بندر الرشود )))


لو إن القصيدة مرثيه في < وفاة والدته >


ولكن يبقى على علينا الدعاء لها بالمغفره


( أسكنها الله فسيح جناته.. وتغمدها الله برحمته)

7


7


7


7

7

00000 يمه أودعك مغصوب 00000



والله لو لا الخوف من ربي وكرهي للذنوب . . . . .
. . . . . . . . . بالحرام إن التراب أبعد عليك من النجوم

يا إلهي تطمئن بـذكرك أرواح وقلوب . . . . . . .
. . . . . . . . . . لا إله إلا أنت نسجد له ولا غيرك يدوم

وجهك الباقي وعبدك ينتظر منك المكتوب . . . . .
. . . . . . . . . . ماله إلا ما كتب وما يطول إلا المقسوم

يالعظيم باللي في علمك جنه ونار وغيوب . . . . .
. . . . . . . . . . تنجي أمي من عذاب النار والقبر الكتوم

يمه الله اللي يعلم يو م أودعك مغصوب . . . . . .
. . . . . . . يوم أحطك في القبر ماأدري أقوم أو ما أقوم

ما هقيت أمشي ولا خطوه ولا الحق غروب . . . .
. . . . . . . . من عرفت إن الفراق اليوم صار أمر محسوم

صارت الدنيا تدور ولا عرفت الدرب نوب . . . . .
. . . . . . . . مثل الأعمى صرت يمه ما علي شرهه ولوم

الوكاد إني غديت بصوب والدنيا بصوب . . . . .
. . . . . . . . والحياة الله يجيرك صارت أقسى من اللزوم

كلما أذكـرك يمه ينحرق شمع و يذوب . . . . . .
. . . . . . . يختنق صدر المفارق كثر ما صار محروم

أذكرك وأنتي هنا وهناك ياصعب الهروب . . .
. . . . . . . وين ما أناظر أشوفك في عيوني كل يوم

أتخيل طلتـك و مشيتك فـي ها الـدروب . . . .
. . . . . . . حتى صوتك أسمعه نفس السوالف يا رحوم

صار بيتي في عيوني موحش وكله عيوب. . .
. . . . . . . من رحلتي لا خبر لا علم ولا عينّّّّّّّ ّّّّّّّّّّّّّّّّّّ تنوم

مابقى للبيت نور و ما بقى للجرح ثوب . . .
. . . . . . . . ولا بقى إلا ذكريات بيني وبينك تدوم

" يمه الله لا يعاقبني و لكني أتوب " . . . .
. . . . . . . ( ليت ربي ماخلق فرقا ولا موت وهموم )

أدري الجنـه تحت رجليك ولله الوجوب . . . .
. . . . . . . . أسأل الله الرضاء و الفوز يالحي القيوم