اول شي صح لسان الاثنين
ذا ولد عم وذا ولد خال ×××× ياكيف ابفزع والطعن يجرحني
كلبوكم فيكم الخير
وغصب عني اميل مع ولد الدويش
واصراحه كنت في وضع استنفار
لكن الامور عدتت علي خير
وصح لسانكم كلكم
كفيتو ووفيتو
وابي الكل يقري هالقصيده
سلام الله على بيوتـن كتبهـا طيـب السيسـان ** مراسلنـا مـن الجبـلان قالـولـي مسويـهـا
سمعته وأنتهض شعـري يغنيهـا مـع الاوزان ** وسجيت الفكر معهـا علـى قـاف (ن)يحليهـا
وأنا يوم (ن) سمعته قلت ارتبله علـى القيفـان ** بيوت (ن) من بحر شعري جزيلات (ن) معانيها
على البحر الطويل اشيده قافـي وأجـر ألحـان ** وبأبحر مع قصيده لا أسمعتها الخلـق تطريهـا
تحيزم بالحزام وورهـا شلـت جـلاب الظـان ** تنابح لين ما تتعب وربـك ساخـط (ن) فيهـا
جماعه قصدها تزعزع ولكن قصدهـا خسـران ** وحنا أكبر من علوم (ن) ضعيف (ن) قام يحكيها
وحنا ساسنا معـروف يحكابـه مـع العربـان ** شجاعه وطيب وعلـوم المراجـل مـا نخليهـا
نعم علوى وعبـدالله ومعهـم ربعـي البرهـان ** رجال (ن) تفعل الطيبه ولا تحسـب حسانيهـا
واذا قالوا نذاله قـل نعـم يـا ناطـق النـذلان ** نذالتنـا علـى قـوم (ن) تعادينـا ونعاديـهـا
مهو بأنتا حكاوي ولا أنت منهو سـدد النيشـان ** علومك في دروب الكذب يا خسـران معميهـا
مطيري والمطيري رافع (ن) راسه رفيع الشـان ** يوم إن بعض العرب بالصيت مكفوخه على فيها
فعلنـا والفعايـل بيـن خلـق الله لنـا عنـوان ** كسبناهن ثـلاث المعجـزات ان كنـت ناسيهـا
الأولى طايره طاحت وقامـت تشتعـل نيـران ** واهي فيها عبيات (ن) وطاحت عقـب عاليهـا
وأقول الثانيه عشرت عوارض كلهـم شجعـان ** تصدوا يـوم نـزح الشيـخ وجيوشـه يقديهـا
وبذكر الثالثه نذكر بهـا فيصـل بـن سقيـان ** وصل يم العـراق ولـه فعايـل مـن يباريهـا
وعبدالله فلا ننسى لهـم بالكـون مجـد وشـان ** زحازيح الرجـال اللـي تفـك المعتـزي فيهـا
غزينا وإن غزينـا والمواقـف تعتبـر برهـان ** حكايات (ن) مضت ما بيـن بايعهـا وشاريهـا
وأنا ما أقول في كل العرب شك (ن) ولا نقصان ** ولكن كلمة (ن) حزت ضميري وقلـت اسريهـا
وبختام القصيده يا سـلام الله علـى المطـران ** سلام أطيب من عذوق النخـل واللـي مسقيهـا
منقولة



يقولون : ( الصبر مفتاح )دامـه للفـرج بيبـان ** وبعض اوقات ياأهل العرف مافاد الصبـر فيهـا
إليا منه طفح كيل الرجـل ماحسـب الحسبـان ** يسج الرجـل قدامـه .. ولا يحسـب خطاويهـا
وانا من بعد هذا الصدر صرت القاف ياسلطـان ** على البحر الطويـل ابـدع طواريقـي واغنيهـا
وبوصلها لجمع الناس كافي _ وافـي(ن) مليـان ** إلين النـاس تسمعهـا وتنصـف فـي معانيهـا
وانا اللي هاظني قول(ن) يقولونه عن *المطران **يقـولـون (ال؟؟؟؟؟) بالمطـيـري مايخليـهـا
خسيتوا وان خسيتوا يا شراذن ياكـلاب الظـان ** رخوم (ن) قالت الهرجا وزادت فـي حكاويهـا
نذالتنا ->> بفعل الطيـب لكـن حيهـا يافـلان ** خص اللابه اللـي طيبهـا مـن طيـب اهاليهـا
نماريهـا بفعـل الطيـب ليـن الخافيـة تنبـان ** وهـذي فـي قبايـل نجـد ماتخفـى خوافيهـا
واذا انك غاوي التاريـخ بالفهـرس وبالديـوان ** حدر عنوان ( حمران النواظر ) وين اراضيها ؟
تنخى بالحجاز تجيـك (عبدإلـه) كمـا البركـان **تثـور وكنهـا نــار(ن) ولاتقدر*تطفيـهـا*
وأهل المعجزات (بريه) ماتخضع لمنهـو كـان ** طحاطيـح الرجـال اللـي فعايلـهـا تزكيـهـا
وسلامي(( ياأهل الردات علوه ))ياأهل الصمـان ** مقابيس الوقى بالكون .. وين اللـي يعاديهـا ؟؟
ألا ياكم روس(ن) حدرت من عالـي الضلعـان ** تهـاوى كنهـا (الكـوره) تداولـهـا نواديـهـا
وانا مانـي بقايلـك :*تمكنـا مـن الأكـوان **كسرنا // وانكسرنا // والفعايل منت محصيهـا
ولكن "عوذوا الله" ياأهل الهرجا مـن الشيطـان ** على قول المثل : (النار تحرق رجـل واطيهـا)
وهذا [ موجز النشره] مراسلكم : *من الجبلان** قصيدهتشـرح المعنـى مـن اولهـا لتاليـهـا
وانا باغي السموحه كان في هرجي بدا نقصـان **وان كـان بـه زلــه نرفعـهـا ونمحيـهـا
وبختام القصيـده ياسـلام الله علـى المطـران ** ألا يالبـت (ن) تفخـر اذا ذكـرت بأساميـهـا



هم هاذي بعد منقولة




صقررررررررررررررررررررر مطيررررررررررررررررررررررررررررررررررررررررر