اهداء ... لمن يستحقها
وتسألني عن أحوالي .. ؟؟
يا عمي أرتاح يا عمي
ولاتهتم
ولا ترحم
ترى فراق المواجع هم
والله هم
روح أرتاح ياعمي
ولا تهتم
.
.
.
.
تصدق .. في غيابك ؟؟
قمت أستعذب جروحي
وأغني لي بعض نوحي
وصرت أرتاح
والله أرتاح
تصدق .. لاذكرتك ؟؟
وأختنقت وهدني حيلي
بكيتك ثم بكيتك
لين أغليت منديلي
وتبيني أرتاح ؟؟
ياعمي أرتاح ياعمي
تصدق ..؟؟
لاأمتلى صدري من الضيقه
وش أسوي ؟؟
أضم الصوره اللي في خيالي
وينطفي ضوي
وش أسوي .. وش أسوي
روح أرتاح ياعمي
.
.
.
.
وتسالني عن أحوالي ؟؟
ياعمي أرتاح ياعمي
ولاتهتم
ولاتحاتي
وش يهمك
أذا خالط دموعي بعض من دمي
وأذا صار الغلا .. قمح .. وسنابل
وترتوي همي
وتقطفني ولا تسمي
ياعمي أرتاح ياعمي
تروح بعيد ولا تسأل عن أحبابك
تروح ولا تدري وش يسوي بي أبعادك
تعال وشوف بعيوني
حنين القلب لشتاقك
أنا ماقلت لك مره ؟؟
ترى ماتحمل غيابك
وأذا مشكك بموتي فيك
صدقني أنا أحيابك
ورب البيت أحيابك
وتبيني أرتاح
ياعمي أرتاح ياعمي
:
:
وتسألني عن أحوالي ؟؟
روح أرتاح ياعمي
ولاتحاتي
وش يهمك
وفي غيابك وأنا ميت إلاهالحين
قسم بالله كان موادعك موتي
وتلويحة يدك سكين
وتبيني أرتاح ؟؟
ياعمي أرتاح ياعمي
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
