بسم الله الرحمن الرحيم

صراحة سائني وضايقني كثيراً ردود بعض البنات على رأسهم تشيز كيك وأبجورة في الموضوع الذي طرحه الأخ/وليد الإسكان في منتدى المواضع الجادة تحت عنوان: ((سؤال للبنات ويمكن لشباب انهم يشاركون بس بجد وصراحه)) تحت هذا الرابط:

سؤال للبنات ويمكن لشباب انهم يشاركون بس بجد وصراحه

طبعا أنا في ردي هذا ما أطمح إني أبرأ الشباب السعودي أو إني أدين الشباب غير السعودي ولكن رأيت التحامل الكبير من قبل بعض البنات على الشباب السعودي وكان لازم إني أنزل هذا الموضوع إحقاقاً للحق...

حنا والحمد لله الله معطينا من خيره... وتجارة الوالد كلها في الملابس النسائية بشتى أنواعها... وكنا حاطين في المحلات يا يماني أو سوري أو لبناني أو مصري... وطبعا الوالد من طبعه إنه يحافظ على العميل وفي نفس الوقت ما يتسرع ويحكم ظلم... الوالد طبعا حاط رقم خاص للشكاوي ومعممه في جميع المحلات... يعني أي مشكلة تواجه العميل على طول يتصل والوالد بطريقته يتأكد ويحاسب المسؤول...

المهم إنه ما بقى واحد من العمال الأجانب إلا صارت منه بلية... وبعد تردد قرر الوالد يجرب الشباب السعودي ومن وقتها ما جاتنا أي شكوى فيها تحرش... جميع الشكاوي تكون في أمور تافهة والحمد لله... والآن ولله الحمد العمل ماشي زي الحلاوة ولمدة حوالي ثمانية أشهر من غير أي شكوى تذكر... مع إنه في الفترة اللي قبلها ما يمر شهر إلا ونغير أحد العمال...

وأنا بأطرح عليكم بعض الشكاوي اللي جاتنا من البنات خصوصا:

1. واحدة متصلة تقول إنها راحت تشتري تنورة وقاعدة تدول المقاس ورب الكعبة تقول إن اللبناني أخذ واحدة من التنورات ويقيسها على جسمها ... يعني يحط يدينه على خصرها ويمسك التنور يشوف المقاس..

2. واحدة داقة تقول إنها راحت تشتري ملابس داخلية (كلوت وستيان) تقول وهي قاعدة تشوف المقاسات جاها العامل وقال (يامدام هدا ما بيلبأ لك لأن عندك لحم كتير في بعض المناطئ) يعني : هذا ما يلبق لك عشان عندك لحم زايد في بعض المناطق...

3. واحدة مشتكية على أحد العمال إنه مسوي لها حركة من ورا على إنها عفوية...

4. واحدة مشتكية على أحد العمال من أحد الجنسيات العربية إنه فاتح أزرة الصدر وكل وقته يلعب بشعر صدره وهو يتكلم معها...

وكثييييييييير يجينا وإذا بغيتوا اكثر ما عندي مانع...

أنا ما أبرأ الشباب السعودي بس والله ما يوصلون لهالوقاحة...

وأكثر الشكاوي اللي تجينا إن عندهم شدة شوي في التعامل... سبحان الله يعني لازم واحد يتميع لهم عشان يعجبهم؟؟؟

غير كذا تلقى بعض البنات تجي بعباية مخصرة أو مكياج ينشاف من أخر السوق من كثر ما حطت من المبيض مع الكحل مع العطر مع البرقع اللي انا متأكد لو إنها تشيله كان تشوف بلاوي... وتقول ليش يقولون لي كذا؟؟؟ ليش يتحرشون فيني؟؟؟

والله حالة

آسف على الاطالة بس فيه بعض الردود رفعت ضغطي شوي وحبيت أأكد الكلام من واقع تجربة..

ولكم التحية

أخوي والله كلامك صحيح بس هم ماعمموا


وأنا عن نفسي عانيت من هاالتجربة في محل للملابس الداخلية النسائية

بصراحة ضايقني كثير عامل سعودي بكلامه يقول انتي كل الالوان تليق عليك

وكل الاشكال ويبتسم ويسوي حركات مالها داعي ومدري ايش يعني نوع من الغزل

وبصراحة كل ماادخل يسوي كذا يزعجني مرررة من بعدها قررت

مااروح لهذا المحل مع انه محل ماركة عالمية وموجود في كل المجمعات

صرت اطق مشوار للمجمع الثاني عشان اروح الفرع الثاني وهاالفرع مافيه سعوديين

بس ارتاح فيه .. يعني هاذا من واقع تجربة ..

.. والناس يختلفون اخوي في منهم المحترمين وفي منهم اللي ماعندهم احترام ..

وانا مااعمم على كل الشباب السعودي لان والله في بعض المحلات يكونون محترمين

معانا بقوووة ..

فهم عطوا رأي باالاغلبية مو معناتها انهم عمموا

اتمنى انك تتقبل رأيي اخوي ..

