـا ونفخـر بـه ونحيابـه
وبه صفر الدلال تجمّل الزل الثمين رموز لأهـل الطيـب والعـادات=رموز ٍ للضيافه والكرم عند العـرب فـي صفحـة التاريـخ وكتابـه
وبه بيض الصياني للمكارم جمّلت زل الفخـر أثمـن مـن الدانـات=والأحجار الكريمه جمّلت لونـه وزاد الـوان فـوق الـوان خلابـه
وبه الجُب العميق اسمع صدى صوتٍ يدوي به ومرات اسمعه صيحات=زَلال الماء وطياته من الأعمـاق ينـدب وافـي الأزمـان واصحابـه
ومجرّات السواني صورت ٍ بالزل زادت عندها واكتظّـت العبـرات=تذكِرنـا وتربطنـا بماضينـا المجيـد نعيـش لحظـة شـوق بغيابـه
وبه بيت الشعر لوحه من الماضي لها بقلوبنا لوهـي مضـت هيبـات=وقف صامد شموخه يرفعه طـول الدهـر وتشـده الأوتـاد واطنابـه
وجدران ٍ من الطيـن الحمـر تحكـي لـي الآلام الآمـال والآهـات=تقول الوقـت غيرنـي ولـه سطـوه تجـر الآه والونـات منصابـه
ملامح طفل في حضن الألم والهم والأحزان والحسـرات والويـلات=على مهـده فقـد روح ٍ تحبـه مـن بَعَدهـا عـاف نومـه ماتهنابـه
ثمين ٍ زل ماضينـا يمتعنـا ونسلابـه علـى المطلـوب والمشهـات=جمـال الغيـد يعطيـه الوقـار ويلبسـه تـاج المعـزّه ويتحـلابـه
ألا ياصاحبي ياللي تقول انه زمان ٍ فات واقفـى آقـول لـك هيهـات=على سجع الحمام الراعبي اسلـى ويطربنـي ولـو فاتتنـي اسرابـه
للشاعر/ مبارك خليف البلوي
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
العرض العادي
