بين عز النفس و حمـول النوايـب
و التقـيّـد بالتقالـيـد العريـقـه
وخوف لا تزعل علي بعض القرايب
صرت تارك كل شيٍ فـي طريقـه
مرغمٍ نفسي على حمـل الصعايـب
متسم بالصبر و جروحـي عميقـه
كم دفعت لرفعت السمعه ضرايـب
لجـل تـاج العـز مايفقـد بريقـه
و الا انا لو كنت ابي عوج الطلايب
ممكن اقلب خارطة مصر الشقيقـه
بس دام الكـور بظهـور النجايـب
الزمن يبعـد رفيـقٍ عـن رفيقـه
كل حاضر له نهار يصيـر غايـب
و لا يصح من العلـوم الا الحقيقـه
قد يُصنّف ثامـن السبـع العجايـب
الصديق اللي حفـظ قيمـة صديقـه
فيارفيقـي خلنـا نبقـى حبـايـب
لا تقـدم لـي و اقـدم لـك وثيقـه
لو تحرّك من ورى ظهري سبايـب
حافظٍ لك علـم و الله مـا تطيقـه
مهنة التصوير ل.. أسرار الحقايـب
تعتمـد علـى الاساليـب الدقيقـه
و الجهل قتـال و الدنيـا مصايـب
عن شرار العود لا تنجـم حريقـه
المعاني ما تطوفك و انـت شايـب
و البحر تعرف محيطه من مضيقـه
بس طعنـي لا تعـرّض للهبايـب
و انت حالك شين و ثيابـك رقيقـه
وكان ما تقدر على حمـل النوايـب
اترك المخلوق كـلاً فـي طريقـه
وسلامتكم 0000
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
ثامن السبع العجايب 
.jpg)