وأنا مع كلامك ماأخالفـــــــــه .. بس في مواقف نعيشها تخلينا نقول كذا ..

وباالنهــــــاية آسفة على الاطالة


وتقبل مرووري

أهلين يا قمر

نورتي الموضوع

وأنا معك في كل اللي قلتيه 100%

وأنا ما أحكم إن كل الأجانب سيئين وفي نفس الوقت ما أحكم إن كل السعوديين خيرين

يعني في كل الجنسيات فيهم اللي فيه خير وفيهم اللي فيه شر

وأنا احب الانصاف في كل شي

بس انتي لو تلاحظين رد تشيز كيك وأبجورة على الموضوع اللي أحلت عليه في بداية موضوعي

والله ردودهم فيها كثير من الاجحاف والظلم

وأنا صراحة ما ارضى هذا الكلام ولا يرضاه أي عاقل

وعلى أساس هذا الاجحاف أنا نزلت هذا الموضوع كإحقاق للحق من واقع تجربة


ولك مني خالص التقدير على النظرة المتزنة المنطقية

مافي احد احسن من أحد .. سواء سعودي او غيره ففي بلدنا شباب فيهم الشيم والطيب والعكس وكما هو الحال في البلدان الاخرى .. بس المشكله تكمن في بناتنا واكبر دليل اقولك موقف حصل لي انا وابن اختي الصيف الماضي في الادرن ( تخيل )
كنا في مجمع ملاهي كبير وغالبيته من الخليجيين والاغلب سعوديين وانا وابن اختي كنا واقفين عند كافتريا داخل الملاهي وطلبنا بعض السندوتشات المهم واحنا واقفين ننتظر طلبنا اتوا للمحل بقرابة اربع بنات سعوديات وعندما اقتربوا للكافتريا وكنت انا واقف لجانب صاحب الكفتريا واقوله خلي اثنين بدون سلطه والباقي عادي ومن الكلام .. قالت احد البنات مرحبــا رد صاحب الكفتريا قال اهلا وسهلا ياقمر امر اطلبي قالت اربع شاورما انا طبعا ساكت ..اتأمل بما حدث وخصوصا والبنات لابسين اللثام مغطي ماتحت الانف فقط والباقي تعال وتأمل اللهم استر على بناتنا ..راح صاحب الكفتريا للداخل قالت اسعوديه لو سمحت هات اربع عصير فرش تفتكرني مو سعودي بلبسي وكذا ... قلت اختي سوري انا سعودي وزي زيك جاي اطلب ...والله العظيم فجأه نزلت الطرحه على وجهها وقالت لصاحباتها تغطوا تراه سعودي .. وصاروا محتشمات ..انا بمكاني صابني الذهول ماقدرت احكي شي ... غير تأملت وقلت الله يهديكم .. ومشيت وتركت طلبي
مابي اظلم كل البنات .. طبعا في بعض البنات متحاملات على الشب السعودي .. ومع الاجنبي يتعاملن بكل اريحيه وكلام معسول ..يعين الامر مزاجي من البنت نفسها وظلم لابن بلدها ...والاجنبي ادمي زيه زينا
واسف على الاطاله .. والله يحفظ كل بنات المسلين

كفيت ووفيت يا غالي

ومثل ما قلت لا نظلم كل البنات ولا نظلم كل الشباب

وكل جنس يحاول يصحح عيوبه أفضل من إنه يتصيد عيوب الجنس الآخر

يعني إلى بعض البنات اللي لبسهم يالله بالخير... احتشموا واستروا أنفسكم وأهليكم وترى الأجنبي مثل السعودي في كل مقومات الرجولة... مو تقول الواحدة هذا هندي أو فلبيني أو لبناني ترى عندهم قوة مثل السعودي

وإلى بعض الشباب احفظ البنت المحتشمة (وأقوله بالفم المليان: البنت المحتشمة) مثل ما إنك تحب إن ناس يحفظون أهلك... وأما غير المحتشمة فهي التي تتحمل عواقب لبسها وكما يقول المثل (هي التي أخرجت عينها بيدها)


وأرجع مرة ثانية وأشكرك يا أخ دموع الشوق ولك التحية

بيض الله وجهك يا ورد شامي

أن أشهد إنك ما كذبتي بحرف واحد

الأجنبي يلاحق البنت في كل جهة تروح معها يمين ويسار يعني ما تاخذ راحته

بس والله الشاب السعودي عنده ذوق ويخلي مجال إن البنت تشوف البضاعة براحتها

كفيتي ووفيتي يا بنت الأجواد

والله إنه انشرح صدري إن فيه بنات عندهم هذا الرأي الرائع


ولك خالص تقديري واحترامي

أنا استغرب من الاخوان والاخوات الذين يضعون اللوم دائماً على الوافدين


وهل الرذيله لها جنسيه الرادع هو التربيه


والبيئة التي تربى بها الشخص


ومخافة الله قبل كل شيء

واي شخص لو وجد من يردعه منذ البدايه لما تمادى

وهنا السؤال

هل الشخص يتمدى من نفسه دون اي اشارة من الفتاة؟


اخي الفاضل

تحياتي وتقديري