الله يجيبه
الله يجيب اللي بعيد عن العين
واشغل معه فكري بكثر الطواري
في غيبته أوجس على الكبد مرين
مر الغياب ومر طول انتظاري
وان كان طالت غيبته بالله تعين
على وقيد الشوق وليل الغداري
أخاف يفضحني مع الناس الادنين
دمع العيون اللي على الخد جاري
بيح كنين بالحشى له زمانين
مستوطن تذري عليه الذواري
اليوم بين في عيون الفطنين
وبكره جميع الخلق بالحال داري
وكله سبايب غيبتك يارمش العين
اللي لها وسط المحاني مواري
أنا اشهد أن المحبه معنين
مكتوب ماهو فاليدين اختياري
ولولا المخافة لأقسم الصدر نصفين
وأحذف قلبي للسباع الضواري
وارتاح من كثرالعنى والمحبين
وعن المحبه أتوب وأعلن قراري
مافيه قلب ومعتزل يالمزايين
في سوقكم ماعدت بايع وشاري
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
& الله يجيبه & 
العرض العادي
